Morgunblaðið - 15.10.2014, Qupperneq 4

4 FRÉTTIRInnlent
MORGUNBLAÐIÐ MIÐVIKUDAGUR 15. OKTÓBER 2014
SVIÐSLJÓS
Björn Jóhann Björnsson
bjb@mbl.is
Samfara frábærum árangri í fyrstu
leikjum undankeppni EM í knatt-
spyrnu hefur áhuginn á karlalands-
liðinu margfaldast. Þetta sést víða.
Meiri ásókn er í að komast á leiki
landsliðsins, bæði hér og erlendis,
tekjumöguleikar KSÍ aukast en
kostnaður um leið, og landsliðið er
ekki bara á allra vörum hér á landi
heldur á heimsvísu meðal knatt-
spyrnuunnenda. Ísland er í raun
hætt að koma þeim allra hörðustu
á óvart og stórþjóðir eiga ekki
lengur sigurinn vísan á Laugar-
dalsvelli.
Geir Þorsteinsson, formaður
KSÍ, segir við Morgunblaðið að
árnaðaróskum og fyrirspurnum
hafi rignt inn á skrifstofu sam-
bandsins í gær. Aukinn áhugi sé
sannarlega gleðiefni fyrir íslenska
knattspyrnu.
Milljarðatekjur í boði
„Það hefur mikla þýðingu fyrir
okkur fjárhagslega ef við komumst
alla leið. Á meðan keyrum við á
þeim tekjum sem við höfum,“ segir
Geir, aðspurður um áhrif góðs
gengis á fjárhag KSÍ. Hann segir
landsliðið fá um einn milljarð króna
frá UEFA ef það kemst í Evrópu-
keppnina í Frakklandi sumarið
2016.
KSÍ er með bundinn samning
um sjónvarpsrétt út undankeppn-
ina og fær þaðan samanlagt um 1,4
milljarða króna, eða um 350 millj-
ónir króna á ári. Var samningurinn
gerður af UEFA og var í fyrsta
sinn miðstýrður, þar sem mark-
miðið var að fækka milliliðum, auka
tekjurnar og jafna þeim betur á
landsliðin. Nutu Ísland og önnur
smærri ríki góðs af því.
„Við höfum lagt meira í lands-
liðið á seinni árum og kostnaðurinn
aukist því samfara. Áætlun KSÍ
fyrir þetta ár gerir ráð fyrir veltu
upp á um einn milljarð króna. Við
vorum rétt undir núllinu á síðasta
ári en þá kostaði umspilið vegna
HM verulega fjármuni,“ segir Geir.
Laugardalsvöllur tekur nærri tíu
þúsund manns í sæti og var troð-
fullur í leiknum gegn Hollend-
ingum. Að sögn Geirs gefur fullur
völlur um tuttugu milljónir króna í
tekjur en miðað við eftirspurnina
fyrir leiki eins og gegn Hollandi
hefði verið hægt að selja enn fleiri
miða. Geir segir betri árangur
landsliðanna almennt kalla á stærri
völl, og upphitaðan að auki, og eru
viðræður þess efnis í gangi við
Reykjavíkurborg og stjórnvöld. Til
að loka hringnum með stærri
áhorfendastúkum þarf hlaupabraut-
in á Laugardalsvelli að víkja og
samkomulag í þá veru liggur fyrir
við frjálsíþróttahreyfinguna, að
sögn Geirs. Miðast áætlanir KSÍ
við að stærri völlur geti tekið um
15 þúsund manns í sæti, með stúk-
um allan hringinn.
Ferð til Hollands 2015
Ferðaskrifstofur eru farnar að
auglýsa ferðir á næstu leiki Íslands
í undankeppni EM. Úrval-Útsýn
hefur nú þegar auglýst pakkaferð
til Amsterdam í september á næsta
ári, til að sjá útileikinn gegn Hol-
lendingum. Lúkas Kostic hjá Úr-
vali-Útsýn segir mikinn áhuga vera
á landsliðinu og vonandi muni
áhorfendum fjölga á útileikjunum,
landsliðinu veiti ekki af stuðn-
ingnum þar. Lúkas telur ólíklegt að
ferðaskrifstofan nái að auglýsa ferð
á leikinn gegn Tékkum. Ferð til
Prag 16. nóvember er til skoðunar
hjá Icelandair og Vita-ferðum. Lúð-
vík Arnarson hjá Vita-ferðum segir
það liggja fyrir í þessari viku hvort
farið verði til Tékklands. „Það er
þó ljóst að við verðum ekki með
ferð til Kasakstans í mars,“ segir
Lúðvík, léttur í lund, en hann vildi
ekkert segja til um það hvort Vita
væri farið að líta í kringum sig í
Frakklandi sumarið 2016.
Eftir að hafa verið viðstaddur
sigurleikinn gegn Hollendingum,
bronsliðinu á HM í sumar, er und-
irritaður þó sannfærður um að æv-
intýri íslenska landsliðsins sé rétt
að byrja.
Landsliðið á allra vörum
 Góður árangur íslenska karlalandsliðsins eykur áhuga og vekur athygli
 KSÍ fær milljarð ef liðið kemst á EM 2016  Stækka þarf Laugardalsvöllinn
Tipparar hafa trú á liðinu
» Þeir sem veðjuðu á sigur Ís-
lands gegn Hollandi fengu sitt
framlag margfalt til baka á
Lengjunni.
» Íslensk getspá var fyrst með
stuðulinn 5 á íslenskan sigur
en lækkaði hann í 4 á leikdegi
vegna aukinna væntinga.
» Niðurstaðan varð sú að 42%
tippara veðjuðu á Ísland, 18%
á jafntefli og 40% á Holland.
» Tiltrú tippara á íslenska
landsliðið hefur aukist en að-
eins 20% veðjuðu á Ísland
gegn Tyrkjum á dögunum. Hins
vegar veðjuðu 80% tippara á
sigur gegn Lettum.
Morgunblaðið/Golli
Fögnuður Þrír af lykilmönnum íslenska landsliðsins; Ragnar Sigurðsson, Gylfi Þór Sigurðsson og Aron Einar Gunnarsson fyrirliði fagna fyrra marki Gylfa.
Morgunblaðið/Golli
Stuðningur Samfara betri árangri eykst stuðningur og tiltrú Íslendinga á
landsliðið. Stuðningsmannasveitin Tólfan hefur haft mikið að segja.
’
Það hefur ekki verið jafnmögnuð
stund í Reykjavík síðan Fischer
rústaði Spassky.
Blogg við frétt The Guardian.
’
Þetta voru stórkostleg úrslit fyrir
Ísland. Landsliðið leikur frábæran
fótbolta um þessar mundir og vel-
gengni þess er svo sannarlega verð-
skulduð.
Blogg við frétt The Guardian.
’
Ísland hefur staðið upp úr til þessa
í undankeppni EM … Lagerbäck
hefur unnið kraftaverk fyrir Ísland og
liðið er líklegt til að komast áfram.
Blogg við frétt The Guardian.
’
Lars Lagerbäck
er á sinn hátt
orðinn goðsögn. Ef
Ísland vinnur riðilinn
viljið þið þá nefna
eldfjall eftir honum.
Blogg frá Svíþjóð við
frétt Daily Mail.
’
Hvað sem við
erum að borga Lagerbäck þá er
það ekki nóg.
Dagbjartur Gunnar á Twitter.
’
Hvað breytist í gufu við -2ºC? –
Hollenska landsliðið.
Bragi Valdimar Skúlason á Twitter.
’
Verð aldrei þreyttur á þeirri stað-
reynd að markvörður Íslands gegn
Hollandi, Hannes Halldórsson, leik-
stýrði myndbandi Íslands fyrir Euro-
vison árið 2012.
Fréttamaður CNN á Twitter.
’
Hollendingar eru daufir í dag. Fór í
appelsínugulu peysunni minni í
vinnuna í dag til að styrkja böndin.
Hanna Lára í Hollandi á Facebook.
’
Sig (Gylfi Þór)
er sjóðheitur.
Blogg frá Reading við
frétt Daily Mail.
’
Knattspyrnu-
húsin, þessi
sænski þjálfari og
efnahagshrunið
hafa loks borgað sig.
Blaðamaður Wall Street
Journal á Twitter.
’
Gylfa sem forseta 2024.
Jóhann Skagfjörð á Twitter.
’
Þvílík frammistaða hjá Íslandi. Hol-
land átti ekki möguleika.
Aron Jóhannsson á Twitter.
’
Landsliði Hollendinga var í morgun
bjargað við illan leik af Laugardals-
velli. Liðið fraus fast við völlinn snemma
í fyrri hálfleik og var að mestu bjarg-
arlaust eftir það.
„Frétt“ á Baggalútur.is.
Bloggað og tíst
efir leikinn
Guðni Einarsson
gudni@mbl.is
Óvenjumargir alþingismenn eru
fjarverandi þessa dagana af ýmsum
ástæðum. Átta varamenn sitja á Al-
þingi þessa dagana og fimm alþing-
ismenn voru á fjarvistaskrá þingsins
í gær.
Fimm varamenn tóku sæti á Al-
þingi á mánudag, 13. október. Þeir
eru Álfheiður Ingadóttir fyrir Svan-
dísi Svavarsdóttur, Björn Valur
Gíslason fyrir Steinunni Þóru Árna-
dóttur, Oddgeir Ágúst Ottesen fyrir
Unni Brá Konráðsdóttur, Óli Björn
Kárason fyrir Ragnheiði Ríkharðs-
dóttur og Sveinbjörg Birna Svein-
björnsdóttir fyrir Vigdísi Hauks-
dóttur. Þann 9. október tók Anna
María Elíasdóttir sæti á Alþingi fyr-
ir Gunnar Braga Sveinsson og Björn
Leví Gunnarsson fyrir Birgittu
Jónsdóttur. Sigurður Páll Jónsson
tók sæti á Alþingi 7. október sem
varamaður Ásmundar Einars
Daðasonar.
Við störf í útlöndum
Þau Svandís, Unnur Brá, Ragn-
heiður og Vigdís sitja allsherjarþing
Sameinuðu þjóðanna. Samkvæmt
venju sitja fjórir alþingismenn alls-
herjarþingið í hálfan mánuð á hverju
hausti.
Þrír alþingismenn sækja 131. þing
Alþjóðaþingmannasambandsins
(IPU) sem haldið er í Genf í Sviss
dagana 12.-16. október. Fulltrúar Al-
þingis á þinginu eru Ásmundur Ein-
ar Daðason, Birgitta Jónsdóttir og
Valgerður Gunnarsdóttir.
Á fjarvistaskrá Alþingis í gær
voru þau Bjarni Benediktsson,
Eygló Harðardóttir, Líneik Anna
Sævarsdóttir, Valgerður Gunnars-
dóttir og Þórunn Egilsdóttir.
Helgi Bernódusson, skrifstofu-
stjóri Alþingis, sagði að alþingis-
menn væru skráðir á fjarvistaskrá
þegar þeir eru fjarverandi um
skamman tíma, jafnvel í aðeins einn
þingfundadag.
Þegar alþingismenn sjá fram á að
fjarvera þeirra muni vara fimm þing-
fundadaga, eða lengur, þá geta þeir
kallað inn varamann. Varaþingmað-
urinn gegnir þá þingstörfum í stað
aðalmannsins og er hann því ekki
skráður á fjarvistaskrá.
Margir þingmenn eru fjarverandi
 Átta varamenn sitja á Alþingi þessa dagana  Fimm þingmenn voru að auki á fjarvistaskrá í gær
 Alþingismenn sitja allsherjarþing Sameinuðu þjóðanna og þing Alþjóðaþingmannasambandsins
Morgunblaðið/Ómar
Alþingi Sjö alþingismenn sitja nú tvö þing í útlöndum fyrir Íslands hönd. Að
auki voru sex aðrir fjarverandi vegna skyldustarfa eða af öðrum ástæðum.