Morgunblaðið - 15.10.2014, Side 44

MIÐVIKUDAGUR 15. OKTÓBER 288. DAGUR ÁRSINS 2014
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 425 ÁSKRIFT 4680 HELGARÁSKRIFT 2900 PDF Á MBL.IS 4470 I-PAD ÁSKRIFT 4470
1. Sveinbjörg hyggst lifa á 750 kr.
2. Aðgangi að deildu.net lokað
3. Ísland missti af EM
4. Hvað breytist í gufu við -2°C?
»MEST LESIÐ Á mbl.is
FÓLK Í FRÉTTUM
 Myndasagan nefnist ný bók eftir
Úlfhildi Dagsdóttur sem senn er
væntanleg frá Froski útgáfu. Í bók-
inni fjallar höfundur um þróun
myndasögunnar frá 1870 til dagsins í
dag auk þess sem sérstök áhersla
verður á íslenskar myndasögur.
Froskur útgáfa sendir alls fjórar
myndasögur frá sér á næstunni.
Þeirra á meðal er Ástríkur og víking-
arnir, sem fyrst kom út í Frakklandi
1967 en hefur aldrei komið út hér-
lendis. Þýðandi er Hildur Bjarnason.
Ljósmynd/Goscinny og Uderzo
Myndasagan frá 1870
til dagsins í dag
 Lestrarvefurinn
Allir lesa, vett-
vangur landsleiks
í lestri sem hefst
17. október, var
opnaður á föstu-
daginn var og
hafa nú yfir
hundrað lið skráð
sig til leiks á vefn-
um, allirlesa.is. Allir lesa er liða-
keppni í lestri og er keppt í því hvaða
lið ver mestum tíma í lestur.
Yfir 100 lið skráð í
landsleik í lestri
Coolboy í Japan
Á fimmtudag Austan og norðaustan 5-13 m/s. Dálítil él eða skúr-
ir, en bjartviðri að mestu á S- og V-landi. Hiti 1 til 6 stig, mildast
með S-ströndinni.
SPÁ KL. 12.00 Í DAG Austan 3-8 m/s, en 8-13 syðst. Skýjað að
mestu S- og A-lands og sums staðar dálítil úrkoma, en þurrt og
bjart með köflum V-til. Hiti yfirleitt 0 til 5 stig yfir daginn.
VEÐUR
Strákarnir í U21 ára liði
karla í knattspyrnu
verða að bíta í það súra
epli að sitja heima þeg-
ar úrslitakeppnin verður
haldin í Tékklandi á
næsta ári. 1:1 jafntefli á
móti Dönum í síðari
umspilsleiknum á
Laugardalsvelli nægði
íslenska liðinu ekki til
að komast áfram. Danir
fóru áfram á útimarka-
reglunni. »3
Engin úrslita-
keppni hjá U21
Eiður Smári Guðjohnsen er afar
ánægður með skipulagið í íslenska
landsliðinu í knatt-
spyrnu, byrjunina í
undankeppninni og
hversu samstillt
landsliðið er. Hann
segir óvissu ríkja um
framtíð sína á fót-
boltavellinum en
hann er enn án félags.
»1-2
Eiður Smári ánægður
með landsliðið
„Já, það er gaman að vera Íslend-
ingur í Hollandi í dag. Ég fór í verslun
í morgun og þá var kallað til mín:
Hey, þarna er Íslendingurinn,“ sagði
Bjarni Skúli Ketilsson í samtali við
Morgunblaðið en sigur Íslendinga á
Hollendingum í undankeppni EM á
Laugardalsvelli í fyrrakvöld hefur
vakið gríðarlega athygli í Hollandi og
reyndar víða um heim. »4
Gaman að vera
Íslendingur í Hollandi
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Þórunn Kristjánsdóttir
thorunn@mbl.is
„Það skemmtilega við mörg ofur-
hlaup er sagan á bak við þau. Þá
eru þau ekki einungis hlaup frá A
til B, heldur tengist leiðin raun-
verulegum atburðum og maður
upplifir söguna í hlaupinu,“ segir
Gunnlaugur Júlíusson ofurhlaupa-
garpur með meiru. Hann hefur
skráð sig í 378 km hlaup í Grikk-
landi sem nefnist „The 300 of
Sparta – Endurance race“. Hlaup-
ið er nýtt af nálinni í flokki svo-
kallaðra ofurhlaupa.
Hlaupin er leið sem konungur-
inn Leonídas leiddi úrvalslið um
300 Spartverja til að verjast innrás
Persa um 480 árum fyrir Krist.
Þeir sem hafa horft á myndina 300
Spartverjar sem var gerð árið
2006 ættu að kannast við sögu-
sviðið.
Grísk ofurhlaup erfið
Eitt erfiðasta ofurhlaup í heimi,
Spartathlon, er t.d. þannig til kom-
ið að á áttunda áratug síðustu ald-
ar rákust tveir Bretar á frásögn í
grískum sögum af hermanni sem
hljóp frá Aþenu til Spörtu á tæp-
um tveimur dögum til að sækja
liðsauka þegar Persar gerðu inn-
rás í Aþenu. Sagan segir að hann
hafi gert gott betur og einnig
hlaupið til baka. Bretarnir sann-
reyndu söguna og komust að því
að það var mögulegt að ljúka
hlaupinu á tilsettum tíma. Það
varð upphafið að grískum ofur-
hlaupum. Nú er því komið fram
nýtt ofurhlaup sem hefur áþekka
skírskotun í gríska sögu. Gunn-
laugur hljóp Spartathlon árið 2008.
Tímamörkin eru þröng en til að
ná þeim þarf að hlaupa um 5,5 km/
klst. að jafnaði. Víða er farið um
fjalllendi svo það er ekki allstaðar
farið hratt yfir. Gunnlaugur segist
þurfa að hafa sig allan við ef hann
eigi að ná tímamörkunum. Gist
verður í tjöldum á þeim átta dög-
um sem hlaupið stendur yfir.
„Þetta lítur út fyrir að vera ágæt-
lega krefjandi hlaup. Ég hef ekki
áður hlaupið ofurhlaup sem nær
yfir átta daga. Ætli það næsta sem
komist þessu sé ekki þegar ég
hljóp frá Reykjavík til Akureyrar
á sex dögum.“
„Maður veit aldrei hvað bíður
manns þegar maður tekur þátt í
ofurhlaupi. Óvæntar aðstæður
koma upp og maður þarf að takast
á við þær. Höfuðið, ekki síður en
líkaminn, þarf að vera í topplagi til
að takast á við ofurhlaup. Þú átt
kannski um hundrað þúsund skref
eftir í mark en ert kominn með
blöðrur á fæturna og skafsár á lík-
amann. Það þarf hins vegar ekki
að taka nema eitt skref út í veg-
kantinn til að hætta keppni. Slíkar
hugsanir sækja á mann og þær
verður maður að yfirvinna.“
Til að undirbúa sig fyrir mikinn
hita tekur Gunnlaugur hitaæf-
ingar. Þá kappklæðir hann sig,
hleypur í um 10 skipti á hlaupa-
bretti í rúman hálftíma og fer svo í
sána á eftir. Annar liður í undir-
búningi fyrir hlaupið er þátttaka í
heimsmeistarakeppni í sólar-
hringshlaupi sem haldið verður í
Tórínó á Ítalíu eftir nokkra mán-
uði. Eins og nafnið gefur til kynna
er þar hlaupið í sólarhring og sá
sem nær að hlaupa sem flesta kíló-
metra innan sólarhrings sigrar.
Tekst á við hið óvænta
 Æfir fyrir 378
km ofurhlaup í
Grikklandi
Ofurhlaupari Gunnlaugur er ofurhlaupari með meiru og vílar ekki fyrir sér
að hlaupa í átta daga um 378 km leið um Grikkland á söguslóðum Spart-
verja. Hann þarf að hlaupa um 50 km á dag á hraðanum 5,5 km/klst.
Hlaupið í Grikklandi er átta
dagar, frá 26. apríl til 3. maí
2015, og er leiðin 378 km
löng. Hlaupnir eru um 50 km
á dag. Hækkun og lækkun er
samtals rúmlega 8.600 metr-
ar. Tímamörk eru á hverjum
degi. Til að ná þeim mörkum
má ekki hlaupa undir 5,5 km/
klst.
Á sjöunda degi sem er
lengsti dagurinn eru hlaupnir
55 km en 31 km síðasta dag-
inn.
Farin er leiðin sem Leon-
ídas kóngur leiddi úrvalslið
Spartverja, 300 manns, frá
Spörtu að Laugaskarði þar
sem þeir vörðust innrás Persa
og börðust til síðasta manns.
Eingöngu 300 manns fá að
taka þátt í hlaupinu sem vísar
beint til sögunnar. Konum og
körlum sem náð hafa 18 ára
aldri er velkomið að taka þátt
í hlaupinu. Þátttökugjaldið er
um 215 þúsund krónur eða
1.400 evrur. Hægt er að
kynna sér hlaupið nánar á
vefsíðunni: www.300of-
sparta.com.
Ekki fleiri
en 300 fá
að vera með
300 SPARTVERJA HLAUPIÐ
 Hljómsveitin Oyama gefur út sína
fyrstu breiðskífu, Coolboy, hér á
landi og í Japan. 12 tónar gefa plöt-
una út hér á landi 3. nóvember og fyr-
irtækið Imperial Records gefur hana
út í Japan 3. nóvember.