Málfríður - 15.10.2005, Qupperneq 8

Hvað er CLIL?
Í stuttu máli má segja að CLIL sé yfirheiti yfir
ýms ar skyldar aðferðir sem leggja áherslu á að
samþætta kennslu í námsgreinum og tungumálum,
s.s. „bilingual content teaching“ og „content-based
lan guage teaching“. Það sem hér er átt við er að
náms grein og tungumál eru samþætt, t.d. saga og
þýska eða landafræði og enska, þannig að kennt er
á erlenda málinu en báðar greinar vega jafnt, bæði
hvað við kemur markmiðum, innihaldi og mati.
Talað er um CLIL sem aðferð en ekki sem aðferð
í tungumálakennslu eingöngu, heldur er lögð jöfn
áhersla á bæði tungumálið og hina námsgreinina.
Tungumálið er inntak miðilsins. Það má segja að
CLIL felist í eftirfarandi: „Teaching a subject through
a foreign language, not in a foreign language“. Það
er mjög mikilvægt að bæði greinin og tungumálið
standi jafnfætis.
Markmið með CLIL eru einkum þau
að stuðla að
• þverfaglegu námi
• aukinni færni í erlendum tungumálum
• dýpri skilningi á lykilhugtökum þeirra náms-
greina sem samþættar eru tungumálanáminu
• nemendasjálfstæði (learner autonomy)
Evrópuráðið hefur um áratugaskeið unnið að rann-
sóknum og þróunarverkefnum á sviði tungumála-
náms og tungumálakennslu sem hafa haft mikil
áhrif á námskrár og kennsluhætti víða í Evrópu. Má
þar nefna The European Language Portfolio og The
Common European Framework of Reference for
Lan guages. Það er yfirlýst stefna Evrópuráðsins að
allir íbúar álfunnar læri a.m.k. tvö erlend tungumál
frá unga aldri. Tungumálanám hefur augljóst gildi
á tímum þegar Evrópa er að verða einn vinnumark-
aður og flutningar milli landa eru tíðir. Auk þess
stuðlar tungumálanám að gagnkvæmum skilningi
milli þjóða og umburðarlyndi gagnvart þeim sem
tala önnur tungumál og eiga rætur í annarri menn-
ingu.
Unnið hefur verið ötullega að því innan Evr ópu-
ráðsins að finna leiðir til að gera tungumálanám
markvissara þar sem sýnt er að tungumálakennsl-
an, í þeim farvegi sem hún hefur verið, skilar ekki
alltaf nógu góðum árangri miðað við þann tíma
sem í hana er varið. Umræðuefni ráðstefnunnar var
kennslufræðileg nálgun sem kallast Content and
Lan guage Integrated Learning (CLIL). CLIL er talið
geta stuðlað að markvissara námi og kennslu, bæði
í tungumálum og þeim námsgreinum sem kenndar
eru á tungumálinu sem um ræðir.
8 MÁLFRÍÐUR
Dagana 10.–11. mars 2005 sóttu Auður Torfadóttir og Bryn-
hildur A. Ragn arsdóttir fyrir hönd mennta málaráðu neyt -
isins ráðstefnu í Lúx embourgar undir heitinu The Chang-
ing European Classroom – the Po ten tial of Pluri ling ual
Edu cation. Ráðstefnan var hald in á vegum ríkisstjórnar
Lux emborgar sem fer með forsæti í Evr ópu ráðinu árið
2005.
Auður Torfadóttir og Brynhildur A. Ragnarsdóttir
Auður Torfadóttir, dósent KÍ og Brynhildur A. Ragnarsdóttir, kennsluráðgjafi,
Fræðslumiðstöð Reykjavíkur.
Tvíþætt nám (CLIL)
„Content and Language
Integrated Learning“