Fréttir - Eyjafréttir - 17.08.2000, Blaðsíða 18

18
Fréttir
Fimmtudagur 17. ágúst 2000
Kristjana Jónsdóttir og Einar Pólsson eru fyrstu brúðhjónin í stafkirkjunni:
Sveitó brúðkaup í
anda brúðarinnar
Stafkirkjan á Skansinum er nú
þegar farin að gegna sínu
guðrækilega hlutverki. Á
laugardaginn gaf séra Kristján
Björnsson saman í heilagt
hjónahand tvenn brúðhjón, en það
eru fyrstu kirkjulegu athafnir sem
fram fara í stafkirkjunni síðan hún
var vígð 30. júlí síðastliðinn. Fyrst
parið sem geflð var saman í
stafkirkjunni voru Kristjana
Jónsdóttir og Einar Pálsson
vélstjóri. Þau hafa búið saman í
fimm ár og eiga tvær dætur,
Hrafnhildi tveggja ára og
Steinunni Maríu þriggja ára. í
spjalli við Fréttir sögðu þau að
athöfnin hefði gengið mjög vel og
dagurinn verið mjög eftir-
minnilegur. „Við ætluðum nú ekki
endilega að gifta okkur í
stafkirkjunni frekar en annars
staðar og alls ekki ætiunin að verða
þau fyrstu. Það bara hittist svona
á og við vissum það ekki fyrr en
seinna að við yrðum fyrst til þess.“
Nanna segir að það sé hins vegar
hennar stíll að hafa viljað nota
stafkirkjuna til athafnarinnar.
„Eg er bara svona sveitó,“ segir
hún og hlær. Og Einar bætir við
að hann hafi nú bara hlýtt henni,
eins og góðum eiginmanni sæmdi.
„En þetta tókst frábærlega og var
róleg og þægileg athöfn. En við
vorum búin að velta þessu fyrir
okkur í einar þrjár vikur. Við
vildum kirkjulega athöfn með
okkar nánasta fólki.“
Þau segja að andrúmsloftið í
kirkjunni hafi verið dálítið
óvenjulegt. „Það var svona
þægileg trjákvoðulykt í loftinu,
sem vandist ágætlega. Að öðru
leyti höldum við að athöfnin hafi
ekki verið frábrugðin öðrum
giftingum.“
Kristjana segir að það hafi verið
nóg að snúast morguninn fyrir
athöfina. „Eg fór í hárgreiðslu til
Svanhvítar sem er á hárgreiðslu-
stofu EnnEII og svo sáu Begga og
Kata í Kúltúru um skreytingar á
bílnum og í veislunni.“
Hvernig var svo dagurinn að
öðru leyti?
„Eftir athöfnina, sem tók um
það bil tuttugu mínútur, fórum við
bíltúr um eyjuna, við vorum að
sjálfsögðu með einkabílstjóra en
systir Einars, Sigrún, tók það
embætti að sér. Svo fórum við í
smáveislu hjá tengdó og skáluðum
í kampavíni," sagði Nanna. „Um
kvöldið fórum við út að borða á
Hótel Þórshamri með
ættingjunum, en það var
listakokkurinn Grímur Gísla sem
útbjó matinn. Það voru
sjávarréttir í forrétt, lambalundir í
aðalrétt og ávextir í grand marnier
í eftirrétt og ís fyrir börnin, en
maturinn var alveg frábær eins og
Gríms er von og vísa. Um nóttina
gistum við á Hótel Þórshamri, en
þar var búið að skreyta allt með
rósum og við fengum okkur
kampavín og konfekt. Nóttin var
mjög góð og við erum mjög
hamingjusöm með hvað allir voru
hjálpsamir. Daginn eftir sótti
einkabílstjórinn okkur á hótelið og
við borðuðum síðbúinn
morgunverð með nánustu
GENGIÐ úr kirkju að athöfn lokinni. -Við ætluðum nú ekki endilega að gifta okkur í stafkirkjunni
frekar en annars staðar og alls ekki ætlunin að verða þau fyrstu. Það bara hittist svona á og við vissum
það ekki fyrr en seinna að við yrðum fyrst til þess, segja brúðhjónin.
ættingjum.“
Brúðhjónin sögðust alveg vera til
í að endurtaka brúðkaupsdaginn,
af því að allt tókst svo vel. „En án
gríns, þá var dagurinn mjög
skemmtilegur og við viljum nota
tækifærið og þakka öllum sem
stuðluðu að því að svo varð.“
Stafkirkjan góð viðbót
Séra Kristján Björnsson
sóknarprestur Landakirkju sem
gaf brúðhjónin saman sagði mjög
þægilegt andrúmsloft í
stafkirkjunni. „Það er góður og
þéttur hljómur í kirkjunni og hún
hentar mjög vel til smærri athafna.
Hljómburður er mjög góður, jafnt
fyrir söng og hljóðfæri. Umgjörðin
er sérstök og inni er sterkur
viðarkeimur sem eykur hughrifin.
Þetta er náttúrulegt og lifandi
guðshús, þar sem saman fer hátíð-
leiki og glæsileiki.“
Kristján sagði þegar hann var
spurður hvort fólk sýndi
stafkirkjunni mikinn áhuga til
kirkjulegra athafna, að nokkuð
væri bókað nú í ágústmánuði. ,Já
það eru fyrirhugaðar skírnir og
giftingar, en kirkjan er góð viðbót
og tilbreyting við Landakirkju.
Hins vegar kemur hún ekki í stað
móðurkirkjunnar ef svo má segja
hér í Eyjum og Landakirkja mun
áfram gegna sínu hlutverki eftir
sem áður,“ sagði Kristján.
FJÖLSKYLDAN á kirkjutröppunum: Kristjana Jónsdúttir og Einar Pálsson hafa búið saman í fimm
ár og eiga tvær dætur, Hrafnhildi tveggja ára og Steinunni Maríu þriggja ára.
Landa-
KIRKJA
- lifandi samfélag!
Sunnudaginn 20. ágúst:
Kl. 11.00. Guðsþjónusta með góðri
tónlist í kirkjunni okkar. Skím.
Ræðuefnið: Ranglátum ráðsmanni
hrósað. Kaffisopi á eftir í
Safnaðarheimilinu.
Verið hjartanlega velkomin!
Fimmtudaginn 24. ágúst:
Kl. 14.30. Helgistund á Heilbrigð-
isstofnuninni, dagstofu 3. hæð.
Heimsóknargestir velkomnir.
Hvíta-
SUNNU-
KIRKJAN
Fimmtudagur
Kl. 20.30 Bibhulestur
Laugardagur
Kl. 20.30 Bænasamkoma
Sunnudagur
Kl. 11.00 Vakningarsamkoma.
Ræðumaður Hjálmar Guðnason.
Allir hjartanlega velkomnir
Hvítasunnukirkjan
Aðvent-
KIRKJAN
Laugardagur 19. ágúst
Kl. 10.00 Biblíurannsókn.
Allir hjartanlega velkomnir.
Biblían
talar
sími
481-
1585