Harmoníkan - 01.05.1987, Qupperneq 8
I Borgarfjörðinn
IBorgarfjörðinn brá ég mér, á ball
rétt eins og gengur hér — segir í
gömlum danslagatexta eftir Jón Sig-
urðsson.
Harmoníkuunnendur Vesturlands
héldu haustfagnað að Logalandi 11.
október s.l. Ballið var rétt nýhafið
þegar við komum á staðinn og for-
maður félagsins, Ingimar Einarsson
tók á móti okkur í anddyrinu og bauð
okkur í salinn.
Fólk var að týnast inn í húsið og
dansinn hafinn við undirleik nokk-
urra félaga úr H.U.V. ásamt Þóri
Magnússyni trommara. Þeir félag-
arnir spiluðu fyrir dansinum bæði i
stærri og smærri hópum, en einnig
gripu þar inn í gestir úr Hveragerði og
Reykjavík. Var ekki að sjá annað en
að samkomugestir skemmtu sér vel,
því mikil var þátttakan í dansinum.
Þá var engin smámunasemi höfð á
veitingasölunni, því að gosdrykkirnir
voru seldir í 1 Vi lítra plastflöskum, en
það er góð aðferð til varnar glerbrot-
um. En eins og áður var sagt, var fólk
komið til að skemmta sér, og það
gerði það svikalaust.
Þá hafði Steinunn Pálsdóttir, sem
við höfðum áður séð leika á har-
moníku, lagt hana til hliðar en tekið í
hendurnar gítar og spilaði með þeim
eins og hún hefði aldrei gert neitt ann-
að. Og ekki nóg með það, heldur söng
hún líka með í sumum laganna. Laug-
ardaginn 2. maí, halda þeir svo sum-
ardansleik. Þeir eru vanir að hafa
þennan dansleik fyrsta laugardag í
sumri, en urðu nú að færa hann til út
af kosningunum.
Því miður náðist ekki í fréttir frá
þessum dansleik áður en blaðið fór í
prentun, en þar hefur efalaust verið
líflegt.
Molar
Harmoníkufélag Blönduóss hefur
verið með gömludansana af og til,
bæði á Blönduósi og víðar. Meðal
annars fóru þeir til Skagafjarðar og
léku fyrir Eldridansaklúbb Skagfirð-
inga við mjög góðar undirtektir. Þá
hafa þeir haft góða samvinnu við
menn frá Hvammstanga og hafa þeir
í sameiningu spilað á Hótel Hvamms-
tanga, 6. mars og 15. apríl s.l.
Þá léku þeir einnig á dansleik 1. maí
s.l. á ársafmæli Hótels Hvamms-
tanga. Að sögn Þóris Jóhannssonar
hafa dansleikirnir verið mjög vel sótt-
ir nema einna helst á Blönduósi.
Erum við mjög undrandi á því, þar
sem fyrir nokkrum árum var haldið
þar gömludansaball, og var það þá
mjög vel sótt, og mikið af ungu fólki
sem virtist kunna gömludansana til
hlítar.
En það gildir ef til vill um þá sú
regla, að engin er spámaður í sínu
heimalandi.
8