Harmoníkan - 30.05.1995, Blaðsíða 16

lengra komið að spila með opnum huga,
að spila það sem það hefur sjálft áhuga
á. Og það er hægt að spila alla tónlist á
harmoníku. Vandamál íslendinga í dag
er að þá vantar góða kennara. Ég spurði
Tatu hvort hann hefði einhverja sérósk
um að fara eitthvað eða hitta einhvern
sérstakan. Jú hann langaði um fram allt
til að hitta Reyni Jónasson og Braga
Hlíðberg einnig að koma að Geysi í
Haukadal, alltaf væri hann spurður eftir
því í Finnlandi hvort hann hefði séð
Geysi á Islandi. Tatu fékk allar þessar
óskir uppfylltar. Tatu Kantomaa hefur
nú kvatt landið, (2. maí) vonandi ekki
fyrir fullt og allt. Nú þegar hefur hann
víða farið um landið, gerði mikla lukku
á árshátíðinni 18. mars og víðar þar sem
hann hefur komið fram á tónleikum.
Tatu kom til Egilstaða 17. janúar og
fór út 2. maí síðastliðin. Tatu kenndi
einstaklingum, stjórnaði sveit H.F.H.,
stjómaði um tíma kór, auk þess að spila
í leikriti „Dagbók Önnu Frank“ hjá leik-
félagi Fljótsdalshéraðs, ýmsum uppá-
komum og fimmtán tónleikum.
H.H.
Raddir vorsins
Farfuglamirflínku frá vinstri: Hafsteinn
Sigurðsson, Tatu Kantomaa og Einar Guð-
mundsson í Félagsheimili Kópavogs 1. maí.
Fyrsti maí, vorboðinn ljúfi var kom-
inn, ásamt öðrum föstum fargestum, og
söng, „dýrðin, dýrðin“ og hinir sungu
einnig hver með sínu nefi og fylltu í
sameiningu loftið loforðum um sælu og
sumaryl. I félagsheimili Kópavogs
þennan sama dag svifu ljúfir harm-
oníkutónar og fylltu loftið glaðværð og
stemmningu. Þar voru líka einskonar
farfuglar á ferð þó ekki væm vængjaðir
en tónarnir flugu og juku kraft og þor
þeirra er sannir harmoníuunnendur geta
kallast. Harmoníkufélag Héraðsbúa
með Hrein Halldórsson í fararbroddi
sýndu mikið áræði með því að fá til liðs
við sig finnska harmoníkusnillinginn
Tatu Kantomaa síðastliðinn vetur. Þeir
létu ekki þar við sitja. Eftir dvöl hans
þar á Egilsstöðum skunduðu þeir með
nesti og nýja skó, nánast um alla lands-
byggðina til að gefa sem flestum tæki-
færi til að hlusta á þá gífurlegu mögu-
leika sem felast í einni harmoníku.
Harmoníku þess manns sem lært hefur
að nota hljóðfærið frá gmnni af hinum
rétta lærimeistara. Hreinn Halldórsson
og Tatu Kantomaa vom búnir að koma
víða við á landsbyggðinni, á einum
sextán stöðum og halda tónleika. Og þar
með útbreiða hinum fagra boðskap
harmoníkuhljómsins af fagmennsku.
Við skulum skrá þessa staði hér í blað-
inu, ég held þetta framtak sé það merki-
legt:
Þann
11.02 Valaskjálf Egilsstöðum
18.02 Borgafjörður Eystri
25.02 Þórshöfn
26.02 Vopnafjörður
04.03 Hamraborg Breiðdal
25.03 Homafjörður
01.04 Þingeyjarsýsla
13.04 ísafjörður
20.04 Stykkishólmur
20.04 Árbliki Dalasýslu
21.04 Hólmavík
22.04 Raufahöfn
27.04 Neskaupstaður
28.04 Akureyri
01.05 Kópavogur
Ennfremur
04.03 Fegurðarsamkeppni í Vala-
skjálf
18.03 Árshátíð Reykjavík
07.04 Árshátíð H.F.H.
Þorrablót í janúar Egilsstaðir og
Hlíðamenn
Tónleikarnir í Félagsheimili Kópa-
vogs voru fyrir troðfullu húsi c.a. 250
manns. Ekki nóg með það tveir farfugl-
ar til viðbótar vom komnir líka. Þekktur
harmoníkuleikari Einar Guðmundsson
frá Akureyri 33 ára og hinn 49 ára
gamli harmoníkuspilari Hafsteinn Sig-
urðsson sem síðustu 11 ár hefur skapað
sér nafn sem góður harmoníkuleikari.
Tríóið Tatu, Einar og Hafsteinn rifu upp
fjörið eftir kynningu Hreins Halldórs-
sonar. Svo tók hvað við af öðru; dúettar
eða einleikur og mörg góð stykkin hrifu
áheyrendur, sem brostu breitt. Raddir
vorsins, Sveitadans, Sumamætur (vals
frá Finnlandi), Vikivaki, Bergmál vors-
ins, Bjórtunnupolki, dúett Tatu og Ein-
ars gerði lukku og færði líf í tuskumar.
Svo var boðið uppá lestarferð með Tatu.
Lestin (ítalskt lag) með tilheyrandi
teinaskrölti og ískri í hemlum á brautar-
stöðinni. Tatu þakkaði fyrir móttökumar
á Islandi með Sukkijiirven polka. Við-
staddir risu tvisvar úr sætum til að sýna
þessum unga meistara þakklæti, sem lét
til leiðast að leika nokkur aukalög. Vel
heppnuðu tónleikahaldi var lokið. Eftir
stendur vissa um það að fólk vilji hlusta
á góðan harmoníkuleik. Harmoníkufé-
lag Héraðsbúa á þakkir skyldar fyrir
framtakið. Vonandi fáum við seinna að
njóta þessara manna sem skópu þessar
ljúfu raddir vorsins á baráttudegi verka-
lýðsins 1995. Þennan dag sannaðist líka
að barátta harmoníkuunnenda er á réttu
spori.
H.H.
Áhorfendur leyndu ekki tilfinningum sínum og gleði á tónleikunum.
16