Harmoníkan - 01.02.1998, Side 9

Varíst fusk
Nikki Bassason hringdi
Maður nokkur hringdi utan af landi og
sagðist lengi vera búinn að brjóta
heilanum um að koma á framfæri í blaðið
Harmoníkan ýmsum hugrenningum
sínum. Hann vill ekki láta nafns síns
getið í blaðinu en ég nefni hann Nikka
Bassason. Enn fremur segist hann vera
töluvert menntaðan á tónlistarsviðinu,
einkalega á harmoníku og þekkir vel til
innan margra harmoníkufélaga.
Nikki talar: Ég vil koma á framfæri
undrun minni yfir því skeytingaleysi allt
of margra harmoníkuleikara sem koma
fram fyrir almenningssjónir, er óvand-
aður tónlistarflutningur, sérdeilis hvað
varðar bassameðferð hljóðfæris.
Kunnáttan er oft í slíkum molum að heita
má ótækt með öllu, nota sjöundir gegn-
um allt, hugsa ekkert um moll eða dúr.
Láta bassan drynja einhvernveginn
gegnum lagið eins og haglél á báru-
járnsþaki. Slíkt er óþolandi fyrir þá sem
vita meira og unna harmoníkunni,
beinlínis eyðileggjandi fyrir tónlistar-
flutning hvar og hvenær sem er. Allt í
kringum okkur er mikið af
tónlistarmenntuðu fólki sem heyrir þetta.
Sumir sem ekki þekkja harmoníkuna eða
hafa neinn sérstakan áhuga á henni halda
jafnvel hljóðfærið vanþróað og ekki sé
betur hægt að spila með góðu móti.
Þegar komið er að dansspilamennskunni
tekur oft ekki betra við. Fátítt er að
heyra samspilið milli gítars, bassa,
trommu og harmoníku öðruvísi en eins
og hörku keppni sé í gangi milli
hljóðfæraleikaranna. Oftar en tárum taki
yfirgnæfa undirleikshljóðfærin harm-
oníkuna sem annars á að vera hið
ríkjandi hljóðfæri í þessu tilviki. Ég tel
að þessi mál þurfi menn að ræða
vandlega eða jafnvel koma á ráðstefnu
eða námskeiði um þessi mál.
Til þess veit ég mörg dæmi að
nemendur í harmoníkuleik hafa ekki
fengið nægar upplýsingar eða kennslu
um bassanotkun harmoníkunnar.
Gerum okkur grein fyrir að tii
einhvers eru allir þessir bassar. Það þarf
þekkingu til að vita mun á dúr, moll og
sjöund, svo dæmi sé tekið.
Harmoníkuleikarar verða að hafa
metnað fyrir hljóðfæri sínu og reyna eftir
fremstu megni að bæta þekkingu sína á
þetta góða hljóðfæri sem hefur ótrúlega
mikla og magnaða möguleika.
Með kveðju Nikki Bassason.
Harmoníkusnillingur í listasafni Sigurjóns
Nýburstaðar tennur og hreinsuð eyru
er ágætur undirbúningur fyrir tónleika.
Ég var í seinni kantinum á tónleika Tatu
Kantomaa í Listasafni Sigurjóns á Laug-
arnestanga þann 2. september í haust,
enda tók tíma að finna nokkurn veginn
löglegt bflastæði vegna bflamergðar utan
við safnið. Innandyra var fullur salur svo
stæði varð að nægja, ég taldi höfðafjöld-
ann 108-110.
Þessi kornungi listamaður dregur til
sín áheyrendur hvar sem hann er enda
eftirsóttur í meira lagi. Umræddir tón-
leikar voru eins konar tónlistarsæluvíma
frá upphafi til endis. Dómur í Morgun-
blaðinu um tónleikana eftir Jón Ásgeirs-
son var heldur ekkert hér um bil, bókstaf-
lega hnökralaus og hreinn sem nýfallinn
snær. Þó ég lesi ekki alla tónlistagagnrýni
eftir Jón minnist ég ekki utan einu sinni
að hafa séð svo frábær meðmæli, enda
Jón í engum vafa um að Tatu sé í raun
„harmoníkusnillingur“. í dómnum segir
orðrétt: „Öll voru verkin frábærlega leik-
in af Tatu Kantomaa, sem er ekkert
minna en „virtúós" er leikur sér ekki að-
eins að tækninni heldur á til sérkennilegt
næmi fyrir því fínlega, svo að í leik hans
urðu tónhendingar oft eins og glitvefnað-
ur, þar sem hvergi finnst á endi eða
greind verða samskeyti. Tatu Kantomaa
er í einu orði sagt snillingur“.
Ekki amalegt það, en Tatu gerði víðar
lukku en hér heima á landinu bláa, hann
hélt líka til Svíþjóðar ásamt Einari Guð-
mundsyni frá Akureyri á harmoníkumót-
ið í Ransater síðasta sumar.
Tatu gerði enga smálukku þar, hann
vann til sérstakra heiðursverðlauna er
hlotnast þeim sem fólkið velur vinsælasta
eða áheyrilegasta harmoníkuleikarann á
mótinu. Verðlaunin eru veitt árlega af
mótshöldurum. Þau eru geysifagurt tré-
listaverk (skúlptúr) mikið nákvæmis
handverk.
I þætti Ríkissjónvarpsins Dagsljósi 9.
október síðastliðinn kynnti Hjálmar R.
Ragnarsson Tatu og harmoníkuna á mjög
jákvæðan hátt, slík ummæli voru sann-
kölluð vítamínssprauta fyrir harmoník-
una. Að sjálfsögðu lék Tatu í þættinum.
Hinn fjölhæfi Tatu er með mörg járn í
eldinum eftir því sem fréttir herma en
ekki verður það tíundað frekar nú. Get-
um við ekki sagt sem svo að loks þegar
Tatu varð þekktur sem harmoníkuleikari
gerðist það á Islandi.
H.H.
9