Harmoníkan - 01.02.1998, Blaðsíða 19

landsmótin er ekki úr vegi, að minnast á
harmoníkumótin sem haldin eru á hverju
sumri. Það var um miðjan níunda áratug-
inn, að nokkrir vinir í félaginu gerðu sér
dagamun og fóru með fjölskyldum sínum
í útilegu til Þingvalla. Þetta varð hin
dýrðlegasta helgi og varð síðan fastur lið-
ur og smám saman fjölgaði í hópnum.
Blaðið Harmoníkan þróaði þessa hug-
mynd enn frekar og úr varð fjölmennasta
harmoníkuútilega, sem efnt er til á land-
inu og sækja hana gestir víðsvegar að.
Fyrstu árin fór hún fram í Galtalækjar-
skógi, en síðustu fimm árin hefur mótið
farið fram í Þrastarskógi. Nokkur önnur
félög hafa haldið harmoníkumót og má
þar nefna árlegt mót Þingeyinga á
Breiðumýri. Fljótlega varð til hljómsveit
F.H.U. í Reykjavík og var Sigurður Al-
fonsson fenginn til að leiða hana í upp-
hafi. Grettir Björnsson var mjög fljótlega
fenginn til að segja mönnum til og Reyn-
ir Jónasson stjórnaði henni um tíma. Síð-
an 1986 hefur Þorvaldur Björnsson ver-
ið hljómsveitarstjóri og leitt hana á fjór-
um landsmótum. Eins og eðlilegt er
myndast oft litlir hópar innan hljóm-
sveita. Þessir hópar hafa þurft sína leið-
beinendur og hafa nokkrir góðir félagar
tekið þetta að sér. Fyrstan má telja Ágúst
Pétursson, sem stjómaði “Gústahópnum”
í nokkur ár. Sigurður Alfonsson hefur
einnig komið við sögu, auk Karls Adólfs-
sonar, Grettis Bjömssonar, Reynis Jónas-
sonar og Karls Jónatanssonar. Harm-
oníkukennsla var tekin upp á vegum fé-
lagsins haustið 1978 og annaðist Grettir
Björnsson hana um nokkurn tíma.
Niðurlag
Félagi harmonfkunnenda í Reykjavík
hefur tekist að mestu, að fylgja eftir þeim
hugmyndum, sem lagt var upp með í
upphafi, og jafnvel aukið við hugmyndir
frumherjanna. Það var til dæmis hvergi á
stefnuskrá að gefa hljóðfæri í tónlistar-
skólana á Reykjavíkursvæðinu, en félag-
ið hefur gefið fjórar harmoníkur nú þeg-
ar. Verður vonandi framhald á þessu
nauðsynjaverki.
Þegar félög eru annars vegar, geta
áhersluatriði félaganna skarast. Félag
harmonfkunnenda í Reykjavík hefur ekki
farið varhluta af þessu. Vorið 1986 urðu
óanægjuraddir svo sterkar innan F.H.U. í
Reykjavík, að ekki varð hjá því komist
að hluti félagsmanna gengi út og til varð
Harmoníkufélag Reykjavíkur. Þetta olli
miklum titringi innan félagsins en jafn-
aði sig að mestu leiti þegar frá leið. Það
var svo 1993 að nokkrir félagar stofnuðu
Harmoníkufélagið Létta Tóna. Þeir sem
þarf starfa halda þó alltaf góðri tryggð
við gamla höfuðbólið. Að sjálfsögðu hef-
ur það sín áhrif, þegar margir hljóðfæra-
leikarar hverfa úr okkar röðum, en með
góðum vilja hefur tekist að berja í brest-
ina og halda áfram eins og ekkert hafi í
skorist. Við getum því sagt með nokkru
stolti, að við höfum eignast tvö afkvæmi.
Miðað við hvað er gaman að vera með
og hlusta á harmoníkuleika, mætti ætla
að félagsstarfið gengi snurðulaust fyrir
sig og allt gerðist af sjálfu sér. Að sjálf-
sögðu er ekki svo. Félag harmoníkunn-
enda í Reykjavík var svo lánsamt í upp-
hafí, að þar völdust til stjórnar eldhugar,
sem virtu engar úrtölur. Það er oft sagt,
að trúin flytji fjöll. Það á jafnvel við þó
trúað sé á harmoníku. Fjölmargir hafa
lagt hönd á plóginn við stjórnar og
nefndarstörf, því eins og áður hefur kom-
ið fram starfar svona félagsskapur ekki af
sjálfu sér. Félagið hefur, þó ekki sé það
gamalt gert tvo meðlimi heiðursfélaga,
þá Gunnar Kr. Guðmundsson og Braga
Hlíðberg og á tuttugu ára afmælishátíð-
inni síðastliðið haust hlutu átta af félög-
um F.H.U.í Reykjavík silfurmerki félags-
ins fyrir framúrskarandi störf og tryggð
við félagið. Eins og í upphafi kom fram,
var Bjami Marteinsson kjörinn fyrsti for-
maður félagsins og stjórnaði því fyrstu
sjö árin, en þá tók Jón Ingi Júlíusson við.
Yngvi Jóhannsson var síðan formaður frá
1990 til 1993, að Hilmar Hjartarson varð
formaður. Hann sat síðan til 1996 að nú-
verandi formaður Friðjón Hallgrímsson
tók við.
ÁBENDING
Til annara harmoníkufélaga - látiö birta
sögu ykkar í Harmoníkunni.
Myndatextar við 20 ára sögu F.H.U.R.
1. Friðjón Hallgrímsson tvíröðungur núverandi fonnaður félagsins á
sólríkum degi aldraðra í Reykjavík í maí 1993.
2. Fyrsta hljómsveit F. U.R. í Reykjavík, sem hleypti heimdraganum
til Málselv í Noregi sumarið 1982. Frá vinstri Hartmann
Guðmannsson, Guðmundur E, Jóhannsson, Jón Ingi Júlíusson, Jakob
Yngvason, Kristín Kalmannsdóttir, Þórir Magnússon, Hilmar
Hjartarson, Herbert Jónsson Þorsteinn R. Þorsteinsson, Elsa
Kristjánsdóttir, Asgeir Þorleifsson og Guðrún Guðnadóttir. Myndin er
tekin í Finsnesi.
3. Þrír einbeittir á skemmtifundi á níunda áratugnum. Þórleifur
Finsson. Jóhannes Pétursson og Þórir Magnússon.
4. Galvaskir félagar á leið á landsmótið á Varmalandi 1884.
5. Brennuvargarnir sem komu fram við áramótabrennu Sjónvarpsins,
sem vari Kópavogi á gamlarárskvöld 1986. Frá vinstri, Þórleifur
Finnsson. Jón Ingi Júlíusson, Olafur Þ. Kritsjánsson , Þorsteinn R.
Þorsteinsson og Sigurður Alfonsson. Hilmar Hjartarson, sem er
lengst til hœgri hafði œft með hljómsveitinni, en lá íflensu þegar
hljómsveitin lék ífimbulkulda og roki niður við sjó. Myndin er tekin á
skemmtifundi í Templarahöllinni í janúarbyrjun 1987.
6. Á upphafsdögum útihátíða. Tveir félagar í útilegu á Þingvöllum
sumarið 1985.Hartmann Guðmansson þenur nikkuna um
miðnœturskeið og Sigríður Sigurðardóttir (Sirrí), situr hestinn. Ekki
er vitað um nafn hans.
7. Hljómsveit félagsins, sem lék í Grieghöllinni í Bergen 1987. Frá
vinstri Jakob Yngvason, Sigurgeir Björgvinsson, Reynir Jónasson,
Jón Ingi Júlíusson, Þórleifur Finsson, Þorvaldur Björnsson, Þórir
Magnússon og Gunnar Pálsson. A myndina vanlar Kristínu
Kalmannsdóttur sem lék á bassaharmoníku.
8. Fjórir snillingar félagsins tóku lagið saman á skemmtifundi vorið
1996. Frá vinstri Bragi Hlíðberg, Tatu Kantomaa, Reynir Jónasson
og Grettir Björnsson.
9. Krumarnir að leika í Alleröd á Sjálandi í mai 1996. Frá vinstri
Guðmundur Samúelsson, Þon’aldur Björnsson og Jón Ingi Júlíusson.
10. Hljómsveit undir stjórn Braga Hlíðberg lék lögin, sem komust í
úrslit í danslagakeppni félagsins í maí 1993. Með Braga á myndinni
eru Þórður Högnason bassaleikari, Þórir Magnússon yfirtrommari
félagsins og Þorsteinn Þorsteinsson gítarleikari. Lagið sem sigraði í
keppninni var Flökkustelpan eftir Garðar Olgeirsson.
11. Ekki er vitað hver ber ábyrgð á þessum viðbrögðum, en eitthvað
hefur það verið skemmtilegt. Frá afmœlishátiðnni á Hótel Sögu
haustið 1997. Frá vinstri Sigríður Sigurðardóttir, Ingvar
Hólmgeirsson, Bragi Gunnarsson Rangœingur, Lára Kristjánsdóttir
Rangœingur, Asgeir Sigurðsson Isflrðingur.
12. A tuttugu ára afmœlishátíðinni voru átta félagar sœmdir
silfurmerki félagsins. Hér eru þeir ásamt formanni of varaformanni
félagsisns. Frá vinstri, Friðjón Hallgrímsson form. Guðrún
Jóhannsdóttir varaformaður, þá merkishafarnir Guðmundur E.
Jóhannsson, Elsa Kristjánsdóttir, Sigrún Jónsdóttir, dóttir Jóns Inga
Júlíussonar, sem var erlendis, Hilmar Hjartarson, Þorsteinn R.
Þorsteinsson, Þorvaldur Björnsson, og Þórir Magnússon. A myndina
vantar Þorkel Kristinsson, sem var erlendis.
19