Harmoníkan - 01.02.1998, Side 17
hafa fyrir löngu síðan unnið sér fastan
sess í tónlistarlífi Reykjavíkur og mun
vonandi verða svo um langa framtfð.
Fyrsti skemmtifundur vetrarins er jafnan
fyrsta sunnudaginn í október en sá síðasti
fyrsta sunnudaginn í maí, að jafnaði sjö
sinnum á vetri. Síðustu fimmtán árin hafa
konur í félaginu séð um veitingar. Með
þessu hafa þær halað inn öruggar tekjur
fyrir félagið, auk þess, sem þetta er fé-
lagslega mikils virði. Margir líta á kaffi-
konur félagsins allt að því jafn mikilvæg-
ar og harmonikur félagsmanna.
Skemmtifundirnir hafa alla tíð verið með
svipuðu sniði. Félagar æfa nokkur lög
ýmist einir sér, eða fleiri saman og setj-
ast á svið og leyfa gestum að njóta snilld-
ar sinnar. Mörgum hefur reynst þetta
erfitt í byrjun, en smám saman hefur
sviðsskrekkurinn minnkað og jafnvel
horfið alveg hjá mörgum. Oft hafa félag-
ar úr nágrannafélögunum leikið listir sín-
ar á skemmtifundum félagsins, auk þess
sem erlendir gestir hafa komið þar fram.
Einu sinni hefur farið fram danslaga-
keppni. Það var veturinn 1992-1993 og
sigraði Garðar Olgeirsson í þeirri keppni
með laginu „Flökkustelpan“, en Bragi
Hlíðberg hlaut annað sætið. Sigurlagið
var síðan leikið á Landsmótinu á Egils-
stöðum ásamt öðrum sigurlögum í sams-
konar keppnum, sem fram fóru í mörgum
harmoníkufélögum þennan vetur. Haust-
ið 1993 hófust tónskáldakynningar og
eru þær nú orðnar sextán. Þær hafa sett
mikinn svip á skemmtifundi félagsins og
vakið verðskuldaða athygli. Hafa margir
af helstu dægurlagahöfundum landsins
verið kynntir á þessum vetvangi. Má þar
nefna höfunda eins Oddgeir Kristjánsson,
Svafar Benediktsson og Steingrím Sig-
fússon. Allir okkar bestu harmoníkuleik-
arar hafa séð um kynningarnar og fengið
til liðs við sig marga af bestu tónlistar-
mönnum landsins. Nokkrir af þáttum
þeim, sem teknir hafa verið saman um
tónskáld þessara kynninga, hafa birst í
blaðinu og munu gera á komandi
árum.Arshátíðir hafa frá byrjun verið
sjálfsagður hlutur í félagsstarfinu. Ætíð
hafa þetta verið hinar bestu skemmtanir
og jafnvel fengnir skemmtikraftar frá
öðrum löndum. Má í því sambandi nefna
Sigmund Dehli frá Noregi, Fárm bræður
frá Svíþjóð, Anders Larson og frú sömu-
leiðis, að ógleymdum heimsmeistaranum
í harmoníkuleik 1996, Lelo Nika, sem
kom fram ásamt félögum sínum á tuttugu
ára afmælishátið F.H.U. í Reykjavík. Síð-
ustu tvö árin hafa árshátíðar verið haldn-
ar á samvinnu við Þjóðdansafélag
Reykjavíkur.
Harmoníkugjafir. Samþykkt var á stjórnarfundi F.H.U.R. þann 12. desember 1995 að
gefa tveimur tónlistarskólum þrjár 48 bassa harmoníkurfyrir byrjendur. Tónlistarskóla
Garðabœjar voru gefnar tvœr harmoníkur, önnur af gerðinni Hohner student, hin Zero
Sette. I annan stað Tónskóla Sigursveins eina afZero Sette gerð. Myndin eraf
afhendingu hljóðfœranna til Tónlistarskóla Garðabœjar. Frá v. Reynir Sigurðsson
kennari, Linda Björk Oddsdóttir nemandi, Gísli Magnússon skólastjóri, Hilmar
Hjartarsson þáverandi form. F.H. U.R., Guðrún Jóhannsdóttir varaformaður og
Þorvaldur Björnsson gjaldkeri.
Ætlun félagsins með gjöfinni er að styðja skólana til aukinnar kennslu á harmoníku.
17