Fréttir - Eyjafréttir - 22.05.2008, Síða 2

2
Fréttir / Fimmtudagur 22. maí 2008
Viska: Leiðtoganámskeið fyrir konur í Vestmannaeyjum:
Aðsóknin verið ótrúlega góð
-segir Ásdís Halla Bragadóttir, höfundur námskeiðsins
FRÁ einu af námskeiðum Visku sem konur hafa verið duglegar að sækja.
Viska stendur fyrir leiðtoganám-
skeiði fyrir konur í Vestmanna-
eyjum, vikuna 3. til 6. júní nk.
Valgerður Guðjónsdóttir, forstöðu-
maður Visku, hefur unnið að
undirbúningi og skipulagt dagskrá
námskeiðsins sem er opið öllum
konum í Vestmannaeyjum og
aðgangur ókeypis.
Ásdís Halla Bragadóttir, höfundur
námskeiðsins flytur fyrsta erindið á
námskeiðinu og síðan mun Sig-
þrúður Ármann, lögfræðingur, fara
yfir grundvallaratriði í ræðu-
mennsku og framsögn.
Páley Borgþórsdóttir, lögfræð-
ingur, Guðbjörg Matthíasdóttir,
kennari og Jóhanna Njálsdótlir,
kennari verða með fyrirlestra og
Anja Tedoriwicz flytur erindi um
samskipti og árangur .sem útlend-
ingur'á Islandi. Þriðja kvöldið er
val en þá munu þær Sigþrúður
Ármann og Guðbjörg Matthías-
dóttir og jafnvel fleiri verða með
leiðsögn í ræðumennsku og fram-
sögn fyrir litla hópa.
Hátíðarkvöldið verður á föstu-
deginum þar sem Haldís Snorra-
dóttir verður veislustjóri.
Allar konur í Vestmannaeyjum fá
bréf á næstu dögum þar sem þeim
verður boðin þálttaka þeim að
kostnaðarlausu, nema hátíðar-
kvöldið. Skilyrði cr að hver og ein
kona skrái sig til þátttöku hjá Visku
fyrir 28. inaí.
Hátt í 3000 konur
hafa sótt námskeiðin
-segir Ásdís Halla
Bragadóttir
Ásdís Halla Bragadóttir er höfund-
ur að leiðtoganámskeiðinu sem
verður í boði fyrir konur í Eyjum í
byrjun júní. Ásdís verður með
fyrirlestur og því spennandi að vita
hvernig henni datt í hug að setja
saman slíkt námskeið og hvers
vegna hún telur þörf á sérstöku
leiðtoganámskeiði fyrir konur?
„Þessi hugmynd varð til í kjölfar
bókar sem ég ritaði um leiðtoga
eftir að hafa sérhæft mig í þeim
fræðum í Bandaríkjunum. I kjölfar
hennar fann ég fyrir áhuga svo
margra á að vinna betur með hvað
þeir sjállir gætu gert til að ná ár-
angri í samfélaginu og fyrir sam-
félagið. Það leiddi til þess að ég
ákvað að setja saman leiðtoganám-
skeið og ég hef bæði haldið þau
fyrir konur og karla. Oftast hef ég
þó haldið sérstök námskeið fyrir
konur því ég hef fundið að konum
finnst þægilegra að vinna með per-
sónuleg málefni í hópi kvenna en
þegar hópurinn er blandaður."
Öllum konum f Vestmannaeyjum
gefst kostur á að sækja námskeiðið.
Hefur þetta námskeið áður verið í
boði utan höfuðborgarsvæðisins og
hvemig hefur aðsókn verið?
„Fyrsta námskeiðið var haldið í
Garðabæ fyrir um Ijórum árum og
þá var ég að vonast til að sjá um 20
til 30 konur. Aðsóknin varð hins
vegar svo mikil að flytja þurfti
námskeiðið í kirkjuna sem fylltist
af áhugasömum konum. Ég hélt
námskeiðið þrisvar í Garðabæ til að
mæta eftirspurninni og alltaf var
jafn gaman. Áhuginn spurðist út og
ég tók að mér að halda námskeið
hér og þar, t.d. í Ólafsvík, á Sel-
tjarnarnesi, Akureyri og Reykjavík.
Aðsóknin hefur alls staðar verið
ótrúlega góð og alltaf verið hús-
fyllir en allt í allt hafa hátt í 3.000
konur komið á námskeiðin.
Frumkvæðið að námskeiðunum
kemur alltaf frá konum í viðkom-
andi sveitarfélagi og það hefur glatt
mig hve víða konur hafa viljað gefa
sér tóm til að velta þessum málum
fyrir sér.“
Hentar náskeiðið öllum konum?
„Það skemmtilega við leiðtoga-
pælingarnar er að þær henta öllum
konum. Þær hafa ekki með emb-
ætti, störf, pólitískar skoðanir eða
formleg verkefni að gera. Miklu
frekar er þetta stund sem við notum
saman til að líta inn á við og spyrja
okkur sjálfar mikilvægra
spurninga.11
Hvemig getur það nýst konum?
„Það er mjög persónubundið. I
sumum tilvikum hef ég fengið
viðbrögð frá konum sem deila því
með mér að þetta hafí haft áhrif á
þær í einkalífinu, hjá öðrum er það
starfstengt og sumum í tengslum
við nám.“
Hvaða megináherslur leggur þú á
námskeiðinu?
„Nú verð ég að passa mig á því að
segja ekki of mikið.“
Geta allar konur orðið leiðtogar?
„Engin spurning - svo lengi sem
þær hafa rétt leiðarljós."
Áttu ekki von á góðri þátttöku og
góðu námskeiði í Eyjum?
„Frumkvæðið að námskeiðinu kom
úr Eyjum og í sveitarfélaginu eru
konur sem leggja mikið af mörkum
til að láta námskeiðið verða að
veruleika. Mér fannst strax áhuga-
vert að koma og halda námskeið í
bæjarfélagi sem ég ber mikla
virðingu fyrir. I Eyjum er mikill
kraftur og samfélagið hefur sterk
sérkenni. Ég er algjörlega viss um
að þetta verður frábær stund og
hvet sem flestar konur til að koma
og njóta samverunnar."
Hemmi dansaði uppi á
borðum eftir bikarsigurinn
Eyjapeyinn Hermann Hreiðars-
son, leikmaður Portsmouth, er
fyrsti íslendingurinn til að verða
enskur bikarmeistari. Þeim
áfanga náði hann á laugardaginn
þegar lið hans vann Cardiff 1:0 á
Wembley.
Eiríkur Arnórsson var í hópi
nokkurra Eyjamanna sem fór á
leikinn og segir hann þctta hafa
verið ótrúlega upplifun.
„Við fórum út á út á föstudags-
morguninn og vorum tólf saman.
Það var þrammað á pöbbinn
fyrir leik og það sem á eftir fór
verður manni ógleymanlegt,“
sagði Eiríkur.
„Já, það er ekki hægt að lýsa
stemmningunni. Við vorum í átt-
undu sætaröð á besta stað þannig
að þetta gat ekki verið betra. Allt
gekk svo snurðulaust fyrir sig
enda er Wembley flottasti völlur í
heimi. Eg hefði ekki viljað missa
af þessu.“
Ekki náðist í Hermann en
Vísir.is segir að hann hafi glaðst
upp á íslensku eftir leikinn.
„Hermann Hreiðarsson stökk
upp á svið og dansaði, að því er
sagt er að íslenskum sið, í
einkasamkvæmi Portsmouth eftir
sigur í bikarúrslitaleiknum á
laugardag.
Leikmönnum var fagnað sem
þjóðhetjum í gær þegar ekið var
með bikarinn um götur borgarin-
nar. Hermann er þekktur sem
„sá klikkaði“ á meðal leikmanna
og klæddi hann sig mcðal annars
upp í Elvis-búning þegar leik-
menn skelltu sér á karókíhar á
flmmtudaginn fyrir leikinn.
„Svona fögnum við á Islandi,"
sagði Hermann þegar hann reif
upp hljóðnemann og stökk upp á
svið með glas í hendi á laugar-
daginn. Vakti það mikla kátínu
meðal nærstaddra sem sátu þá í
rólegheitum og létu mynda sig
með bikarinn.
Hermann er brákaður á kinn-
beini eftir árekstur við David
James í leiknum en af sinni
alkunnu hörku kláraði hann
leikinn. Hann fór í myndatökur á
laugardag en á eftir að fara í
nánari skoðun. Hann skartaði því
myndarlegu glóðurauga í
fögnuðinum en það kom ekki að
sök því á heimasíðu Portsmouth
segir að skemmtanahöldin hafl
verið með besta móti,“ sagði á
Vísi.is.
HEMMI og Milan Baros, cnskir bikarmeistarar.
Úfgefandi' Eyjasýu ohf. 48(ri78-0649 - Vestnmnnaeyjuin. líifetjóri: Ómar Gardatsson.
Blaðamenn: Guðbjörg Sigurgeiindóttir, Sigurgeir Jónsson og Ellert Selieving. tþróttir:
EllertSelieving.Ábyrgdarmenn: ÓniarGttrðarsson&GisIi Valtýsson.
Prentvinna: Eyjasýn/ Eyjaprent. Vestnianuacyjiim. Aðsetnr ritstjómar: Stramhcgi 47.
Símai: 4H1 1300 & 481 3:110. Myndriti: 481-1293, Netfang/rafpóstnr frettir@eyjáfrettir.k
Veffang: http//www.cyjafrelétir.is
FRÉTTLR koma út alla finuntndaga. Blaðið er selt i áskrift og einnig í lausasölu á Kletti,
Tvistinum, Toppnnm, Vöruval, Herjólfi, BlngHafnarversluiiiiini, Krónnnni, ísjakanum,
verslnn 11-11 og Skýlinn i Friðarhöl 'n.. FRÉTTTR eru prentaðar i 3000 eintökum.
FRÉ'iT'litern aðilar að Samtökum Ivejar- og héraðsfréttablaða. Eftirpivntun, hljóöritun,
notkiin ljósmynda og annað er óheimilt ncma heimilda sé gctid.