Fréttir - Eyjafréttir - 22.05.2008, Blaðsíða 8
8
Frcttir / Fimmtudagur 22. maí 2008
Sérdeildin í mcnningarfcrð til Reykjavíkur
Sáu Gosa í Borgarleikhúsinu og fannst hann skemmtilegur
Við ákváðum að skreppa í menningarreisu og
fara í leikhús. En við reynum að fara eina
ferð á ári. I fyrra fórum við í sumarbústað og
sveitaferð.
Til að fjármagna ferðina héldu börnin
myndlistarsýningu í Miðstöðinni sl. fimmtu-
dag, þessi sýning tókst alveg frábærlega og
nær allar myndirnar seldust.
Þátttakendur á myndlistarsýningunni voru 6
en í ferðina fóru 9 böm þ.e. bömin úr
sérdeildinni og 2 sem tengjast henni.
Við lögðum af stað á sunnudagsmorgni og
fórum beint í Kringluna og fengum okkur að
borða.
Þaðan lá leiðin í Borgarleikhúsið og þar
sáum við leikritið um hann Gosa- spýtustrák.
Þetta er skemmtilegt leikrit, með miklum
söng og fjöri. Allir skemmtu sér mjög vel en
börnin voru mishrædd þó. „Mér bráði svo
þegar hvalurinn borðaði pabbann og þegar
hvellurinn kom.“
En endirinn var góður og allir klöppuðu vel
í lokin.
Eftir leikritið brunuðum við á Selfoss og þar
var aftur borðað áður en við lögðum í
Herjólf.
Allir komu síðan heim hressir, saddir og
kátir seint á sunnudagskvöldi. Svo mættu
allir hressir í skólann á mánudaginn nema
Katrín Helena skellti sér til Flórída.
A myndinni er hópurinn sem fór en það
vantar þó Ijósmyndarann, hana Rut.
„Stærðin skiptir
máli hjá sumum“
-segir Jenni um mótorhjólasýningu
Drullusokkanna á laugardag
Ungmennin 18 sem útskrifuðust úr Farskóla leiðtogaefna í Landakirkju á sunnudag.
Farskóli leiðtogaefna í Landakirkju:
Átján útskrifuðust frá Vest-
mannaeyjum, Hellu og Selfossi
Átján ungmenni útskrifuðust úr
Farskóla leiðtogaefna í Landakirkju
á sunnudag. Farskólinn stendur
fyrir námskeiðum fyrir unglinga
sem eru 14 ára og eldri og vilja
starfa sem leiðtogar við barna- og
unglingastarf í kirkjunni.
Sr. Ólafur Jóhann Borgþórsson
stýrir Farskólanum en nemendurnir
sem útskrifuðust að þessu sinni eru
frá Vestmannaeyjum, Hellu og
Selfossi.
Hulda Líney Magnúsdóttir, æsku-
lýðsfulltrúi Landakirkju sagði að
leiðtogaefnin hefðu komið saman
þrjár helgar, fyrstu helgina á Hellu,
næstu á Selfossi og lokasamveran
og útskriftin var hér í Eyjum um
síðustu helgi. Af þessum átján
ungmennum sem útskrifuðust voru
átta frá Eyjum en farið var yfir
námsefni sem er útbúið af
biskupsstofu og gefur ákveðin rétt-
indi.
Kennari Farskólans, sr. Ólafur
Jóhann Borgþórsson, er frá Vest-
mannaeyjum og hann predikaði við
athöfnina í Landakirkju á sunnu-
dag. Prestar Landakirkju, sr.
Kristján Björnsson og Guðmundur
Örn Jónsson þjónuðu fyrir altari og
Irma Sjöfn Óskarsdóttir frá Bisk-
upsstofu útskrifaði nemendurna
með formlegum hætti.
Hulda Líney sagði að stefnt væri á
að nemendurnir tækju seinni hluta
námsins á næsta ári en hún fylgdi
nemendum frá Vestmannaeyjum
eftir og sagði tímann sem
námskeiðin stóðu yfir bæði hafa
verið skemmtilegan og uppbyggi-
legan.
Næsta laugardag verður stór og
metnaðarfull mótorhjólasýning í
gamla sal Iþróttamiðstöðvarinnar.
Yfir hundrað hjól af öllum stærðum
og gerðum verða til sýnis en elstu
hjólin eru frá því um miðja síðustu
öld.
Jens Karl Magnús Jóhannesson
hefur ásamt stjóm Drullusokkanna
skipulagt sýninguna en þetta er
önnur sýningin sem þeir standa
fyrir en sýningin í ár er mun stærri
og umfangsmeiri en í fyrra. „Á
sýningunni verður hægt að sjá elstu
hjól sem til eru í Eyjum og svo
nýjustu týpurnar þannig að
sýningin hefur bæði menningarlegt
gildi og er sölusýning þar sem N I
og Bragginn verða með hjól til
sölu, “ sagði Jenni þegar hann var
spurður út í sýninguna.
„Elsta hjólið er frá 1946 og svo
eru fleiri frá svipuðum tíma. Það
eru þó nokkrir sem eiga svona forn-
gripi og þeir verða auðvitað í
heiðurssæti á sýningunni. Hluti af
því að eiga hjól er að nostra við
það, laga og hafa í standi. Það er
smá metingur á milli og óhætt að
segja að stærðin skipti máli hjá
sumum. En þetta er allt í góðu.“
Þegar Jenni er spurður út í
hugmyndina að sýningunni segir
hann að mönnum hafi dottið þetta í
hug í fyrra og þá var ákveðið að
setja upp sýningu í Bragganum.
„Húsnæðið var ekki nógu stórt
þannig að við fluttum okkur yftr í
Höllina núna. Við sýnum öll hjól
sem eru í Eyjum og það kemur fullt
af hjólum ofan af landi en báðar
ferðir Herjólfs eru upppantaðar
fyrir hjól á föstudag enda yfir
hundrað hjól á sýningunni. Eg vil
þakka öllum sem koma með hjól og
standa að sýningunni. Allir bæjar-
búar eru velkomnir, aðgangseyrir er
0 krónur og frítt molakaffi í boði
Krissa Karls.
Nýjar merkingar á golfvellinum:
Gangstéttarhellur leysa tréhælana af hólmi
Að undanförnu hafa vallarstarfsmenn
Golfklúbbsins unnið við að koma fyrir
nýjum lengdarmerkingum á vellinum.
Áður voru notaðir tréhælar sem reknir
voru niður utan brauta og sýndu 100, 150
og 200 m tjarlægð frá flöt. Nú eru komnar
annars konar merkingar, litaðar gang-
stéttarhellur sem er komið fyrir á miðjum
hrautum, grópaðar niður í jörðina og sýna
50, 100,150 og 200 m fjarlægð frá flöt.
Hvítar á 50 m, bláar á 100 m, gular á 150
m og rauðar á 200 m.
Vallarstjóri GV, Örlygur Helgi Grímsson,
á hugmyndina að þessum nýju
merkingum. „Ég er búinn að spila golf
víða um heiminn og þessar merkingar eru
komnar á flesta velli erlendis, reyndar
oftast málmskildir sem eru á brautunum
og sums staðar nota menn lokin á vökvun-
arkerfinu. En mér datt í hug að nota litlu
gangstéttarhellurnar og það er einföld og
ódýr lausn,“ sagði Örlygur Helgi.
„Tréhælarnir eru börn síns tíma, þeim
fylgdi sá ókostur að auðvelt var að fjar-
lægja þá eða færa til og t.d. áttu þeir til að
hverfa í kringum þjóðhátíð. Þá töfðu þeir
talsvert fyrir vallarstarfsmönnum þegar
þeir voru að slá röffið kringum þá.
Einhverjir töluðu líka um sjónmengun
vegna þeirra. Mér er ekki kunnugt um að
þetta hafi verið gert annars staðar á Is-
landi nema í Leirunni á Suðurnesjum en
þetta er það sem koma skal. Þeir kylf-
ingar sem ég hef rætt við, eru flestir mjög
ánægðir með þessa framkvæmd,“ sagði
Örlygur Helgi að lokum.
Lögrcglan:
Rúðubrot, rifbeinsbrot, vinnuslys og nagladekkin burt
Það var frekar rólegt hjá lögreglunni í vikunni sem leið,
þrátt fyrir að nokkur fjöldi hafi verið að skemmta sér
um helgina. Að vanda þurfti lögreglan að aðstoða fólk
til síns heima eftir að það hafði fengið sér heldur mikið
neðan í því en annars fór skemmtanahaldið að mestu
vel fram.
Tvö rúðubrot voru tilkynnt til lögreglunnar eftir
skemmtanahald helgarinnar og áttu þau sér bæði stað í
Týsheimilinu en þar var haldinn dansleikur aðfaranótt
18. maí sl. Er vitað hver braut aðra rúðuna en ekki er
vitað hver var að verki í hinu dlvikinu.
Vinnuslys var tilkynnt lögreglu þann 13. maí sl. en
gólf í vinnupalli, sem var við hús á Bárustíg, gaf sig
þannig að tveir menn sem voru við vinnu sína á
pallinum féllu til jarðar. Fallið var um fjórir metrar og
mun annar mannanna hafa rifbeinsbrotnað.
Fjórar kærur liggja fyrir eftir vikuna vegna brota á
umferðarlögum og er í öllum tilvikum um að ræða
ólöglega lagningu ökutækja.
Rétt er að minna á að tími nagladekkjanna er liðinn
fyrir þó nokkru síðan og mun lögreglan á næstu dögum
byija að sekta þá eigendur ökutækja sem enn aka um á
negldum hjólbörðum. Sektin er kr. 5000,- á hvert
nagladekk.
Fréttatilkynning:
Vorfagnaðurinn verður 24. maí
Vorfagnaður leikskólans
verður laugardaginn 24. maí
frá kl.l 1:00-13:00. Leik-
skólinn og foreldrafélagið
standa að þessum degi
saman.
Grillaðar pylsur, kafft og
muffins verður selt á
staðnum. Verkefni vetrarins
verða til sýnis á deildunum.
Bömin syngja fyrir gestina
og einnig útskrifast skóla-
hópurinn. Allir velkomnir,
vonandi sjáum við sem flesta
og eigum skemmdlegan dag
saman.
Kveðja Kirkjugerði