Fréttir - Eyjafréttir - 22.05.2008, Blaðsíða 16

16
Fréttir / Fimmtudagur 22. maí 2008

'J6IIDUKF£ug
ismwEyji
*>-xa mr.

ji'-.;iJHARF£UG
Ytrunmu
•a SHAW

s: 'dl / Hi . ▲ \ /

VÖSK SVEIT: Stjórn Björgunarfélagsins, Adolf Þórsson, Davíð Smári Hlynsson, Arnar Ingi Ingimarsson, Sigurður Þ. Jónsson, Hannes Kristinn Sigurðsson og Bjarni Halldórsson.
Þau skipti, þegar gengur vel, fá
mann til að gleyma öllum hinum
-segir Adolf Þórsson, formaður Björgunarfélags Vestmanna-
eyja, í spjalli um félagið sem er 90 ára á þessu ári
fllit
Sigurgeir Jónsson
Sigurge@internet. is
Björgunarfélag Vestmannaeyja
fagnar í ár 90 ára afmæli sínu. Það
var stofnað árið 1918 og einbeitti
sér að því að kaupa hingað fyrsta
björgunar- og varðskip Islendinga,
Þór. Helsti hvatamaðurinn að
stofnun félagsins og fyrsti formað-
ur þess, var Sigurður Sigurðsson
frá Arnarholti, apótekari í Vest-
mannaeyjum.
Adolf Þórsson, sem er núverandi
formaður Björgunarfélagsins, segir
að félagið eigi líkan af skipi sem
upphaflega átti að láta smíða. Frá
því hafi þó verið horfið og Þór
keyptur. En félagið hafi gefið
Sigurði þetta líkan þegar hann hætti
formennsku og flutti héðan. Adolf
segir einnig að undanfarin misseri
hafi mikið verið unnið í því að
safna saman gömlum heimildum
um félagið, munum og myndum.
Búið sé að skanna inn myndir frá
upphafi og fram til ársins 1973 og
sé það gífurlegt magn, eða um
þrjúþúsund myndir en alls á félagið
um níuþúsund myndir og er megnið
af jteim síðan eftir 1973. Adolf
segir að enn séu myndir vel þegnar
og þeir sem eiga myndir í fórum
sínum og eru tilbúnir að láta afrit af
þeim, mættu hafa samband.
Heimasíðan, www.1918.is
Adolf segir einnig að flestir þeir
munir sem til séu, og tengjast starfi
félagsins gegnum árin, hafi verið
afhentir Byggðasafninu til varð-
veislu. En á næstu dögum verður
opnuð heimasíða félagsins og ber
hún hið einfalda nafn: 1918.is. Á
henni verður að finna sögu félags-
ins og myndir sem henni tengjast,
ásamt upplýsingum um starfsem-
ina. Adolf segir að m.a. verði þar
hægt að fletta myndum eftir
ártölum.
„Starfsemin hefur verið mismikil
hjá félaginu gegnum tíðina,“ segir
Adolf. „Heilmikið um að vera á
fyrstu árunum, í kringum reksturinn
á Þór. Svo strandaði skipið árið
1929 og í kjölfarið er eins og dofni
heldur yfir félaginu. Þó eru ákveð-
in atriði sem það beitir sér fyrir,
svo sem loftskeytastöðin og sund-
laugin. En á tímabilinu frá 1940 til
1960 er ekki mikið skráð um starf
þess og það er ekki fyrr en á sjö-
unda áratugnum sem aftur verður
kraftur í starfseminni."
Adolf gekk í Björgunarfélagið
árið 1982, þá sextán ára gamall.
Gekk þá inn í nýliðaprógrammið
eins og hann kallar það. „Eg var
þar í eitt ár en hætti svo. Síðan
kom ég aftur inn árið 1990 og hef
verið í félaginu síðan.“
Björgunarfélagið og Hjálparsveit
skáta sameinuðust árið 1992.
Adolf segir að sú sameining hafi
verið mjög eðlileg. „Það voru tveir
aðilar að gera það sama og eðli-
legra að gera það saman frekar en
hvor í sínu lagi. Að vísu voru
skiptar skoðanir í upphafi, eins og
ævinlega er þegar á að sameina.
Eftir á held ég þó að menn hafi
flestir verið alveg sammála um
þetta og margir sem spurðu sig að
því af hverju hefði ekki verið búið
að gera þetta miklu fyrr. Þetta var
mjög jákvætt og hefur skilað mun
þróttmeira starfi en áður var.“
Adolf kom úr hjálparsveitinni en
segir að aldrei hafi verið nein átök
milli þessara tveggja fylkinga,
menn hafi bara ákveðið að sam-
einast í bróðerni. Á þessum árum
hafi verið talsvert um sameiningu á
landsvísu, t.d. hafi hjálparsveitirnar
uppi á landi gengið til liðs við flug-
björgunarsveitirnar og þessi sam-
eining hafi verið heillaspor.
Kvenfólkinu er að fjölga
Adolf var kjörinn formaður Björg-
unarfélagsins árið 1995 og hefur
því verið formaður í þrettán ár.
,Jú, þetta er orðinn langur tími en
þó eru aðrir sem hafa setið lengur í
stjórn en ég,“ segir Adolf og minn-
ist t.d. á Sigurð Þóri Jónsson sem
eigi lengri setu í stjóm en hann.
„En ég er líklega í hópi þeirra sem
hafa verið formenn hvað lengst.
Kristinn Sigurðsson frá Skjaldbreið
var lengi formaður og Bjarni Sig-
hvatsson var líka formaður Hjálp-
arsveitarinnar um margra ára skeið,
en lengst allra var Jón ísak Sig-
urðsson frá Látrum formaður
félagsins, eða í 28 ár og ég efast
um að ég nái að slá honum við.“
Félagsmenn í Björgunarfélaginu
eru vel á annað hundrað, að sögn
Adolfs. „Starfandi félagar eru um
35 talsins. En á síðasta aðalfundi
voru um 60 manns sem mér finnst
vera mjög gott bakland í félaginu,“
segir Adolf og bætir við að aldurs-
dreifmgin sé nokkuð góð.
„Við erum vel sett með mannskap
upp að þrítugu. Svo er eins og
vanti inn í aldurinn frá þrjátíu til
fjörutíu ára og mér skilst að þannig
sé það í fleiri félögum, hvernig svo
sem á því stendur. En við erum
með þó nokkurn hóp af eldri félög-
um, reynsluboltum, á aldrinum frá
fimmtíu ára og upp úr.“
Adolf segir að því miður hafi
nokkuð hallað á í kynjadreifing-
unni. „Gegnum tíðina hefur þetta
verið karlaveldi. En nú er þetta að
lagast. Við réðum konu til starfa
sem nýliðaþjálfara. Hún heitir
Hildur Björk Bjarkadóttir, hörku-
dugleg og áhugasöm og heldur utan
um nýliðaþjálfunina og unglinga-
deildina. Og af þeim nýliðum sem
koma í haust er meira af kvenfólki,
í fyrsta sinn í sögu félagsins. Það
GÁFUMANNAFÉLAGIÐ, aftari röð, Agnar Magnússon, Jóhann Hciðmundsson, Sighvatur Bjarnason, Gísli
Sigmarsson, Bjarki Guðnason, Valgeir Arnórsson og Bjarni Valur Einarsson. Fremri röð, Kagnar
Ragnarsson, Þorbjörn Víglundsson, Högni Arnarsson og Gunnlaugur Frlcndsson.
GÖMUL ferðamynd, Elías Jensson, Arngrímur Magnússon, Ólafur
Lárusson, Daði Garðarsson og á endanum Sigurður Þ. Jónsson.