Fréttir - Eyjafréttir - 22.05.2008, Blaðsíða 21

Fréttir / Fimmtudagur 22. maí 2008
21
Sigurgeir Jónsson laginn í golfinu:
Nokkrir af hinum sigursælu Kiwanismönnum. Mynd Tómas Sveinsson.
Klúbbakeppnin í golfi fór fram um síðustu helgi:
Kiwanis sigraði tvöfalt
Uppskeruhátíð yngri flokkanna í körfunni:
Aron skoraði 351 stig í 16 leikjum
Hola í höggi
með dræv-
ernum
Á hverju ári eru ávallt nokkrir
sem ná draumahögginu, sem alla
kylfinga dreymir um, að fara
holu í höggi. Sá fyrsti sem varð
til þess í Vestmannaeyjum á
þessu ári, svo vitað sé, var okkar
maður á Fréttum, Sigurgeir
Jónsson, á föstudag í síðustu
viku.
„Við vorum tveir saman, ég og
Þórður Hallgríms, hinum
tveimur í hollinu, þeim Olafi
Kristinssyni og Guðmundi kan-
tor, fannst of hvasst til að spila og
Ólafur að auki eitthvað slappur.
Þetta var svo sem ekki besta
golfveðrið, rigningarhraglandi og
12 til 14 metrar á sekúndu af
suðaustri. Þetta gerðist á 2. hol-
unni. Venjulega nota ég 4 eða 5
járn þar en í svona mótvindi þá
dríf ég ekki inn á fiötina með
þeim. Og þar sem ég á hvorki 5
eða 3 tré og kann ekki að slá með
svoleiðis græjum, þá tók ég bara
dræverinn og sló létt högg með
honum. Við sáum strax að það
högg heppnaðist vel, kúlan fór í
nettum boga milli glompanna
tveggja og hvarf svo sjónum
okkar. Þórður staðhæfði að ég
væri í fuglafæri en það reyndist
bara ennþá betra,“ sagði
Sigurgeir sem sagði það hafa
verið ágæta tilfinningu að sjá
boltann liggja í holunni.
Oft er raunin sú að menn spila
heldur illa eftir að hafa leikið
þennan leik en Sigurgeir segir að
sér hali tekist að klára níu
holurnar skammlaust, eða á 46
höggum. „Þórður var á sama
hiiggaf jölda en hann er vanur að
spila mun betur en það, ég ræð
ekkert orðið við hann,“ sagði
Sigurgeir.
Þetta er í fyrsta sinn sem hann
leikur þetta í Vestmannaeyjum en
lék sama leik í Leirunni á Suður-
nesjum árið 2000. „Þá vorum við
saman að spila, ég og Oli Kristins
og ég setti boltann niður í fyrsta
höggi á 8. braut sem er svipuð að
lengd og 2. holan hér. Reyndar
notaði ég 7 járn í það skiptið og
það neituðu flestir að trúa þessu
enda gerðist það 1. apríl. En þar
sem hafnarstjórinn er þekktur að
áreiðanleika og sannsögli, auk
þess sem tvö önnur vitni voru að
þessu, þá var þetta viðurkennt.“
Sigurgeir segir það hafa verið
nokkuð skemmtilcgt að þennan
sama dag var stórkylfingurinn
Þorsteinn Hallgrímsson í golf-
skálanum með kynningu á kyl-
fum fyrir verslun sína, Hole in
One.
„Eg var búinn að prófa nýjan
dræver þar en sagði svo við
Þorstein eftir hringinn að ég
ætlaði bara að halda mig við
þann gamla, hann stæði greinile-
ga fyrir sínu. En Þorsteinn heim-
taði að ég kæmi til sín í
Reykjavík núna í vikunni, hann
sagðist ætla að kenna mér að slá
með trékylfu og selja mér eina
eða tvær þannig, á góðum prís,
svo að ég þyrfti ekki að nota
dræverinn í þetta næst.
Þorsteinn kenndi mér fyrir 15
árum það litla sem ég kann í þes-
sari íþrótt og það er vel við hæfi
að hann Ijúki þeirri kennslu-
stund, nú 15 árum síðar,“ sagði
Sigurgeir.
Sigurgeir segir að Þórður Hall-
gríms hafi sýnt miklu meiri fagn-
aðarlæti við þetta en hann sjál-
fur. „Kannski hefur hann bara
hlakkað til að fá koníakið,“ segir
Sigurgeir en hefð er fyrir því að
sá sem fer holu í höggi veiti
meðspilurum sínum vel að því
loknu. „Þórður fór holu í höggi á
þeirri 17. fyrir fjórum eða fimm
árum og þá horfðum við á kúlu-
na detta ofan í. Við erum því
báðir félagar í Einherja-
klúbbnum eða Grísapunga-
félaginu eins og þcir kalla það
sem aldrei hefur tekist þetta. En
það er vissulega gaman að vera
orðinn tvöfaldur grísapungur,“
sagði Sigurgeir að lokum.
SIGURGEIR tók að sjálfsögðu þátt í klúbbamótinu á laugardag en
tókst ekki að endurtaka leikinn frá því á föstudag. Hér er hann með
Jóni Ólafssyni, sem sigraði í einstaklingskeppninni. Jón er forseti
Landssambands eldri kylfinga og Sigurgeir benti honum á að hann
ætti að beita sér fyrir því að LEK héldi fleiri mót á vellinum þar sem
forsetinn næði alltaf sínum besta árangri.
Hið árlega Klúbbamót í golfi var á
dagskrá sl. laugardag. Þá keppa
félagsmenn klúbbanna Akóges,
Kiwanis og Oddfellow sín á milli í
golfi auk þess sem félagið Akóges í
Reykjavík hefur á undanfömum
árum einnig mætt til leiks. Þessi
keppni er punktakeppni og er öllum
félögum viðkomandi félaga á land-
inu heimil þátttaka sem og mökum
þeirra.
Keppnin er þríþætt, einstaklings-
keppni þar sem verðlaunað er fyrir
þrjú efstu sæti, aðalkeppni þar sem
samanlagður árangur hvers félags
telur, og loks sveitakeppni þar sem
sex er valdir fyrirfram frá hverju
félagi og árangur fjögurra bestu
telur.
Að þessu sinni voru keppendur 48
talsins. Tíu frá Oddfellow, jafn-
margir frá Akóges Reykjavtk, ellefu
frá Akóges og langflestir frá
Kiwanis eða sextán. Fram til þessa
hafa ávallt verið fulltrúar kvenna í
þessari keppni en að þessu sinni
voru þær víðs fjarri, aðeins karlar
sem tóku þátt.
I einstaklingskeppninni urðu úrslit
þessi:
1. Jón Ólafsson Akóges Rvk 37 p
2. Sigmar Pálmason Kiwanis 36 p
3. Tryggvi Ólafss. Oddfellow 35 p
Besta skorið í mótinu átti Akóges-
Þrír úr mótsnefnd, Sigurður Guðmundsson, Stefán Sævar Guðjónsson
og Gísli Jónasson
inn Örlygur Helgi Grímsson, 71
högg, eða eitt högg yftr pari vallar-
ins en þar sem hann er með -2 í
forgjöf dugði sá ágæti árangur
honum aðeins í 11. sæti.
I aðalkeppninni, þar sem keppt er
um Skeljungsskjöldinn, töldu átta
bestu frá hverju félagi og urðu
úrslit þessi:
1. Kiwanis 267 p
2. Akóges 245 p
3. Oddfellow 234 p
Akógesar höfðu unnið skjöldinn
tvö ár í röð en urðu nú að láta hann
af hendi.
í sveitakeppninni, þar sem fjórir
bestu af sex töldu, urðu úrslit þessi:
1. Kiwanis 131 p
2. Oddfellow 126 p
3. AkógesVm 125 p
4. Akóges Rvk. 123 p
Þá keppa Akógesfélögin tvö ein-
nig sín á milli og sigraði
Vestmannaeyjafélagið að þessu
sinni 125 - 123.
Á laugardaginn er Opna
Faxamótið á dagskrá hjá GV.
Þegar hafa margir bókað þátttöku í
þvf móti sem ætla má að verði fjöl-
sótt venju samkvæmt.
Sunnudaginn seinasta fór fram
uppskeruhátíð yngri flokka
Körfuknattleiksdeildar ÍBV í
Týssheimilinu. Þeir hafa staðið sig
mjög vel í vetur og eiga mikið hrós
skilið. Minnibolti, 11 ára, var hárs-
breidd frá því að tryggja sér
Islandsmeistaratitilinn. Þá voru
margir leikmenn kallaðir til æfinga
hjá yngri landsliðum og er einn
leikmaður félagsins Alexander Jarl
Þorsteinsson í U-15 ára landsliði
íslands sem mun keppa á næstunni
í Danmörku.
Einn leikmaður stendur þó upp úr
hjá Félaginu en það er Aron
Valtýsson. Hann skoraði 351 stig í
16 leikjum fyrir minnibolta 11 ára.
Fyrir vikið fékk hann viðurnefnið
galdramaðurinn. Hann er framtíðar-
leikmaður ásamt fleirum hjá fé-
laginu en það verður gaman að
fylgjast með félaginu næsta vetur
því mikil uppbygging á sér stað
núna og mikill áhugi er fyrir kör-
funni. En sannarlega glæsilegt ár
hjá körfunni sem geta verið stoltir
af árangrinum.
Þessir hlutu viðurkenningar:
10. fiokkur
Besti leikmaður Kristján
Tómasson, mestu framfarir Heiðar
Smári Igimarsson, besti vamar-
maður Ölafur Sigurðsson, besta
vítanýting Teitur Guðbjöms-
son, besta ástundun Teitur Guð-
bjömsson og besti félaginn
Hjálmar Júlíusson.
9. fiokkur
Besti leikmaður Alexander Jarl
ÞEIM fer stöðugt fjölgandi sem leika körfuknattleik í Eyjum.
Þorsteinsson, mestu framfarir
Gunnlaugur Guðjónsson, besti
varnarmaður Hlynur Andrésson,
besta vítanýting, Alexander Jarl
Þorsteinsson besta ástundun
Alexander Jarl Þorsteinsson og
besti félaginn er Daði Hauksson.
8. fiokkur
Besti leikmaður Tómas Orri
Tómasson, mestu framfarir Ámi
Óðinsson, besti vamarmaður
Jóhann Ingi Þórðarson, besta
vítanýting Halldór Páll Geirsson,
besta ástundun Tómas Orri
Tómasson og besti félaginn Jón Þór
Guðjónsson.
Minnibolti 11 ára
Besti leikmaður Aron Valtýsson,
mestu framfarir Sigurður Grétar
Benonýsson, besti vamarmaður
Hafsteinn Gísli Valdimarsson, besta
vítanýting Aron Valtýsson, besta
ástundun Kristberg Gunnarsson og
besti félaginn Valtýr S. Birgisson
Minnibolti 10 ára og yngri
Besti leikmaður Devon Már Griffin,
mestu framfarir Daníel Örn Griffin,
besti vamarmaður Daníel Örn
Griffin, besta vítanýting Amar Geir
Gíslason, besta ástundun Ólafur
Ágúst Guðlaugsson og besti
félaginn Ársæll Ingi Guðjónsson.