Fréttir - Eyjafréttir - 22.05.2008, Qupperneq 12

12
Fréttir / Fimmtudagur 22. maí 2008
BJÖRGVIN: Ég sé heilmikil tækifæri hér og er uppfullur af hugmyndum í sambandi við ferðamanninn og annað sem tengist okkur hér í Eyjum. Við eigum að hætta þessari
minnimáttarkcnnd og hcnda okkur í það að koma okkur aftur á kortið, bæði í ferðamennsku og öðru sem við erum góð í, t.d. íþróttum.
Eigum að henda okkur í að
koma okkur aftur á kortið
segir Björgvin Þór Rúnarsson, skemmtanahaldari, sem vill koma Höllinni í
gagnið á ný - Draumur um bjórverksmiðju er á ís - Fleiri hugmyndir bíða þess að
komast í framkvæmd - Hjómsveitin Whitesnake næsta stóra verkefni
VIÐTflL
Guðbjörg Sigurgeirsdóttir
gudbjorg @ eyjafrettir.is
Björgvin Þór Rúnarsson kemur víða við og er
með mörg járn í eldinum. Hann rekur ásamt
Birgi Nflsen viðburða- og útgáfufyrirtækið
2B Company sem hefur á undanfömum árum
fengið þekkta tónlistarmenn og skemmti-
krafta til landsins.
Fyrirtækið hefur séð um skemmtanahald í
Höllinni undanl'arin ár en starfsemin hefur
takmarkast við leylisveitingar í húsinu. 2BC
áformar að reisa bjórverksmiðju í Vest-
mannaeyjum og hefur gert samning við
bruggverksmiðjuna SALM í Austurríki á
sfðasta ári. Bjórinn á að heita Volcano bjór og
framleiðsla átti að hefjast í sumar en vegna
breytinga á rekstrarumhverfi á íslandi verður
einhver bið á því. Björgvin er fluttur hingað
ásamt fjölskyldu sinni en kona hans er
Margrét Hildur Ríkharðsdóttir.
Milletúlpugengið
Þið eruð nýflutt aftur til Eyja?
„Já, það er rétt. Við erum flutt heim og allir
ánægðir. Við byrjum á því að leigja að
Smáragötu 10, til eins árs til að minnsta
kosti. Við sóttum um lóð að Bröttugötu 10 og
fengum hana og nú er góður vinur okkar
hjóna að teikna hús fyrir okkur á þá lóð.
Síðan verðum við að sjá til hvenær við getum
byrjað á framkvæmdum, það fer allt eftir
efnum og aðstæðum hjá okkur.“
Hvað er það sem togar í þig hingað?
„Það sem togar í okkur er náttúrulega fyrst
og fremst fólkið og vinir okkar sem við
eigum hér. Þegar við vorum farin upp á land
söknuðum við þess mest að geta ekki
skroppið til Nonna Loga eða Magga Braga
hvenær sem er, en þeir eru mínir æskuvinir.
Fjölskyldur okkar hafa nú verið í góðu sam-
bandi eftir að við gengum út, ásamt Magga á
Felli, Úra, Agli Arngríms og fleiri góðum úr
„Milletúlpugenginu" ógurlega. Það nafn
fengum við á okkur vegna þess að við húkt-
um alltaf fyrir utan Skansinn eftir böll og
allir í Milletúlpum! Tuttugu stykki, hve hall-
ærislegt er það?
Uppfullur af hugmyndum
Björgvin er þekktur fyrir að vera hugmynda-
ríkur og því upplagt að spyrja hann hvaða
tœkifæri hann sjái í Vestmannaeyjum?
„Ég er nú bara þannig gerður að ég sé tæki-
færi í öllu og er kannski aðeins of bjartsýnn á
suma hluti. En eins og ég segi oft „hlutirnir
gerast ekki af sjálfu sér“ og maður þarf að
grfpa tækifærin þegar þau gefast. Og fylgja
þeim eftir, hvort sem það tekur einn dag eða
eitt ár. Við hjá 2BC notum slagorð við okkar
rekstur sem hljómar svona. „Það skrýtna við
hugmyndir er að þær virka ekki nema þær
séu framkvæmdar." Síðan má alltaf deila um
hvort hugmyndin hafi verið góð eða ekki.
Ég sé heilmikil tækifæri hér og er uppfullur
af hugmyndum í sambandi við ferðamanninn
og annað sem tengist okkur hér í Eyjum. Við
eigum að hætta þessari minnimáttarkennd og
henda okkur í það að koma okkur aftur á
kortið, bæði í ferðamennsku og öðru sem við
erum góð í, t.d. íþróttum. Þegar við vorum
með topplið í öllum deildum þá voru
Eyjamar alltaf í fréttum vegna frábærs ár-
angurs okkar fólks á þeim vettvangi. Þar
þurfum við að spýta í, og koma okkur aftur á
kortið því þar liggur mjög mikil ókeypis
auglýsing fyrir okkur og gerir eyjarnar
eftirsóknarverðar sem búsetukost. Ég hef
alltaf litið á mig sem Eyjamann þó ég hafi
flakkað á milli nokkrum sinnum en ég er bara
þannig týpa. Ef ég þarf og mig langar til að
fara upp á land til að starfa eða spila, eins og
ég gerði á sínum tíma, þá geri ég það, sama
hvað öðrum fínnst. En ég er og verð alltaf
stoltur Eyjamaður. Héðan kemur allt mitt fólk
þótt það sé farið í dag en ég vinn í því að
hægt og rólega að ná mömmu yfir aftur,
ásamt tengdaforeldrunum.
Bjóruppskrift frá 1886
2 B Company gerðu samstarfssamning við
bruggverksmiðjutia SALM í Austurríki á
Eyjamenn fjulmenntu á tónleika Jet Black Joe þar sem Guðmundur Þ.B. var
mættur með ættbogann og Sísi í TM var þarna líka.
síðasta ári og ætlar að reisa bruggverk-
smiðju í Vestmannaeyjum. Áœtlanir gera ráð
fyrir framleiðslu á 400 þúsund lítrum af
Volcano bjór á ári auk þess sem fyrirtœkið
2BC er umboðsaðili SALM á Islandi.
Hvernig kom þessi hugmynd upp?
„Ég fékk hugmyndina síðastliðið vor þegar
ég var í útilegu ásamt Kollu systur minni og
Bigga mági mínum. Við vorum að grilla, ég
með einn kaldan í hönd og þá segi ég; „djöf-
ull væri flott að búa til bjór sem myndi
tengjast Eyjum á allan hátt.“
Margrét kona mín tók undir það og Kolla og
Biggi líka. Ég man að við Biggi töluðum
ekki um annað allt ferðalagið og í dag er svo
komið að við erum búnir að skrifa undir sam-
starfssamning við SALM í Austurríki þ.e. um
verksmiðju og uppskrift frá 1886 sem er
brugguð í 38 löndum um allan heim.“
Hver er staðan í dag?
„Staðan á verksmiðjunni er sú að við erum
að bíða af okkur ástandið sem er uppi í
þjóðfélaginu í dag. Við erum búnir að eyða á
fjórðu milljón í verkefnið úr eigin vasa og
létum Deloitte vinna skýrslu fyrir fjárfesta
og sjóði þar sem við eigum þess kost að
sækja um styrki. Við töldum ekkert vit í að
fara í þetta nema kaupa sérfræðiaðstoð frá
Deloitte til að hafa alla enda tryggða þegar
verkefnið færi af stað. Við urðum fyrir miklu
áfalli þegar stærsti fjárfestirinn, sem var
kominn í málið með okkur, lenti í kreppunni
miklu og við höfum ekki heyrt í honum
síðan.
Það verður vonandi sem minnst töf á þessu
verkefni en við förum ekki af stað nema hafa
alla enda kyrfilega bundna. Þá er ég að meina
fjármagn, annað er klárt af okkar hálfu. Við
erum búnir að tryggja að samningar við
SALM halda næsta árið þannig að við höfum
tíma fyrir okkur."
Verðum að eiga samkomuhús
Björgvin hefur ákveðnar skoðanir á því
hvernig komið er fyrir skemmtanahaldi í
Eyjum. Hann varfyrst spurður hvenœr hann
kom fyrst að skemmtanahaldi í Höllinni.