Fréttir - Eyjafréttir - 03.07.2008, Blaðsíða 24

24
Fréttir / Fimmtudagur 3. júlí 2008
Eg er frístundamálari - þegar
ekki viðrar til golfleiks
-segir Gísli Jónasson sem opnar sína fyrstu einkasýningu á föstudag
VÍðtQl
Sigurgeir Jónsson
Sigurge @ internet. is
Gísli Halldór Jónasson, fyrrverandi
skipstjóri og núverandi veiðarfæra-
kaupmaður, heldur sína fyrstu mál-
verkasýningu um goslokahelgina.
Gísli verður 75 ára á árinu, auk
þess sem þau hjón, hann og
Viktoría Karlsdóttir (Viggý), eiga
gullbrúðkaupsafmæli. Þetta er því
eiginlega afmæiissýning í marg-
földum skilningi þar sem um helg-
ina er þess einnig minnst að 35 ár
eru frá goslokum.
Það er ekki langt síðan Gísli byrj-
aði að föndra við litina. Hann byrj-
aði haustið 2001 og segir aðdrag-
andann að því hafa verið nokkuð
skondinn. „Það var eiginlega
viskíið sem átti sinn þátt í því,“
segir Gísli, sposkur á svip. „Þannig
var að þetta haust var ég, ásamt
fleirum, á lokahófi sumarsins inni í
Golfskála. Þar sátum við Bennó
Ægisson, sem var starfsmaður á
vellinum, og vorum að lepja viskí.
Bennó sagði mér að hann væri að
fara af stað með myndlistarnám-
skeið og þar væru nokkrir Odd-
fellowar. Spurði mig svo af hverju
ég slægist ekki í hópinn með þeim,
en hann vissi að eg var félagi í
Oddfellow.
Mér fannst þetta í fyrstu alveg
fráleit hugmynd, enda hafði ég
aldrei getað dregið beina línu og
aldrei hugleitt að prófa slíka hluti.
En líklega hefur viskíið haft sín
áhrif því þarna var ákveðið að ég
mætti á námskeiðið. Og síðan hef
ég verið á fullu í þessu. Hvað eru
menn svo að tala um að áfengi sé
alltaf til bölvunar?" segir Gísli og
brosir sínu breiðasta. „Alla vega
ekki í þessu tilfelli."
Afslappandi og skemmti-
legt
Gísli segist hafa verið þrjá vetur í
námi hjá Bennó, farið á tvö nám-
skeið hjá Steinunni Einars og eitt
hjá Bjarna Ólafi Magnússyni.
Hann hefur tekið þátt í sex sam-
sýningum eða nemendasýningum,
þremur hjá Bennó og tveimur hjá
Steinu og einni hjá Bjama Ólafi, en
þetta er í fyrsta sinn sem hann
stendur einn að slíkri sýningu.
„Ég er svona frístundamálari í
skammdeginu, þegar ekki viðrar til
golfleiks. Maður er búinn að prófa
margt í líftnu og af hverju ekki að
prófa að setja upp sýningu," segir
Gísli.
Hvað skyldi verða til þess að
gamalreyndur skipstjóri og afla-
maður verður á efri árum forfallinn
í myndlistinni?
„Þetta er svo geysilega skemmti-
legt,“ segir Gísli. „Til dæmis á
vetrarkvöldum, þegar veðrið er eins
og það getur orðið hér í Eyjum og
hundleiðinleg dagskrá í sjónvarp-
inu. Þá er það bæði afslappandi og
skemmtilegt að geta farið inn í her-
bergi að blanda liti á léreft.“
Karlinn og krakkahrúgan á
eftir
Gísli var um margra ára skeið í
alþjóðlegum ftskveiðiverkefnum á
vegum FAO, úti um allan heim.
Hann byrjaði í því árið 1970 og var
til 1979 og síðan aftur frá 1987 til
1989 þegar hann kom aftur til Eyja
og gekk inn í veiðarfæraverslunina
með Guðlaugi Stefánssyni frá
Gerði. En hvar vom þau þegar
gaus, íjanúar 1973?
ÞAÐ er ekki langt síðan Gísli byrjaði að föndra við litina. Hann byrjaði haustið 2001 og segir aðdrag-
andann að því hafa verið nokkuð skondinn.
TVÆR myndanna sem Gísii verður með á sýningunni. Gamla Tangahúsið er á efri myndinni
Stebba á Halkion leist ekki á
að hún færi að fæða þar um
borð og fékk forgang á að
sigla að bryggju í
Þorlákshöfn. Þar komu
sjúkraflutningamenn um
borð, Viggý var borin á
börum í land og karlinn og
krakkahrúgan fylgdu á eftir.
Farið var með hana upp í ver-
búð, alla leið upp á þriðju
hæð, þar sem voru bæði
læknir og ljósmóðir, og kar-
linn og krakkahrúgan fóru
auðvitað þangað líka.
„Við vorum hér í Eyjum, í hálf-
gerðu millibilsástandi," segir Gísli.
Ég var nýbúinn að ljúka verkefni
suður í Aden og það var ákveðið að
Viggý færi heim með krakkana í
eitt ár meðan ég kláraði verkefni í
Víetnam, aðallega vegna erftðleika
með skólagöngu þar ytra. Og ég
var heima í frii þegar byrjaði að
gjósa. Við sigldum með Halkion til
Þorlákshafnar. Börnin voru orðin
fimm og það sjötta í móðurkviði,
Viggý var komin átta mánuði á leið
og þarna í brælunni á leiðinni tók
hún það sem við héldum þá að væri
léttasóttin. Stebba á Halkion leist
ekki á að hún færi að fæða þar um
borð og fékk forgang á að sigla að
bryggju í Þorlákshöfn. Þar komu
sjúkraflutningamenn um borð,
Viggý var borin á börum í land og
karlinn og krakkahrúgan fylgdu á
eftir. Farið var með hana upp í ver-
búð, alla leið upp á þriðju hæð, þar
sem voru bæði læknir og ljósmóðir,
og karlinn og krakkahrúgan fóru
auðvitað þangað líka. Læknirinn
kvað upp úr með að hún yrði flutt
með sjúkrabíl beint á fæðingar-
deildina í Reykjavík og aftur var
Viggý borin niður og út í sjúkra-
bílinn, með karlinn og krakkahrúg-
una á eftir sér. Þegar öll hersingin
var komin inn í sjúkrabflinn, kom
læknirinn hlaupandi og sagðist ætla
að gefa henni róandi sprautu sem
hann gerði. Og þar með rénaði
sóttin. Hún var á fæðingardeildinni
fram eftir degi en var síöan send
heim. Atti svo Bryndísi þremur
vikum síðar. Við bjuggum í
Kópavogi, meðan á gosinu stóð,
fengum þar húsnæði sem Stebbi á
Halkion reddaði okkur um í gegn-
um frændfólk sitt frá Ártúnum á
Rangárvöllum. En þetta var svona
frekar óvænt og sérkennileg uppá-
koma og það í miðju eldgosi," segir
Gísli og brosir yfir þessari endur-
minningu sem greinilegt er að hann
man vel eftir.
Til sölu ef einhver vill
kaupa
Sýning Gísla verður í Akóges-
húsinu. Hún verður opnuð kl.
17.00 á föstudag og stendur til kl.
19.00 þann dag. Á laugardag og
sunnudag verður sýningin opin frá
kl. 14.00 til 18.00 báða dagana. Á
henni eru rúmlega 50 verk, flest
unnin með olíulitum en einnig
nokkrar litlar akrýlmyndir. „Jú,
þetta er sölusýning," segir Gísli og
bætir við í hæversku sinni: „Ef
einhverjum finnst þær þess virði að
kaupa þær.“
GISLI hefur, sem kunnugt er,
tekið verulegan þátt í umræðum
um væntanlega Landeyjahöfn. Sá
áhugi kemur einnig fram í mynd-
listinni, en hér eru Eyjar séðar
frá Bakkafjöru.
-£
4