Fréttablaðið - 09.08.2013, Blaðsíða 8

9. ágúst 2013 FÖSTUDAGUR| FRÉTTIR | 8
RENAULT KANGOO DÍSIL
EYÐSLA 4,9 L / 100 KM*
VINSÆLIR
ENDA SPARNEYTNIR ATVINNUBÍLAR
RENAULT TRAFIC DÍSIL
EYÐSLA 6,9 L / 100 KM*
RENAULT MASTER DÍSIL
EYÐSLA 8,0 L / 100 KM*
E
N
N
E
M
M
/
S
ÍA
/
N
M
5
8
7
5
3

*
E
yð
s
la
á
1
0
0
k
m
m
ið
a
ð
v
ið
b
la
n
d
a
ð
a
n
a
k
s
tu
r.
BL ehf. Sævarhöfða 2 / 525 8000
www.renault.is
RENAULT – Í LIÐI MEÐ ATVINNUREKENDUM Í 100 ÁR.
Það er ekki að undra að Renault sé stærstur á sviði sendibíla í Evrópu.
Eftir meira en 100 ár í bransanum vita þeir hjá Renault hvað skiptir máli
þegar bíllinn er vinnustaðurinn þinn: áreiðanleiki, sveigjanleiki og ekki
síst þægindi.
TRAFIC STUTTUR
VERÐ FRÁ: 3.418.327 KR. ÁN VSK.
2,0 DÍSIL - 115 HÖ VERÐ: 4.290.000 KR. M. VSK.
MASTER MILLILANGUR
VERÐ FRÁ: 4.292.821 KR. ÁN VSK.
2,3 DÍSIL - 125 HÖ VERÐ: 5.390.000 KR. M. VSK.
KANGOO II EXPRESS
VERÐ: 2.541.833 KR. ÁN VSK.
1,5 DÍSIL - 90 HÖ VERÐ: 3.190.000 KR. M. VSK.
Bílahúsið / Reykjanesbæ / 421 8808 – Bílasalan Bílás / Akranesi / 431 2622
Bílasala Akureyrar / Akureyri / 461 2533 – Bílaverkst. Austurlands / Egilsst. / 470 5070
IB ehf. / Selfossi / 480 8080
SJÁVARÚTVEGUR Sjávarútvegs- og
landbúnaðaráðherra hefur ekki
valdheimild til þess að úthluta
aflahlutdeild og aflamagni í
úthafsrækju miðað við aflareynslu
síðustu þriggja ára. Þetta segir í
lögfræðiáliti sem lögfræðistofan
Land lögmenn vann fyrir atvinnu-
vega- og nýsköpunarráðuneytið.
Ákvörðunar Sigurðar Inga
Jóhannssonar, sjávarútvegs- og
landbúnaðarráðherra, varðandi
það hvernig stjórnun á úthafs-
rækju verður háttað, er beðið með
mikilli eftirvæntingu, enda hafa
nokkur fyrirtæki lagt mikið í upp-
byggingu á þeim þremur árum
sem úthafsrækjuveiði hefur verið
frjáls.
Jón Guðbjartsson, stjórnarfor-
maður rækjuvinnslunnar Kampa
ehf., segir að ef þetta álit reynist
rétt sé skynsamlegast fyrir ráð-
herra að gefa veiðarnar frjálsar en
breyta svo lögum. „Það er oft verið
að spyrja mig um plan B, það er að
segja hvað ég geri ef við fáum ekki
kvótann,“ segir Jón. „Plan B þýðir
einfaldlega að við verðum að vera
með hálfs árs vinnslu, þá er jafn-
vel betra að loka svo maður fari
ekki á hausinn, selja skip eða skrá
þau erlendis.“
- jse
Lögfræðiálit segir ráðherra ekki hafa heimild til að úthluta eftir veiðireynslu:
Segir plan B ekki gæfulegt
JÓN FRÁ KAMBI Eflaust bíða fáir í
meira ofvæni eftir ákvörðun ráðherrans
en Jón. MYND/HALLDÓR SVEINBJÖRNSSON
TRÚMÁL Þjóðkirkjan hyggst ekki
endurskoða aðkomu sína að sam-
kirkjulegri samkomu, Hátíð
vonar, þar sem umdeildur banda-
rískur predikari mun flytja boð-
skap sinn. Þetta segir Agnes M.
Sigurðar dóttir biskup. Predikar-
inn, Franklin Graham, er meðal
annars þekktur fyrir andúð sína á
samkynhneigð.
„Við getum umgengist fólk, hópa
og einstaklinga, þótt við séum ekki
sammála þeim um allt. Þá erum
við frekar að vinna með það sem
við eigum sameiginlegt en það sem
sundrar,“ segir Agnes í svari við
fyrirspurn Fréttablaðsins.
„Kristið fólk á Íslandi tilheyrir
mörgum kirkjudeildum og er ekki
sammála um allt en við getum
sameinast í bæn fyrir landi og
þjóð. Það er markmiðið með Hátíð
vonar. Tengsl við þau sem eru ólík
okkur skerpa sjálfsmyndina. Þjóð-
kirkjan hefur tekið skýra afstöðu
með samkynhneigðum og hjóna-
böndum þeirra og stendur við
hana.“
Í frétt á vef Þjóðkirkjunnar
segir að Graham komi hingað til
lands í boði forsvarsfólks margra
kirkna og samtaka. Rúmlega
fimmtíu kirkjur, sóknir, söfnuðir
og samtök taki þátt eða standi að
baki Hátíð vonar, ásamt kristni-
boðssamtökum Billy Graham,
föður Franklins.
Anna Pála Sverrisdóttir, for-
maður Samtakanna ´78, er afar
ósátt við að Franklin Graham skuli
fenginn á þessa hátíð.
„Það eru mér mikil vonbrigði
að á „Hátíð vonar“ skuli eiga að
flytja inn atvinnuhommahatara
og mér finnst það ömurleg skila-
boð að gefa íslensku samfélagi ein-
mitt þegar Hinsegin dagar, og sú
mannréttindahátíð sem þeir eru,
standa yfir.“
Hún bendir á að stefna stjórn-
valda sé að vernda réttindi hinseg-
in fólks og um það sé allur almenn-
ingur á Íslandi sammála. Ummæli
Grahams ýti hins vegar undir að
hinsegin fólk sé jaðarsett, sæti
aðkasti og í ömurlegustu tilfellun-
um ofbeldi víða um heim.
Sigríður Guðmarsdóttir, sóknar-
prestur í Guðríðarkirkju í Grafar-
holti, er einnig óánægð.
„Í fyrsta lagi stendur Þjóð-
kirkjan ekki formlega að þess-
ari hátíð. Þess vegna finnst mér
fáránlegt að þessi fréttatilkynn-
ing skuli koma á vef Þjóðkirkjunn-
ar og ég hvet yfirstjórn kirkjunnar
til að draga hana til baka,“ segir
Sigríður.
„Ég er líka verulega ósátt við
það að tilkynningin skuli þar
að auki koma fram á miðjum
Hinsegin dögum, sem mér finnst
særandi,“ bætir hún við og tekur
fram að Guðríðarkirkja taki ekki
þátt í Hátíð vonar á nokkurn hátt.
En hvað finnst henni um að
sóknir á vegum Þjóðkirkjunnar
skuli taka þátt í hátíðinni?
„Mér finnst ekki eðlilegt að
Þjóðkirkjan, sem hefur heimilað
vígslu samkynhneigðs fólks
og verið að byggja upp sam-
tal og samband við það, standi
að samstarfi við Frankl-
in Graham,“ segir Sigríður
Guðmarsdóttir.
stigur@frettabladid.is
Hættir ekki við þátt-
töku í Hátíð vonar
Biskup segir Þjóðkirkjuna ekki ætla að endurskoða aðkomu sína að Hátíð vonar,
þar sem predikarinn Franklin Graham mun flytja boðskap sinn. Prestur Þjóðkirkj-
unnar og formaður Samtakanna 7́8 eru mjög ósáttir við þátttöku kirkjunnar.
UMDEILDUR Franklin Graham óttast mjög siðferðislega hnignun á Vesturlöndum.
NORDICPHOTOS/GETTY
„Fjárhagserfiðleikar landsins eru hins vegar ekkert í samanburði við
trúarlegt og siðferðilegt hengiflugið sem er langtum hættulegra þjóðinni
en vandi í efnahagslífinu,“ skrifaði Franklin Graham á vefsíðu föður síns í
desember.
„Frá síðustu kosningum höfum við séð pör af sama kyni í röðum við
dómshús fjölda ríkja til að fá hjúskaparleyfi og hundruð manna safnast
saman opinberlega og kveikja sér í jónu í fylkjum þar sem slíkt hefur verið
lögleitt. Þetta er bara toppurinn á ísjakanum. Hin siðferðislega hnignun
sem blasir við okkur í sjónvarpsefni– blygðunarlaust
siðleysi, glórulaust ofbeldi og fjölmiðlavæn, sam-
kynhneigð hegðun– endurspeglar aðeins þá
siðferðislegu brenglun sem hefur mengað allt
samfélagið. Við lifum sannarlega myrka
tíma – en það er von.“
Miklu hættulegra en efnahagsvandinn
SKERPIR SJÁLFSMYNDINA
Agnes M. Sigurðardóttir segir
tengsl við þau sem eru ólík
okkur skerpa sjálfsmyndina.
ANNA PÁLA
SVERRISDÓTTIR
SIGRÍÐUR GUÐ-
MARSDÓTTIR