Fréttablaðið - 09.08.2013, Blaðsíða 30

KYNNING − AUGLÝSINGAllt í skólann FÖSTUDAGUR 9. ÁGÚST 20136
Námsmenn verja löngum stundum við skrifborðið og þótt margir nýti sér lestraraðstöðu í skólum og á bókasöfnum þurfa flestir líka að koma sér upp góðu afdrepi á heimilinu þar sem hægt er að
sitja yfir námsefninu tímunum saman. Það sama á við um þá sem vinna
heima.
Það er margsannað að umhverfið og aðbúnaðurinn hefur áhrif á út-
hald og afköst og er gott að hafa nokkur atriði í huga þegar góðar lær-
dóms- eða vinnuaðstæður eru annars vegar. Flestum reynist erfiðast að
greina heimilislíf frá námi og vinnu. Þá getur skortur á örvun í umhverf-
inu valdið vandræðum. Heimaskrifstofur hafa þó sína kosti og gætu feng
shui-fræðin gagnast einhverjum til að ná fram því besta.
Góð vinnuaðstaða eykur afköst
Náms- og starfsumhverfi þitt hefur áhrif á úthald og afköst. Því er rík ástæða til að gera vinnuaðstöðuna eins góða og mögulegt er.
Ef þú þarft að sitja með andlitið að vegg
er gott að nota myndir eða veggfóður til
að lífga upp á hann. Best er þó að geta
horft út um glugga. Til að halda einbeitingu og orku þarf líkaminn súrefni og ljós. NORDICPHOTOS/GETTY
Óreiða dregur úr afköstum. Því er mikil-
vægt að koma reglu á bækur og smáhluti.
1Regla númer eitt er að hafa skrifstofuna eins langt frá svefnherberginu og mögulegt er. Helst ættu þessi herbergi að vera hvort sínum megin
í húsinu/íbúðinni. Ef plássið er af skornum skammti og útbúa þarf aðstöðu
í svefnherberginu er gott að reyna að stúka hana af. Svefnherbergið er
griða- og hvíldarstaður en vinnuaðstaðan þarf að vera örvandi.
2Skrifborðið ætti að snúa þannig að þú sjáir herbergishurðina en síður þannig að bakið snúi í hana. Best er ef skrifborðið getur verið eins
langt frá dyrunum og mögulegt er og að þú hafir góða yfirsýn yfir her-
bergið þaðan sem þú situr. Ef þú þarft að snúa andlitinu að vegg reyndu
þá að nota myndir eða veggfóður til að lífga upp á hann.
3Veldu skraut og liti sem vekja með þér hamingju og gefa þér þá tilfinn-ingu að þú nýtur velgengni. Þar sem um er að ræða heimaskrifstofu er
hægt að ganga lengra í að skreyta umhverfið en í almenningsrými. Veldu
hluti sem endurspegla þá orku sem þú vilt gefa frá þér út í lífið.
4Hugaðu að lýsingu og loftgæðum. Til að halda orku og einbeitingu þarf líkaminn súrefni og ljós. Hafðu gott loftljós og borðlampa, dragðu
frá gluggum og opnaðu út. Mælt er með því að hafa græna plöntu í um-
hverfinu.
5Forðastu alla óreiðu. Raðaðu bókum, flokkaðu pappíra í möppur og komdu reglu á smáhluti. Óreiða dregur úr orku og finnst flestum betra
að vinna ef skrifborðið er snyrtilegt og allir hlutir á sínum stað.
TÓNLIST VIÐ LÆRDÓMINN
Fjölmargar rannsóknir hafa sýnt fram á að það
geti haft góð áhrif á einbeitinguna að hlusta
á tónlist með lærdómnum. Það skiptir þó máli
hvernig tónlistin er og hversu hátt hún er stillt.
Tónlist án söngs hefur reynst best þar sem
söngurinn getur haft truflandi áhrif. Hraðinn
má auðvitað ekki vera of mikill heldur. Ef hlustað
er á nýja tónlist í fyrsta skipti getur það truflað
einbeitinguna þar sem hún fer meira í að hlusta
nýja lagið.
20%