Fréttablaðið - 17.08.2013, Blaðsíða 102

17. ágúst 2013 LAUGARDAGUR| SPORT | 58
LAUGARDAGUR
11.35 Liverpool - Stoke Sport 2
13.50 Arsenal - A. Villa Sport 2
13.50 West Ham - Cardiff Sport 3
13.50 Norwich - Everton Sport 4
13.50 WBA - Southampton Sport 5
16.15 Swansea - Man. Utd Sport 2

SUNNUDAGUR
12.20 C. Palace - Tottenham Sport 2
14.50 Chelsea - Hull Sport 2
Breiðablik tekur á móti KR í toppslag Pepsi-
deildar karla á morgun en þetta er einn af
fjórum leikjum 16. umferðarinnar sem eru
spilaðir á sunnudaginn.
Blikar þurfa á sigri að halda ætli þeir að
vera með í baráttunni um titilinn. KR með
eins stig og eins leiks forskot á FH og sex
stiga forskot á Stjörnunnar. Blikar eru sjö
stigum á eftir KR en eiga reyndar leik inni á
Vesturbæinga.
Hinir leikir dagsins hefjast bæði klukkan
17.00 (ÍA-FH og ÍBV-Víkingur Ó.) og klukkan
19.15 (Keflavík-Valur) eins og leikur Breiða-
bliks og KR.
Einn af úrslitaleikjunum í
Kópavoginum á morgun
FRJÁLSAR ÍÞRÓTTIR Ásdís Hjálms-
dóttir komst ekki í úrslit á HM í
frjálsum í Moskvu í gær en hún
kastaði lengst 57,65 metra og end-
aði í 21. sæti í undankeppninni.
Tólf efstu komust í úrslit og
sú síðasta inn í úrslitin, Nadeeka
Lakmali frá Srí Lanka, kastaði
60,39 metra. Íslandsmet Ásdísar
(62,77 metrar) hefði dugað í sjötta
sætið í undankeppninni.
Þetta er slakasti árangur
Ásdísar á stórmóti í fjögur ár eða
síðan að hún lenti í 24. sæti á HM
í Berlín 2009. Hún hafði verið
meðal þrettán efstu á fjórum
stórmótum í röð og komst í úrslit
á Ólympíuleikunum í London í
fyrra. - óój
Það slakasta
í fj ögur ár
ÁSDÍS HJÁLMSDÓTTIR Þjálfaraskiptin
taka sinn tíma. MYND/AFP
FÓTBOLTI „Þetta verður algjör
veisla. Við erum að fara að sýna alla
380 leikina í ensku úrvalsdeildinni.
Við erum eina stöðin í Evrópu sem
gerir það og við erum mjög stoltir
af því,“ segir Hjörvar Hafliðason,
dagskrárstjóri Stöðvar 2 Sport, en
hans menn eru klárir í bátana fyrir
enska boltann sem hefst í dag.
Messan verður á sínum stað en þó
ekki lengur á sunnudögum.
„Það verður Mánudagsmessa
hjá okkur núna núna. Við teljum að
mánudagskvöld séu betri sjónvarps-
kvöld og höfum því fært okkur um
set,“ segir Hjörvar.
Hann verður áfram í þættinum
með Guðmundi Benediktssyni.
Feðgarnir Guðjón Þórðarson og
Bjarni Guðjónsson verða einnig
reglulegir gestir í þættinum.
Í vetur verður öllum leikjum lýst
á íslensku en undanfarin ár hafa
leikir á hliðarrásum Stöðvar 2 Sport
verið sendir út með ensku tali. „Það
er mikil tilhlökkun hjá okkur að
fara af stað en þessi vetur verður
veisla.“
Eina stöðin í Evrópu með alla leiki
Stöð 2 Sport 2 býður upp á einstaka þjónustu á enska boltanum í vetur. Öllum leikjum er lýst á íslensku.
SPENNTUR Hjörvar spáir spennandi
vetri í enska boltanum. FRÉTTABLAÐIÐ/ARNÞÓR
FÓTBOLTI Knattspyrnusamband
Íslands tilkynnti í gær að Sigurður
Ragnar Eyjólfsson hefði ákveðið að
hætta sem þjálfari A-landsliðs kvenna.
Sigurður er eini þjálfarinn í sögu Ís-
lands sem hefur farið með A-landslið
á stórmót og það afrekaði hann í
tvígang, árið 2009 og 2013.
„Ég er búinn að vera með liðið í
sjö ár og það er kominn tími til að
ég takist á við nýjar áskoranir,“ segir
Sigurður Ragnar.
„Það var einnig vel við hæfi að
hætta með liðið eftir þennan frábæra
árangur sem við náðum á Evrópu-
mótinu.“
Ísland komst í átta liða úrslit
Evrópumótsins í Svíþjóð í sumar.
„Undanfarin ár hef ég fengið
tilboð frá karlaliðum um að taka
við. Einnig hef ég fengið tilboð frá
kvennaliðum erlendis sem er einnig
álitlegur kostur.“
Sigurður tók við íslenska landslið-
inu í árslok 2006 og var því tæplega
sjö ár þjálfari liðsins.
„Núna ætla ég að gefa mér smá
tíma til að skoða þá möguleika sem
ég hef fyrir framan mig, en ég hallast
meira að því að færa mig alfarið yfir í
karlaboltann.“
- sáp
Vill færa sig yfi r í karlaboltann
FÆRIR SIG UM SET Sigurður er ekki
hættur þjálfun. FRÉTTABLAÐIÐ/ARNÞÓR
KÖRFUBOLTI Ísland sigraði Rúm-
eníu 77-71 í hreinum úrslitaleik
um annað sæti A-riðils í undan-
keppni Evrópumeistaramótsins í
körfubolta 2015.
Ísland færist því upp um styrk-
leikaflokk þegar dregið verður í
næstu undankeppni .
Ísland hóf leikinn frábærlega
og var níu stigum yfir eftir fyrsta
leikhluta 22-13.
Rúmenía vann sig fljótt inn í
leikinn í öðrum leikhluta og náði
að jafna metin. Rúmenía náði
þó aldrei að komast yfir og var
Ísland fjórum stigum yfir í hálf-
leik 40-36.
Enn jók á spennuna í þriðja
leikhluta en enn var Ísland alltaf
á undan en munurinn var lítill
þegar aðeins einn leikhluti var
eftir, eitt stig, 61-60.
Rúmenía náði að jafna í upp-
hafi fjórða leikhluta en svo komst
Ísland yfir á ný og lét forystuna
aldrei af hendi og vann sann-
gjarnan sigur. - gmi
Enduðu á
góðum sigri
STERKUR Jón Arnór var seigur í gær.
FRÉTTABLAÐIÐ/STEFÁN
SPORT
FÓTBOLTI Spennan leynir sér
ekki hjá áhugamönnum um
enska boltann sem fer af stað í
dag, enda urðu söguleg umskipti
í sumar þegar þrjú efstu liðin
á síðustu leiktíð skiptu öll um
knattspyrnustjóra. Það flæða því
ferskir straumar um deildina í
upphafi leiktíðar.
Pressan er á Moyes
Manchester United hefur verið
tákn stöðugleikans undanfarin ár.
Liðið hefur unnið fimm meistara-
titla á síðustu sjö árum og hin tvö
árin hefur liðið misst naumlega af
titlinum.
Það er því óvenjulegt ástand að
menn setji einhver spurningar-
merki við United-liðið eftir yfir-
burðarsigur á síðustu leiktíð en
brotthvarf Sir Alex Ferguson úr
stjórastólnum hefur þessi áhrif.
David Moyes er tekinn við en þrátt
fyrir frábæran árangur hans með
peningalítið Everton-lið á hann
enn eftir að vinna titil eða kynnast
pressunni að stýra einu besta liði
deildarinnar.
Titilvörnin gekk ekki vel
hjá Manchester City í fyrra og
Roberto Mancini var látinn taka
pokann sinn. Manuel Pellegr-
ini er tekinn við og félagið eyddi
langmest allra í nýja leikmenn í
sumar. Lítil mótstaða City-manna
í titilbaráttu síðustu leiktíðar
voru mikil vonbrigði en háværu
nágrannarnir eru ekki hljóðnaðir.
Liðið eyddi í kringum 90 millj-
ónum punda í þá Alvaro Negredo,
Jesus Navas, Fernandinho og Stev-
an Jovetic og allir lykilmenn liðs-
ins eru áfram til staðar. Pellegr-
ini þarf hins vegar að læra fljótt á
enska boltann ef hlutirnir eiga að
ganga upp.
Vann alla titlana síðast
Chelsea hefur ekki verið með í
titil baráttunni fyrir alvöru undan-
farin tvö tímabil en fagnar aftur á
móti sigri í báðum Evrópukeppn-
unum.
Jose Mourinho vann alla ensku
titlana þegar hann var síðast við
stjórnvölinn á Brúnni og margir
veðja á Chelsea-liðið í vetur. Mour-
inho hefur í millitíðinni unnið
ítalska og spænska titilinn sem og
Meistaradeildina Nú bíða menn
spenntir eftir því að sjá hvort „The
Special One“ mæti nú þroskaðri og
vitrari til leiks eins og hann vill
sjálfur halda fram.
Það er þó nokkuð sem breytist
aldrei en það er að Arsene Wenger
situr sem fastast í stjórastólnum
hjá Arsenal og að hagfræðing-
urinn er ekki tilbúinn að henda
stórum upphæðum í nýja leik-
menn. Arsenal hefur ekki unnið
titil í átta tímabil en þrátt fyrir
yfirlýsingar um annað í upphafi
sumars hefur Frakkanum gengið
illa að styrkja „veiku“ stöðurnar í
liðinu.
André Villas-Boas er áfram
með Tottenham líkt og Brendan
Rodgers hjá Liverpool en báðir
hafa þurft að berjast við áhuga liða
á þeirra stærstu stjörnum.
Gareth Bale hefur verið á leið-
inni til Real Madrid í allt sumar
og Luis Suarez vill ekkert frekar
en losna frá Anfield. Bæði lið ætla
sér Meistaradeildarsæti eftir von-
brigði síðustu leiktíðar en þurfa
eflaust bæði á súpertímabili hjá
sínum stjörnuleikmönnum að
halda ef það á að takast.
Dæmisagan um Van Persie
Þriðja óánægða stórstjarnan er
síðan Wayne Rooney hjá Man-
chester United. Jose Mourinho
vill endilega fá hann til Chelsea
og Rooney vill fara.
Einhverjir ganga svo langt að
telja að baráttan um Rooney geti
ráðið úrslitum í baráttunni um
enska titilinn en flestir sjá ekki
fyrir sér að United selji leikmann-
inn til sinna helstu keppinauta.
Sala Arsenal á Robin van Persie til
United í fyrra ætti í það minnsta
að vera víti til varnaðar.
ooj@frettabladid.is
Toppliðin öll með nýja stjóra
Enska úrvalsdeildin hefst í dag og sjaldan hafa verið fl eiri spurningarmerki á loft i en einmitt nú. Nýir stjórar
og ósáttar stjörnur settu mikinn svip á sumarið og margir bíða spenntir eft ir að fótboltaveislan byrji.
JOSE MOURINHO
hjá Chelsea
50 ára Portúgali
Stýrði Real Madrid frá 2010 til 2013
20 titlar sem þjálfari
MANUEL PELLEGRINI
hjá Manchester City
59 ára Sílemaður
Stýrði Malaga frá 2010 til 2013
7 titlar sem þjálfari
DAVID MOYES
hjá Manchester United
50 ára Skoti
Stýrði Everton frá 2002 til 2013
1 titill sem þjálfari