Fréttablaðið - 17.08.2013, Blaðsíða 104

17. ágúst 2013 LAUGARDAGUR| SPORT | 60
SPÁ TÓMASAR INGA
Tómas Ingi Tómasson: Stjarnan mun
vinna þennan leik nokkuð sannfærandi
en Framarar eiga ekki eftir að ráða
við Stjörnumenn varnarlega. Reynsla
ákveðinna leikmanna mun skipta
sköpum fyrir Garðbæinga.
FÓTBOLTI Stærsti leikur ársins er
fram undan í íslenska boltanum og
fer hann fram á Laugardalsvelli
klukkan fjögur í dag. Þá mætast
Fram og Stjarnan í bikarúrslita-
leiknum um Borgunarbikarinn.
Stjarnan er í úrslitum annað
árið í röð en liðið tapaði fyrir KR
á síðasta ári. Framarar hafa aftur
á móti tapað fjórum bikarúrslita-
leikjum í röð og unnu síðast árið
1989 þegar Ríkharður Daðason,
þjálfari Framara, var leikmaður
liðsins.
Stjörnumenn hafa verið sterkari
í Pepsi-deildinni á þessu tímabili
en það spyr enginn að því þegar
í úrslitaleikinn er komið. Marg-
ir hallast að því að Garðbæingar
vinni sinn fyrsta titil í sögu karla-
liðsins. Tómas Ingi Tómasson,
aðstoðarþjálfari U-21 árs lands-
liðs Íslands, og Baldur Sigurðs-
son, leikmaður KR, eru báðir á því
að Stjörnumenn fari með sigur af
hólmi í dag.
„Það er einhvern veginn mín til-
finning að þetta verði Stjörnusig-
ur í ár,“ segir Baldur í samtali við
Fréttablaðið í gær.
„Framarar mæta afslappaðri til
leiks og byrja betur. Stjörnumenn
eiga eftir að vera nokkuð stress-
aðir og með leikinn frá því í fyrra í
huganum. Það mun taka þá tíma að
komast í takt við leikinn og þetta
verður algjör lykiltímapunktur.
Takist Frömurum að skora mark á
þessu augnabliki getur allt gerst,“
segir Baldur. KR-ingar hafa byrj-
að illa síðastliðin tvö ár en samt
sem áður farið með sigur af hólmi
í báðum úrslitaleikjunum.
Stressið kemur í þjóðsöngnum
„Það getur verið erfitt að fara inn
í svona leik sem sigurstranglegri
aðilinn og spennan fyrir leikn-
um getur í raun snúist upp í allt
of mikið stress. Það er ekkert mál
að stilla spennustigið í aðdraganda
leiksins en um leið og leikmenn
ganga út á grasið þá kemur höggið.
Menn ganga út á völlinn á rauðum
dregli og þjóðsöngurinn fer síðan
í gang þar sem menn horfa bara
á bikarinn beint fyrir framan sig
og full stúka. Þetta er tíminn sem
menn þurfa virkilega að búa sig
undir.“
„Númer eitt, tvö og þrjú held
ég að þetta verði bara rosalega
skemmtilegur leikur,“ segir Tómas
Ingi Tómasson.
„Þetta eru tvö mjög góð sókn-
arlið, þótt Stjarnan hafi verið að
bæta sig mikið varnarlega undan-
farið, og ég ætla að leyfa mér að
segja að þetta verði mjög opinn og
skemmtilegur leikur.“
Tómas Ingi vill meina að það
spili mikið inn í að Fram hafi áður
unnið titla en það hefur Stjörn-
unni aldrei tekist. Því mun hungrið
vera meira hjá öllum leikmönnum
Garðbæinga sem og öllum í kring-
um liðið.
„Núna er dauðafæri fyrir Stjörn-
una að brjóta ísinn og henda einum
bikar í safnið. Ef það gerist í ár tel
ég að Stjarnan verði óstöðvandi í
framtíðinni,“ segir Tómas.
Framarar hafa eins og áður
segir tapað fjórum bikarúrslita-
leikjum í röð og nú síðast gegn
Blikum árið 2009 eftir vítaspyrnu-
keppni.
„Framarar verða að vera þétt-
ir til baka og stefna síðan að því
að taka Stjörnuna á þeirra eigin
bragði með hröðum skyndisókn-
um. Er það kannski „allt er þegar
fimm er“ eins og skáldið sagði,
maður veit aldrei í boltanum,“
segir Tómas.
stefanp@frettabladid.is
Stjörnumenn í dauðafæri
Fram og Stjarnan eigast við í úrslitum Borgunarbikars karla í knattspyrnu í dag en leikurinn fer fram á Laugardalsvelli. Framarar hafa
tapað fj órum bikarúrslitaleikjum í röð en Stjarnan hefur aldrei unnið titil í meistarafl okki karla í knattspyrnu.
ÁTTA MÖRK Hólmbert er markahæstur
í Pepsi-deildinni. FRÉTTABLAÐIÐ/VALLI
FIMM MÖRK Garðar hefur skorað flest
mörk í bikarnum. FRÉTTABLAÐIÐ/VALLI
SPÁ BALDURS
Baldur Sigurðsson: Stjarnan á eftir að
vinna Borgunarbikarinn í ár eftir hádrama-
tískan leik sem endar í vítaspyrnu-
keppni. Þar verða Garðbæingar
sterkari andlega og vinna að
lokum sigur.
MARKAHÆSTUR Í DEILD MARKAHÆSTUR Í BIKAR
Einn stærsti leikur sumarsins!
BREIÐABLIK - KR
Blikar mæta snemma og hita upp með fjölskylduskemmtun frá kl.17.00 í Smáranum
Miðasala á miði.is og í afgreiðslu Kópavogsvallar á leikdegi.
Kópavogsvelli sunnudaginn 18.ágúst kl 19.15
Blikar fylla nýju stúkuna og KR ingar eru velkomnir í gömlu stúkuna.
-sértilboð á mat og drykk
-andlitsmálun
-Fjölskyldutilboð á miða á leikinn og mat
-5. flokkar karla og kvenna hylltir í leikhléi
-tónlist og óvæntar uppákomur
-Ólafur Kristjánsson þjálfari mætir kl.18.30

Heppnir áhorfendur fá áritaða fótbolta, markmannshanska eða treyjur.
DALURINN MÁLAÐUR - ALLIR Á VÖLLINN!GRÆNN!