Fréttablaðið - 01.10.2013, Blaðsíða 2

1. október 2013 ÞRIÐJUDAGUR| FRÉTTIR | 2
Magnea, þýðir eitthvað að
kenna fólki að þýða?
„Það þýðir ekki annað en að reyna
því án þýðenda væri tilveran alveg
þýðingarlaus.“
Magnea J. Matthíasdóttir þýðandi er for-
maður Bandalags þýðenda og túlka sem stóð
fyrir dagskrá í Háskóla Íslands í gær. Þar var
meðal annars reynt að svara þeirri spurningu
hvort hægt sé að kenna þýðingar.
SKÓLAMÁL Lengra verður ekki kom-
ist í niðurskurði til Mennta skólans í
Reykjavík (MR) að sögn formanns
skólanefndar skólans. MR fær lægst
framlög allra framhaldsskóla á
fjárlögum þessa árs þegar litið er
á framlög á hvern nemanda, alls
599.000 krónur.
Það er hækkun frá árinu 2012, en
inni í tölunum fyrir 2013 eru fram-
lög, alls um 54
þúsund á nem-
anda, sem koma
þar inn í fyrsta
sinn og eru ætl-
aðir til viðhalds
bygginga.
Árin frá 2009
fram til 2012
lækkaði framlag
ríkisins á hvern
nemanda MR um 4,3% á meðan
langflestir framhaldsskólar fengu
hækkun á framlögum, um 5% að
miðgildi. Nýtt fjárlagafrumvarp
verður kynnt síðdegis og þá kemur
í ljós hvernig málum verður komið
fyrir næsta ár.
Magnús Gottfreðsson, formaður
Foreldrafélags MR, segir að foreldr-
ar furði sig á ástandinu. Í skólanum
fari fram dýr kennsla, til dæmis í
raungreinum, sem ætti að leiða til
aukinna framlaga. Þá hafi forn-
máladeild skólans sérstöðu sem sú
eina á landinu þótt hún sé mögulega
ekki rekstrarlega hagkvæm. „Það er
greinilega ekki tekið tillit til þess-
ara þátta heldur þvert á móti saum-
að enn frekar að skólanum án þess
að það liggi fyrir sannfærandi mál-
efnalegar skýringar á því.“
Borgar Þór Einarsson, formaður
skólanefndar MR, segir mismun-
un felast í því að skólinn fái lægri
framlög en aðrir skólar. „Mér finnst
stjórnendur skólans hafa unnið
þrekvirki í að viðhalda þeim gæðum
sem einkennt hafa skólastarfið, en
það verður ekki gengið lengra í
þessu og það er lágmarkskrafa að
Menntaskólinn í Reykjavík og nem-
endur hans sitji við sama borð og
aðrir.“
Borgar segir skólanefndina hafa
kynnt stjórnvöldum stöðuna og
vonast eftir úrbótum. „Því verður
með engum rökum haldið fram að
þeim fjármunum sem ríkið setur í
MR sé verr varið en þeim fjármun-
um sem nýttir eru til að mennta
aðra framhaldsskólanema.“
Yngvi Pétursson, rektor MR,
segir í samtali við Fréttablaðið að
núverandi staða skólans sé afleit.
„Þær hagræðingaraðgerðir sem
við höfum þurft að grípa til hafa
bitnað á allri starfsemi skólans. Við
höfum reynt að verja kennsluna eins
og hægt er, þannig að þetta hefur
fyrst og fremst bitnað á þjónust-
unni. Til dæmis er nú orðið mjög
erfitt að veita stoðþjónustuna fyrir
nemendur sem eiga við námsörðug-
leika að stríða.“ thorgils@frettabladid.is
MR-ingar segja ekki
hægt að skera meira
Formenn foreldrafélags og skólanefndar Menntaskólans í Reykjavík deila á að
framlög til skólans hafi lækkað síðustu ár. Rektor segir að hagræðing komi niður á
starfi skólans. Fjárlagafrumvarp fyrir 2014 verður kynnt á Alþingi í dag.
Menntaskólinn í Reykjavík fær lægsta fjárframlag allra framhaldsskóla þegar litið er til
upphæðar á hvern nemanda. Framhaldsskólinn á Laugum fær hæst framlag.
Fjárframlög á nemanda (þús. kr.): 2009 2012 2013
Menntaskólinn í Reykjavík 576 551 545*
Verzlunarskóli Íslands 623 638 660
Menntaskólinn á Akureyri 670 690 713
Verkmenntaskóli Austurlands 1.134 1.293 1.322
Framhaldsskólinn á Laugum 1.236 1.484 1.574
*Heildarframlag til MR árið 2013 nam 599.000 á hvern nemanda, en það ár kemur
inn framlag vegna húsnæðiskostnaðar, sem nemur 54.000 krónum á nemanda.
Sílækkandi framlög til MR
EKKI VERÐI SKORIÐ MEIRA NIÐUR Formenn foreldrafélags og skólanefndar MR,
ásamt rektor, deila á niðurskurð í framlögum til skólans. FRÉTTABLAÐIÐ/STEFÁN
BORGAR ÞÓR
EINARSSON
ALÞINGI Ragnheiður Elín Árnadóttir, iðnaðar-
og viðskiptaráðherra, segir það skýran vilja
allra hlutaðeigandi að álver Norðuráls í
Helguvík taki sem fyrst til starfa.
Þetta kemur fram í svari ráðherra við
fyrir spurn Oddnýjar G. Harðardóttur
alþingismanns um álversframkvæmdir í
Helguvík.
Þar segir að iðnaðarráðherra hafi á
undan förnum mánuðum fundað með flest-
um þeim aðilum sem tengjast verkefninu,
þar á meðal fulltrúum orkufyrirtækjanna,
og að ráðherra ætli að beita sér fyrir fram-
gangi verkefnisins.
„Frá því að núverandi ríkisstjórn tók við
hefur iðnaðarráðherra lýst mjög skýrt yfir
stuðningi við byggingu álvers í Helguvík og
hafa stjórnarflokkarnir talað einni röddu í
því máli. Er þar um grundvallarbreytingu
að ræða frá því sem var í tíð fyrri ríkis-
stjórnar,“ segir í svari ráðherra.
Ragnheiður segir Century Aluminum,
móðurfélag Norðuráls, stefna ótrautt að
byggingu álversins.
„Ríkisstjórnin mun styðja við þau áform
af heilum hug og gera allt sem í hennar
valdi stendur til að verkefnið geti orðið að
veruleika,“ segir iðnaðarráðherra. - hg
Iðnaðarráðherra segir Century Aluminum, móðurfélag Norðuráls, stefna ótrautt að byggingu álvers:
Segir mikinn stuðning við álver í Helguvík
HELGUVÍK Century Aluminum, móðurfélag Norðuráls,
stefnir enn að byggingu álvers í Helguvík.
DÓMSMÁL Tuttugu og fjögurra ára gamall karl-
maður var dæmdur í eins og hálfs árs óskilorðs-
bundið fangelsi fyrir líkamsárás í Héraðsdómi
Reykjavíkur í gær. Maðurinn var sakfelldur fyrir
að ráðast á annan mann í umferðinni nærri Olís í
Norðlingaholti með þeim afleiðingum að sá féll í
götuna og missti meðvitund.
Mennirnir voru að aka frá bifreiðastæði við Olís
með fyrirhugaða akstursstefnu austur Norðlinga-
braut þegar brotaþoli flautaði „létt“ á hann eins og
hann lýsti fyrir dómi. Úr varð að sá dæmdi fór út
úr bílnum, þar sem fyrir voru kærasta hans og lítið
barn, gekk að bifreið mannsins og fór að ýta eða
pota í hann í gegnum rúðuna.
Fórnarlambið fór þá út úr bílnum og rifust þeir
nokkuð áður en árásarmaðurinn sló síma úr höndum
hans og gekk í burtu. Elti brotaþolinn hann þá að
bílnum og sló þar í spegil bifreiðarinnar. Vitni lýsa
því að þá hafi einhver átök átt sér stað, sem enduðu
með því að brotaþolinn féll í götuna og rotaðist. Við
það flýði hinn dæmdi og hringdi sjálfur á lögreglu
skammt frá.
Í niðurstöðu dómsins segir svo: „Má telja mildi að
ekki hafi verr farið, en brotaþoli féll á hnakka í mal-
bikið og rotaðist. Í stað þess að huga að brotaþola og
tryggja öndun hjá honum fór ákærði þegar á brott
og yfirgaf brotaþola. Var framferði ákærða þennan
dag í alla staði ámælisvert.“ - vg
Maður dæmdur í fangelsi eftir að hafa ráðist á karlmann í umferðinni:
Þeytti bílflautu og var rotaður
OLÍS Árásin átti sér stað skammt frá bensínstöðinni.
FRÉTTABLAÐIÐ/GVA
SAMFÉLAGSMÁL Fyrsta Bleika slaufan, tákn Krabbameinsfélagsins í
baráttunni gegn krabbameini í konum, var afhent í gær í bleika her-
berginu í Hörpu. Kristján Þór Júlíusson heilbrigðisráðherra afhenti
slaufuna sem í ár er hönnuð og smíðuð af ORR. En slaufan er ekki það
eina sem Krabbameinsfélagið stendur fyrir í október.
„Þetta er í fjórtánda sinn sem herferðin er sett í gang,“ segir
Sandra Sif Morthens, markaðsstjóri Krabbameinsfélagsins. „Okkur
langaði að hafa nýjan vinkil á herferðinni í ár. Fagna lífinu og þeim
sigrum sem hafa náðst.“ Því er nú staðið fyrir bleiku uppboði í bleika
herberginu inni á vefsíðu átaksins. Fyrst verður endurkoma Tvíhöfð-
atvíeykisins, Jóns Gnarr og Sigurjóns Kjartanssonar, boðin upp þann
2. október og í kjölfarið hinir ýmsu hlutir og málefni. „Þetta er hvert
öðru skemmtilegra,“ segir Sandra. - nej
Árveknisátakið Bleika slaufan með stærra sniði í ár en áður:
Bjóða upp endurkomu Tvíhöfða
FRAMTÍÐARFÓLKIÐ „Heilbrigðisráðherra nældi fyrstu slaufuna í fulltrúa nemenda
úr heilbrigðisvísindum frá HÍ, HR og HA,“ segir Sandra Sif Morthens, markaðsstjóri
Krabbameinsfélagsins. „Þau eru framtíðin.“ FRÉTTABLAÐIÐ/DANÍEL
DÓMSMÁL Rúmlega fimmtugur
karlmaður, Helgi Már Barðason,
var dæmdur í tveggja og hálfs árs
fangelsi fyrir kynferðisbrot gegn
þremur drengjum í Héraðsdómi
Norðurlands eystri í síðustu viku.
Helgi Már var meðal annars
dæmdur fyrir að hafa haft uppi
kynferðislega tilburði og sært
blygðunarsemi drengjanna í
gegnum netið. Þá mælti hann sér
mót með einum af drengjunum
og braut alvarlega á honum með
þeim afleiðingum að hann hefur
átt erfitt uppdráttar síðan. - vg
Dæmdur fyrir kynferðisbrot:
Tvö og hálft ár
fyrir barnaníð
HJÁLPARSTARF „Við viljum vekja
athygli á ástandinu sem ríkir
innan Sýrlands og hjá flótta-
mönnum þar,“ segir Sólveig Ólafs-
dóttir, upplýsingafulltrúi Rauða
krossins. Nú stendur yfir söfnun
fyrir Sýrland, þar sem talið er að
yfir fjórar milljónir séu á flótta.
Á vef og Facebook-síðu Rauða
krossins má finna staðreyndir
um ástandið. „Við viljum fá fólk
til þess að sýna samstöðu með því
að birta myndir af sér á Facebook
og skrifa með hugleiðingar um
ástandið.“ - nej
Söfnunarátak fyrir Sýrland:
Fjórar milljónir
manna á flótta
SPURNING DAGSINS