Fréttablaðið - 01.10.2013, Page 28

1. október 2013 ÞRIÐJUDAGUR| MENNING | 20
TÓNLIST: ★★★★ ★
Fyrstu tónleikar Kammer-
músík klúbbsins í vetur.
Verk eftir de Arriaga, Beethoven og
Brahms. Sigrún Eðvaldsdóttir, Zbigniew
Dubik, Ásdís Valdimarsdóttir og Bryndís
Halla Gylfadóttir léku.
Juan Cristostomo de Arriaga hét
maður. Tónlist eftir hann var á
dagskrá Kammermúsíkklúbbs-
ins á sunnudagskvöldið. Ég býst
ekki við að margir tónleikagesta
hafi vitað hver hann var. Samt var
hann undrabarn, sem samdi á tán-
ingsaldri þrjá glæsilega strengja-
kvartetta. En hann dó aðeins nítján
ára gamall (árið 1826), sennilega úr
berklum. Ef hann hefði lifað hefði
hann líklega orðið eitt af stóru tón-
skáldum sögunnar.
Fjórir hljóðfæraleikarar hófu tón-
leikana með því að flytja strengja-
kvartett nr. 2 eftir tónskáldið. Þetta
voru þau Sigrún Eðvaldsdóttir
og Zbigniew Dubik fiðluleikarar,
Ásdís Valdimarsdóttir víólu leikari
og Bryndís Halla Gylfadóttir á
selló. Tónlistin var létt og leikandi,
en ekki frumleg nema upphafið á
hæga kaflanum, sem vísaði fallega
í spænska þjóðlagatónlist.
Hljóðfæraleikararnir voru í bana-
stuði, spiluð skýrt og af öryggi, sam-
hljómurinn var í prýðilegu jafn-
vægi, túlkunin lífleg. Engu að síður
er ég á þeirri skoðun að þetta verk
hefði ekki átt að vera á tónleikun-
um. Það var hreinn óþarfi. Ástæð-
an? Jú, strengjakvartett í a-moll op.
132 eftir Beethoven, sem var næst-
ur á dagskrá. Þessi volduga, marg-
slungna, ótrúlega hrífandi tónsmíð
er svo mikilfengleg að ekkert annað
hefði átt að vera á dagskránni fyrir
hlé. Kvartett Beethovens krefst ein-
beitingar, og það er best að flytja
hann þegar áheyrendur eru ferskir.
Spilamennskan var þó framúr-
skarandi. Samspilið var sérlega
nákvæmt, og túlkunin fyllilega í
anda verksins. Hún var full af átök-
um, en samt var þar auðfundin ein-
hver hástemmd hugarró, sem kom
við hjartað í manni. Beethoven átti
bara tvö ár eftir ólifuð þegar hann
samdi kvartettinn. Hann hafði
verið veikur um tíma, en náð heilsu
aftur. Hægi kaflinn ber yfirskrift-
ina „Heilagur þakkaróður til Guð-
dómsins frá manni sem hefur fengið
bata á ný… “ Kaflinn var svo fallega
leikinn af fjórmenningunum að ég
man varla eftir öðru eins á tónleik-
um Kammermúsíkklúbbsins. Það
var eitthvað alveg einstakt við flutn-
inginn, sem ómögulegt er að koma
orðum að hér.
Eftir hlé var á dagskránni
strengjakvartett nr. 1 í c-moll eftir
Brahms. Hann leið dálítið fyrir að
vera síðastur á tónleikum sem voru
óþarflega langir. En aftur var túlk-
unin sannfærandi, kraftmikil og
ástríðuþrungin. Tæknileg atriði
voru líka á hreinu, rétt eins og fyrir
hlé. Þetta var flott! Jónas Sen
NIÐURSTAÐA: Frábær flutningur en
tónleikarnir í heild voru óþarflega langir.
Minna hefði verið enn þá meira
KVARTETT
SIGRÚNAR
EÐVALDS-
DÓTTUR
„…túlkunin
sannfærandi,
kraftmikil og
ástríðuþrungin.
Tæknileg atriði
voru líka á
hreinu… “ segir
Jónas Sen.
Listaverkið Ice Cliff eftir Guðlaugu Geirs-
dóttur keramiklistamann er eitt af 22
umhverfisverkum sem eru tilnefnd til
verðlauna á CERCO-listahátíðinni á Spáni
í ár. Sýning á verkunum stendur nú yfir í
Zaragoza. Guðlaug kveðst hafa sent rúm-
lega 30 cm háa tillögu eða „prótótýpu“ að
verkinu sínu út en fullunnið yrði verkið um
tveir metrar. „Í tillögunni er bara keramik
og gler en ef verkið yrði unnið í fullri stærð
þyrfti að setja það á grind,“ lýsir hún.
CERCO-listahátíðin er nú haldin í þrett-
ánda sinn. Hún er einn stærsti viðburður
Spánar á sviði keramiklistar og þetta er í
annað sinn sem Guðlaug kemst þar í úrslit
því hún var líka tilnefnd til verðlauna þar
í fyrra.
Til þessa hefur sýningin verið haldin
árlega en Guðlaug segir hana vera að
breytast í tvíæring með ákveðið þema
hverju sinni. Í þetta sinn var þemað
„keramik og umhverfi“. „Nú var líka í
fyrsta sinn talsvert um að hópar sendu inn
verk en það hentaði mér ekki þar sem ég
vinn ein,“ segir hún.
Guðlaug er Rangæingur, ólst upp að
Steinum undir Eyjafjöllum, en er fyrir
löngu flutt í bæinn. Hún útskrifaðist úr
mótunardeild Myndlistaskólans í Reykja-
vík árið 2010 og hafði þá lokið námi í hönn-
un við Tækniskólann. Auk sýninganna á
Spáni hefur hún haldið tvær einkasýning-
ar hér á landi, aðra hjá Handverki og hönn-
un á Skörinni og hina í Þjóðmenningar-
húsinu. Hún selur muni sína í Listasafni
Íslands, Þjóðmenningarhúsinu, Land-
námssetrinu í Borgarnesi og Borgarhóli
á Seyðis firði. - gun
Tilnefnd til alþjóðlegra verðlauna
Guðlaug Geirsdóttir listakona var tilnefnd til verðlauna á alþjóðlegu listahátíðinni CERCO, sem haldin var nýlega í Zaragoza á Spáni.
LISTAKONAN „Keramiklistin hefur þróast þannig hér á landi að
mikið af framleiðslunni fer fram erlendis,“ segir hún.
FRÉTTABLAÐIÐ/VALLI
ICE CLIFF Umhverfisverkið sem
Guðlaug sýnir í Zaragoza á Spáni.
MYND/ÁSA SIF ÁRNADÓTTIR
MENNING
KATLA FUND
Société d'Investissement à Capital Variable
14, boulevard Royal – L-2449 LUXEMBOURG
R.C.S. Luxembourg B 96.002
(hereafter referred to as the “SICAV“)
NOTICE TO SHAREHOLDERS
The Board of Directors decides to appoint, as from 1st October 2013, BLI-BANQUE DE LUXEMBOURG
INVESTMENTS S.A. (7, boulevard Prince Henri, L-1724 Luxembourg) as the Management Company of the SICAV,
in replacement of CONVENTUM ASSET MANAGEMENT (9, boulevard Prince Henri, L-1724 Luxembourg).
The intra-group change in management company shall not involve a fee increase for shareholders and no
transfer fee will be charged.
Furthermore the shareholders are informed that Arnór Gunnarsson has left STEFNIR ASSET MANAGEMENT
COMPANY HF and that the name of the persons in charge of the portfolio management of the SICAV’s sub-funds
with STEFNIR ASSET MANAGEMENT COMPANY HF are removed from the prospectus of the SICAV.
The updated prospectus is available free of charge at the registered office of the SICAV.
Luxembourg, 1st October 2013 The Board of Directors
Styrkt af
Stjórnandi: Sigurður Flosason
Gestur: Sigríður Thorlacius
Rekstrarvörur
- vinna með þér