Fréttablaðið - 29.10.2013, Blaðsíða 19

BÍLAR
Á
undanförnum árum hefur verið mikil um-
ræða um notkun nagladekkja, ekki síst í höf-
uðborginni. Sú mikla mengun sem af þeim
stafar og það tjón sem naglarnir valda á
gatnakerfi borgarinnar er þyrnir í augum
margra. Rætt hefur verið um bann á nagla-
dekkjum eða gjaldtöku hjá þeim sem áfram
kjósa notkun þeirra, en ekkert hefur gerst í þá áttina og
árin líða. Í sumum nágrannalöndum okkar er gjaldtak-
an orðin að veruleika og í Þýskalandi eru nagladekk ein-
faldlega bönnuð. Nagladekk eru ekki lögleg í höfuðborg-
inni fyrr en 1. nóvember, eða næsta föstudag.
Bíða nýrra umferðarlaga til mögulegrar gjaldtöku
Stærsti ákvörðunartakinn í þessu máli eru Reykjavíkur-
borg. Að sögn Gunnars Hersveins hjá Umhverfis- og
skipulagssviði Reykjavíkurborgar hefur borgin áhuga á
gjaldtöku fyrir notkun nagladekkja en það þarf að bíða
eftir að sú reglugerð verði leyfileg með nýjum umferðar-
lögum. Þessi umferðarlög eru ennþá í formi frumvarps
og ekki er vitað hvenær þau verða að lögum. Gunnar
sagði enn fremur að nagladekkjum hefði fækkað um
helming frá árinu 2001 og sé það vel. Loftgæðin hafa
verið fremur góð undanfarin ár vegna meiri úrkomu.
Svifryk hefur farið sjö sinnum yfir heilsuverndar-
mörk við Grensásveg á þessu ári, en í fyrra gerðist það
átta sinnum. Köfnunarefnisdíoxíð (NO2) hefur aldrei
farið yfir heilsuverndarmörk en fór einu sinni yfir þau
í fyrra. Sama á við um brennisteinsvetni (H2S), magn
þess hefur ekki farið yfir heilsuverndarmörk í ár, né
heldur í fyrra. Gunnar telur að engin ástæða sé fyrir
höfuðborgarbúa að vera á nagladekkjum, umhirða gatna
sé það viðunandi og önnur dekk séu heppilegri til að
ráða við erfiðar aðstæður, þá kannski helst harðkorna-
dekk.
Nagladekk enn þá best í glerhálku
FÍB hefur undir höndum niðurstöður nýrrar könnunar á
virkni mismunandi dekkja við ýmsar aðstæður. Runólfur
Ólafsson, formaður FÍB, segir að þar komi fram að í gler-
hálku séu negld dekk enn best og hemlunarvegalengd-
in styst. Slíkar aðstæður séu hins vegar afar sjaldgæfar
á höfuðborgarsvæðinu og því sé erfitt að rættlæta nagla-
dekk þar, en slík dekk gætu komið sér vel fyrir fólk sem
býr úti á landi eða fólk sem ferðast mikið út á land á vet-
urna. Góð vetrardekk, hvað þá harðkornadekk, séu meira
við hæfi fyrir borgarbúa. Runólfur bendir á að nöglum
hafi verið að fækka í negldum hjólbörðum og því slíti
þau götum minna. Í Svíþjóð gengu nýlega í gildi lög sem
banna fleiri nagla en 50 á hvern lengdarmetra hjólbarða.
Bílgreinasambandið á móti gjaldtöku
Özur Lárusson, framkvæmdastjóri Bílgreinasambands-
ins, segir aðspurður að sambandið sé andsnúið gjald-
töku fyrir notkun á nagladekkjum. Özur bendir á að
nagladekk séu enn öruggasti kosturinn í ísingu og hálku.
Stofnæðar séu saltaðar þokkalega vel hér í borginni
en sjaldnar sé saltað í úthverfum og enn sjaldnar inni
í íbúðargötum. Özur bendir á að það séu að sjálfsögðu
margir sem ekki þurfi nagladekk, því dugi heilsársdekk
fyrir marga, vetrardekk eða harðkornadekk. Það sé hins
vegar umdeilanlegt að sekta eða innheimta aukagjald af
fólki sem sannarlega þarf á nagladekkjum að halda til
þess að vera þokkalega öruggt um að komast heim og að
heiman. Margir fara líka út fyrir bæinn vegna vinnu eða
frístunda og er þá þörfin enn meiri á negldum dekkjum.
TIL HVERS NAGLADEKK Í HÖFUÐBORGINNI?
Reykjavíkurborg hefur hug á gjaldtöku fyrir notkun nagladekkja en þarf að bíða nýrra umferðarlaga svo hún sé lögmæt.
Marangoni Meteo HP
Yokohama W.drive V902
Sonar PF-2
Yokohama IG30
ÞRIÐJUDAGUR 29. OKTÓBER 2013