Fréttablaðið - 22.11.2013, Síða 43

KYNNING − AUGLÝSING Bandalag háskólamanna22. NÓVEMBER 2013 FÖSTUDAGUR 11
NEMAR GETA FENGIÐ AÐILD AÐ
FRÆÐAGARÐI
Nemaaðild að Fræðagarði gefur rétt til þátttöku í félagsstarfi
félagsins, m.a. fræðslu- og ráðstefnustarfi. Nemar geta komið málefnum
háskólanáms síns að hjá Fræðagarði og fengið þar umfjöllun. Félagið vill
huga að umhverfi háskólanáms og velferð nema á háskólastigi og eiga
reglulegt samtal við nemahópa.
Við viljum undirbúa þá nema sem að afloknu námi sækja út á
vinnumarkaðinn undir atvinnuviðtöl og framsetningu á launakröfum.
Enn fremur vill félagið efla símenntunartækifæri félagsmanna sinna og
eflingu þeirra í starfi.
ÓHÁÐ STARFSVETTVANGI
Félagsaðild í Fræðagarði er óháð starfsvettvangi, vinnuveitanda
eða ráðningarformi. Fræðagarður er í forsvari fyrir félagsmenn sína
við gerð kjarasamninga og gætir kjaralegra hagsmuna þeirra í hvívetna.
Félagið leggur áherslu á mikilvægi símenntunar og vill stuðla að jákvæðri
umræðu um þátt háskólamenntaðra starfsmanna í uppbyggingu sam-
félagsins. Enn fremur er félagið vettvangur fyrir umræðu um innihald og
framgang háskólamenntunar í landinu.
Á síðustu árum hefur Fræðagarður vaxið hratt og hvað hraðast
hefur vaxið sá hópur félagsmanna sem vinna á almennum vinnumarkaði.
Við teljum vaxtarmöguleika okkar vera áfram mikla þar, en til að atvinnu-
lífið í landinu komist vel á veg er nauðsynlegt að huga að nýsköpunar-
tækifærum háskólamenntaðra starfsmanna.
Fræðagarður
Borgartúni 6, 3. hæð.
105 Reykjavík
Sími 595-5165
fraedagardur@fraedagardur.is
Við erum Félag háskólamenntaðra. Félagið er ólíkt öllum öðrum fé-lögum sem eru undir hatti BHM þar
sem við erum með þverskurðinn af öllu há-
skólamenntuðu fólki,“ segir Bragi Skúlason,
sjúkrahúsprestur og formaður stéttarfélags-
ins Fræðagarðs. „Okkar félagsmenn geta
verið með nánast hvaða starfsheiti sem er og
starfa hjá ríki, sveitarfélögum og á almenn-
um vinnumarkaði,“ lýsir Bragi en Fræðagarð-
ur hefur vaxið mikið síðustu ár og er nú orðið
stærsta félagið innan BHM með hátt í 1.400
félagsmenn. Næst á dagskrá er að stofna fleiri
fagdeildir innan félagsins, en talmeinafræð-
ingar hafa þegar stofnað slíka deild.
Bragi segir félagsmenn Fræðagarðs vera
fólk sem hefur aflað sér fullrar menntunar
og starfsréttinda og kjósi að vera í félaginu
þar sem haldið sé utan um þversniðið af há-
skólafólki. „Svo er einnig eitthvað um að
fólk með BA- eða BS-gráður komi til okkar
meðan það aflar sér starfsréttinda sem rúm-
ast innan annarra aðildarfélaga og færir sig
síðan þangað þegar full réttindi eru fengin,“
segir Bragi.
Persónuleg þjónusta við félagsmenn
Fræðagarður leggur höfuðáherslu á að
veita persónulega þjónustu að sögn Braga.
„Það birtist í hlutum eins og vera með öfl-
uga þjónustuskrifstofu, vera með heimasíðu
með greinargóðum upplýsingum um kaup
og kjör og ekki síst í því að fólk geti hringt inn
ef það er með spurningar og komið í viðtöl ef
erfiðleikar koma upp,“ segir Bragi. Þá tryggi
Fræðagarður félagsmönnum sínum að-
gang að lögfræðiaðstoð ef fólk lendir í þann-
ig erfiðleikum að það sé eina lausnin. „Bæði
höfum við aðgang að lögfræðingi BHM auk
þess sem við erum með sérsamning við lög-
fræðing sjálf, til að mæta slíkum þörfum.“
Bragi segir umhverfi háskólamenntaðra
hafa breyst nokkuð eftir hrun. „Við sjáum
ýmis ný vandamál. Til dæmis er atvinnu-
leysi hjá háskólamenntuðum sem við sáum
aldrei áður. Við sjáum líka tölvuverðan hóp
sem fer einfaldlega úr landi því hann sér sig
ekki á vinnumarkaði hérna. Mér finnst mjög
áberandi að yngra fólk spáir meira í því að
fara til útlanda en var áður,“ segir Bragi og
telur aðgerða þörf.
Þörf á meiri umræðu um stöðu
háskólamenntunar
„Eitt af því sem gert var eftir hrun var að
hvetja fólk til að afla sér meiri menntun-
ar. Nú er margt af því fólki að útskrifast en
tækifærin hafa ekkert aukist,“ segir Bragi
og telur mikla þörf á umræðu um stöðu og
framtíð háskólamenntunar. „Við viljum
sjá fleiri tækifæri, meiri nýsköpun auk ein-
hverrar opinberrar stefnu sem beinist að
háskólamenntuðum,“ segir Bragi og bend-
ir á að flest af því sem hefur heitið atvinnu-
átak hafi beinst að allt öðrum stéttum en
þeim sem eru með háskólamenntun á bak
við sig.
„Við stöndum frammi fyrir því að ekk-
ert hefur gengið varðandi fyrirheit opin-
berra aðila um kynbundinn launamun.
Við hljótum því að gera þær kröfur að þess-
um málum verði sinnt,“ segir Bragi og telur
klárt að ræða verði um stöðu háskóla-
menntunar í landinu. „Það var allt of lítið
rætt um menntamál fyrir kosningarnar í
vor þrátt fyrir þá staðreynd að nauðsynlegt
er að huga að því hver sé framtíð mennt-
unar í landinu, tengslum á milli skólastiga,
breyttu starfsumhverfi háskólastétta og svo
mætti lengi telja.“
Háskólamenntaðir hafa setið eftir
Kjarasamningar eru lausir í vetur og því
barátta fram undan. „BHM hefur komið
inn í þá umræðu með öðrum aðilum
vinnumarkaðarins en enn er ekki alveg
ljóst hvert verður stefnt,“ segir Bragi.
Fræðagarður var með sérstaka könnun
innan félagsins. „Þar kom í ljós að mjög stór
hópur í okkar félagi vill sjá launahækkun
og varðveislu kaupmáttar en vill líka sjá
jafnrétti til launa,“ upplýsir Bragi. Jafn-
rétti til launa er þannig eitt af meginbar-
áttumálum Fræðagarðs.
Bragi segir háskólafólk ekki hafa farið vel
út úr þjóðarsáttinni síðustu og ríkið stóð
ekki við sinn hluta af stöðugleikasáttmálan-
um, þótt háskólafólk hafi staðið við sína hlið
á honum. „Til dæmis er enn fullur skattur
af flestöllu sem heitir greiðslur úr sjóðum,“
segir hann og telur að tryggja þurfi réttindi
mun betur en nú er gert. „Við höfum leit-
að til systurfélaga okkar í Skandinavíu og
séð að þar eru hlutir með allt öðrum hætti
og samningar unnir allt öðruvísi en hér.
Þar er samstarf í miklu fastari farvegi en
hefur tíðkast á íslenskum vinnumarkaði,“
segir Bragi. Hann segir vel mega gagnrýna
háskólasamfélagið fyrir að vera of þolin-
mótt og að það hafi ekki verið með mikl-
ar aðgerðir. „En það kemur að því að menn
brestur þolinmæðin ef ekkert er að gert.“
Háskólamenntun í forgrunni
Fræðagarður er stéttarfélag fólks sem lokið hefur að lágmarki BA eða BS prófi eða ígildi þess. Félagið hefur vaxið mikið
síðustu ár og er nú orðið stærsta félagið innan BHM.
Stjórn Fræðagarðs. Frá vinstri: Kalman le Sage Fontenay ritari, Birna Bjarnadóttir varaformaður, Ragnar Karl
Jóhannsson varamaður, Helga Björg Kolbeinsdóttir gjaldkeri, Bragi Skúlason formaður og Auður Sigrúnardóttir
meðstjórnandi. MYND/STEFÁN
Fræðslu- og ráðstefnusjóður
Fræðagarðs er verkefnasjóður
sem settur var á fót árið 2010.
„Hann er hugsaður til að styrkja
okkar fólk með fræðslu og ráð-
stefnum,“ segir Helga Kolbeins-
dóttir, gjaldkeri Fræðagarðs
og formaður Fræðslu- og ráð-
stefnusjóðsins. Forsvarsmenn
sjóðsins hafa unnið út frá könn-
un sem lögð var fyrir félags-
menn Fræðagarðs árið 2010. „Þar
voru þeir spurðir hvaða fræðsla
myndi höfða mest til þeirra,“
segir Helga en einnig hefur verið
tekið tillit til tillagna sem komu
fram í landsbyggðarátaki sem fé-
lagið réðst í á vormánuðum 2013.
„Þar töluðum við við félagsmenn
á landsbyggðinni og þeir komu
með ábendingar um þá fræðslu
sem þeir væru til í að sjá hjá
okkur,“ lýsir hún. Auk þess eru
tekin fyrir málefni sem brenna á
fólki á hverjum tíma.
Endurgjaldslaus aðgangur
„Sjóðurinn hefur staðið fyrir
fræðslu um málefni á borð við
lífeyrismál, sparnað, hvernig eigi
að óska eftir launahækkun og
hvernig bregðast megi við breyt-
ingum á vinnustöðum,“ segir
Helga en sjóðurinn hefur staðið
fyrir tveimur ráðstefnum, ann-
arri í samvinnu við háskólapró-
fessora. Báðar fjölluðu um gildi
háskólamenntunar frá ýmsum
sjónarhornum. „Í næstu viku
verður sjóðurinn með fræðslu
um lífeyrissjóði en í janúar
mun Ingrid Kuhlman vera með
vinnusmiðju um hvernig takast
eigi á við breytingar sem verði
á vinnustöðum,“ segir Helga og
telur það málefni eiga afar vel við
í samfélaginu í dag.
Aðgangur að allri fræðslu og
ráðstefnum sjóðsins hefur verið
endurgjaldslaus. „Enda viljum
við veg okkar félagsmanna sem
mestan,“ segir Helga.
Félagsmenn geta sótt um styrk
Á næsta ári, 2014, hrindir sjóð-
urinn af stað tilraunaverkefni.
„Um er að ræða styrktarleið
þar sem félagsmenn geta sótt
um styrk fyrir símenntun og
fræðslu á háskólastigi,“ útskýrir
Helga en þegar er búið að leggja
fjórar milljónir í þetta verk-
efni. „Okkur langar með þessu
að vita hvort þörf er fyrir slík-
an sjóð,“ segir Helga en engar
skorður eru settar um umsókn-
ir. „Þetta getur til dæmis verið
leið fyrir fólk að sækja um styrk
til fræðslu og náms sem teng-
ist ekki sérstaklega núver-
andi vinnu þess,“ segir Helga
og bendir á að þetta sé góð leið
fyrir einstaklinga að efla sig
hvort sem er í starfi eða lífi.
Fræðslusjóður Fræðagarðs
„Sjóðurinn hefur staðið fyrir fræðslu um málefni á borð við lífeyrismál, sparnað,
hvernig eigi að óska eftir launahækkun og hvernig bregðast megi við breytingum á
vinnustöðum,“ segir Helga. MYND/GVA
9