Fréttablaðið - 23.11.2013, Side 10

23. nóvember 2013 LAUGARDAGUR| FRÉTTIR | 10
VIÐSKIPTI Hagnaður Eimskips
dregst saman í nýbirtu árshluta-
uppgjöri. Á þriðja ársfjórðungi
hagnaðist félagið um rúmar fimm
milljónir evra, eða sem svarar um
834 milljónum íslenskra króna,
11,1 prósenti minna en á sama
tíma í fyrra.
Fyrstu níu mánuði ársins nam
hagnaður félagsins rúmum 9,6
milljónum evra (tæplega 1,6 millj-
örðum króna) en var fyrstu níu
mánuði 2012 13,7 milljónir evra
(tæplega 2,3 milljarðar króna).
Samdrátturinn er 29,7 prósent.
Í umfjöllun Greiningar Íslands-
banka er uppgjörið sagt í meðal-
lagi gott og fátt koma á óvart.
„Ánægjulegt er þó að sjá
EBITDA framlegð fjórðungsins
hækka frá sama tímabili í fyrra,“
segir þar en hækkun milli ára
nemur þar 5,2 prósentum.
„Tölur fyrir fyrstu níu mán-
uði ársins sýna þó að EBITDA og
EBIT framlegð er að lækka, bæði
í krónum talið og í hlutfalli af
tekjum.“ - óká
Eimskip skilar uppgjöri sem sagt er meðalgott og komi lítið á óvart:
Hagnaður minnkar á milli ára
STJÓRNMÁL Kosið verður um
hvort uppstillingarnefnd raðar
á lista Samfylkingarinnar fyrir
borgarstjórnarkosningarnar í
vor eða hvort haldið verður lokað
prófkjör, þar sem einungis þeir
sem eru flokksbundnir í Sam-
fylkingunni fá að taka þátt.
Tillögurnar verða lagðar fyrir
fulltrúaráðsfund á mánudags-
kvöldið og verður kosningin
skrifleg.
Kjartan Valgarðsson, formaður
stjórnar fulltrúaráðsins, er tals-
maður þess að uppstillingar nefnd
ákveði listann.
„Fólk er orðið þreytt á próf-
kjörum, það er ekkert nýtt við
þau og prófkjör sundra fremur
en sameina,“ segir Kjartan.
„Ég vil galopið prófkjör, þar
sem allir fá að að taka þátt. Það
myndi skila bestri niðurstöðu. Sú
leið er hins vegar ekki í boði svo
ég styð tillögu um að fara í lokað
prófkjör,“ segir Birgir Dýrfjörð
sem situr í stjórn fulltrúaráðsins.
Kjartan segir að eitt séu menn
sammála um og það er að Dagur
B. Eggertsson borgarfulltrúi leiði
listann.
Kjartan segir að ef sú leið
verði farin að raða á listann verði
kosin sjö manna valnefnd. Hlut-
verk hennar verði að hafa sam-
band við flokksfélaga og biðja þá
um að tilnefna fólk á lista. Að
því loknu verði skoðanakönnun
meðal félagsmanna á því hvernig
skipa eigi á listann.
Kjartan segir að gengið verði
frá endanlegum framboðslista 8.
febrúar á næsta ári.
- jme
Samfylkingin í Reykjavík ákveður á flokksráðsfundi á mánudagskvöld hvernig raðað verður á lista:
Kosið um lokað prófkjör eða uppstillingu
Níu mánaða uppgjör Eimskips
KJARTAN
VALGARÐSSON
BIRGIR
DÝRFJÖRÐ
NOREGUR Norska happdrættis-
eftirlitið skipar Youtube að
loka á öll auglýsingamyndbönd
erlendra veðmálafyrirtækja sem
ætluð eru norskum notendum.
Þetta kemur fram á vef Aften-
posten.
Auglýsingar veðmálafyrir-
tækja eru bannaðar í Noregi.
Myndböndin sem um ræðir hafa
beinst að Norðmönnum enda á
norsku. Forsvarsmenn Youtube
brugðust við og lokuðu fyrir
aðgang Norðmanna að efninu. - þj
Norska happrættiseftirlitið:
Youtube loki
á veðbankana
KÓPAVOGUR Bæjaryfirvöld í
Kópavogi skoða nú tillögu frá
Arnþóri Sigurðssyni um að
kanna möguleika á því að koma
upp barnaskíðalyftu við brekk-
una við Digraneskirkju.
Bæjarráð fól íþróttaráði
að kanna möguleika á barna-
skíðalyftu einhvers staðar í
bænum. Íþróttaráð fól þá sínum
starfsmönnum í samvinnu við
umhverfissvið að koma með til-
lögur í málinu. Kveðst íþrótta-
ráðið jafnframt fagna tilkomu
gönguskíðabrautar í Fossvogs-
dal. Brautin er samvinnuverk-
efni bæjarins og Skíðafélagsins
Ulls. - gar
Tillaga rædd í Kópavogi:
Skíðalyfta við
Digraneskirkju
DIGRANESKIRKJA Barnaskíðalyfta í
kirkjubrekkunni skoðuð. FRÉTTABLAÐIÐ/GVA
HAFNARFJÖRÐUR Bæjaryfirvöld í
Hafnarfirði ræða við Kvikmynda-
safn Íslands um nýjan samning
um afnot af Bæjarbíói.
„Áhersla er lögð á að sam-
hliða kvikmyndasýningum verði
húsið nýtt undir fjölbreytta við-
burði sem þó ógni ekki búnaði
eða verndargildi hússins,“ segir í
bókun menningarnefndar bæjar-
ins sem tekur undir ábendingu
sem er á vefnum Betri Hafnar-
fjörður um að starfsemi í húsinu
hafi ekki verið mikil. Bæjaryfir-
völd hugðust um tíma fela Gafl-
araleikhúsinu umsjón Bæjarbíós.
Kvikmyndasafnið sagðist þá ekki
eiga samleið með leikhúsrekstri.
- gar
Rætt við Kvikmyndasafnið:
Bæjarbíó nýtt
í fleiri viðburði
Skátahreyfingin hefur um árabil selt sígræn
eðaltré í hæsta gæðaflokki og prýða þau
þúsundir heimila og fyrirtækja.
Sígrænu jólatrén eru seld í Skátamiðstöðinni
Hraunbæ 123 í Reykjavík, s: 550 9800 og á
skátavefnum: www.skatar.is
Frábærir eiginleikar:
-eðaltré ár eftir ár!
Sígræna jólatréð
10 ára ábyrgð
12 stærðir (90-500 cm)
Stálfótur fylgir
Ekkert barr að ryksuga
Veldur ekki ofnæmi
Eldtraust
Þarf ekki að vökva
Íslenskar leiðbeiningar
Í SUNDAHÖFN Flutningsgeta Eimskips
er sögð hafa aukist um 7,7 prósent með
breytingum sem kynntar voru á siglinga-
áætlun félagsins í mars. FRÉTTABLAÐIÐ/GVA
Jan-sept. ‘13 Jan-sept. ‘12 Breyting
Hagnaður 9,6 m. evra 13,6 m. evra -29,7%
Rekstrarhagn. (EBITDA) 29,2 m. evra 29,9 m. evra -2,4%
Rekstrartekjur 326,9 m. evra 315,7 m. evra 3,6%
STJÓRNMÁL Ný rannsókn á íslensk-
um prófkjörum leiðir í ljós að þau
hafa ekki slæm áhrif á möguleika
kvenna og ungs fólks til að kom-
ast til áhrifa. Lengi hefur verið
deilt um ágæti prófkjara, en þetta
er í fyrsta sinn sem áhrif þeirra á
kosningar eru rannsökuð með jafn
ítarlegum hætti.
Íslenskir stjórnmálaflokkar hafa
notast við prófkjör í mun meiri
mæli en þekkist annars staðar og
gefa íslensk prófkjör því einstakt
tækifæri til að skoða áhrif próf-
kjara á útkomu kosninga. Gunn-
ar Helgi Kristinsson, stjórnmála-
fræðiprófessor við Háskóla
Íslands, og Indriði H. Indriðason,
dósent við Háskólann í Kaliforníu,
stóðu að rannsókninni og tóku þar
fyrir íslensk prófkjör frá upphafi.
Því hefur verið haldið fram
að prófkjör leiði síður til þess
að konur og ungt fólk komist til
áhrifa. Niðurstöður rannsóknar
Gunnars Helga og Indriða benda
hins vegar til þess að það sé rangt.
Konum gangi ekki verr en körlum
og nái jafnvel oftar markmiðum
sínum í baráttu um önnur sæti en
það efsta. Konur nái hins vegar
síður árangri við að ná fyrsta sæti
á lista heldur en karlar. Það hefur
þó ekki áhrif á heildarárangur
þeirra við að ná þingsætum.
Samanburður á ólíkum aðferð-
um við val á framboðslista sýnir
að prófkjör virðast frekar leiða
til þess að konur vinni þingsæti
heldur en aðrar aðferðir. Þau leiða
hins vegar síður til þess að konur
fái sæti sem fyrirfram er líklegt að
leiði til þingsætis.
Samkvæmt Gunnari Helga og
Indriða væri ein leið til þess að
túlka þá niðurstöðu að þegar flokk-
arnir velja sjálfir á framboðslista
sína með flokksvali eða uppstill-
ingarnefnd, eru konur síður lík-
legar til þess að fá sæti á lista
sem leiðir til þingsætis. Þær eru
hins vegar líklegri til að fá sæti
sem leiðir næstum því til þingsæt-
is, nema ef flokkur þeirra vinnur
óvæntan kosningasigur.
Sömu sögu er að segja um áhrif
prófkjara á möguleika ungs fólks
til áhrifa. Kjörnir fulltrúar eru að
jafnaði fimm árum yngri þar sem
haldin eru prófkjör samkvæmt
niður stöðum rannsóknarinnar.
Prófkjör virðast því opna mögu-
leika yngri frambjóðenda á að fá
aukinn stuðning. Ef til vill vegna
þess að auðveldara sé að fá þátt-
takendur í prófkjörum til þess að
svara ákalli um nýtt blóð, heldur
en þá sem stýra stjórnmálaflokk-
unum.
„Meginniðurstaðan sýnir ekki
fram á þau neikvæðu áhrif sem
hefur verið haldið fram. Stundum
eru áhrifin lítil eða engin, en allt
tal um að prófkjör leiði til skelfi-
legrar niðurstöðu stenst ekki skoð-
un,“ segir Gunnar Helgi.
Skýringanna á því að færri
konur hljóti þingsæti en karlar sé
því ekki að leita í prófkjörsaðferð-
inni. Frekar ætti að líta til þess að
konur hafa að jafnaði verið um 35
prósent þátttakenda í prófkjörum
síðastliðin tuttugu ár og til annarra
aðferða flokka við val á lista.
Prófkjör leiða konur og
ungt fólk frekar til áhrifa
Rannsókn á íslenskum prófkjörum hrekur fyrri kenningar um að konur og ungt fólk nái síður árangri. Konur
ná frekar þingsætum þar sem prófkjör eru haldin og kjörnir fulltrúar eru að jafnaði fimm árum yngri.
NÝIR ÞINGMENN Á ALÞINGI Frambjóðendur voru valdir á framboðslista síðasta vor með ólíkum aðferðum en jafngóðum
árangri. FRÉTTABLAÐIÐ/PJETUR
„Það sem er áhugavert er að það er ákaflega lítið vitað um það hvaða áhrif prófkjör hafa á kosn-
ingar, en Ísland hefur mestu reynslu allra af því að nota prófkjör. Ýmsu hefur verið haldið fram
varðandi áhrif prófkjara, bæði hér heima og alþjóðlega, en þetta hefur í raun lítið verið rannsakað.
Við notuðum bara gögnin og reynsluna á Íslandi til að skoða hvað stenst af því sem áður hefur verið
haldið fram,“ útskýrir Gunnar Helgi Kristinsson, stjórnmálafræðiprófessor. Rannsóknin sýndi fram
á að prófkjör hafa almennt jákvæð áhrif á þátttöku í stjórnmálum, „Stjórnmálaflokkar alls staðar
í heiminum eiga erfitt með að laða að sér fólk, en á Íslandi eru fleiri sem líta á sig sem meðlimi
stjórnmálaflokka og enginn vafi á því að prófkjörin leika stórt hlutverk í því. Í könnunum segjast
tæplega 30 prósent Íslendinga vera meðlimir í stjórnmálaflokki og 14 prósent segjast vera virkir
meðlimir, sem er miklu hærra en í öðrum löndum.“
Ísland með mestu reynsluna af prófkjörum