Fréttablaðið - 23.11.2013, Blaðsíða 100

23. nóvember 2013 LAUGARDAGUR| MENNING | 68
Það munaði minnstu að við kæmumst
saman á HM í Brasilíu. Við reyndum okkar
besta og þið sáuð til þess að við fengum
besta mögulega stuðning á vellinum!
Takk kærlega fyrir eljuna, dugnaðinn
og að trúa á okkur í hvívetna.
Þið eruð alveg frábær!
Sjáumst á undankeppni EM!
frábær!
Skákæði hefur brotist út í Noregi. Atli Steinn Guð-
mundsson er búsettur í Stavanger. Hann er sjálfur
enginn sérstakur skákáhugamaður og fylgist furðu
lostinn með atganginum.
„Ég var nú svo sem ekki kominn í heiminn sumarið
1972 en stemningin hérna er kannski ekkert ósvipuð
og þegar Bobby Fischer mætti Boris
Spasski í Laugardalnum. Þannig er
þetta að hellast yfir Noreg sem er
gríðarlega merkilegt því þjóð, sem
hefur algjöra maníu fyrir skíðum og
hjólreiðum, hellir sér núna skyndi-
lega yfir skák og liggur yfir þessu
einvígi.“ Skólahald hefur verið í upp-
námi og vinna legið niðri í Noregi
meðan skákirnar stóðu yfir. Atli
Steinn horfði á skákina á NRK á
fimmtudaginn og sagði þetta ekki hröðustu íþrótt sem
menn fylgist með. „Þannig að það er virkilega gaman
að sjá viðbrögð Norðmanna, sem ekki rjúka upp til
handa og fóta yfir nokkrum sköpuðum hlut, síst ein-
hverjum bólum sem koma skyndilega upp; taflborð
seljast upp og grimm eftirspurn er eftir skákborðum
sem eru sömu tegundar og Carlsen og Anand sitja yfir
á heimsmeistaramótinu. Maður sér nýja hlið á Norð-
mönnum sem gerist sjaldan.“
En að skákinni sem slíkri. Yfirburðir Carlsen í ein-
víginu voru óumdeilanlegir. Carlsen og Viswanathan
Anand gerðu jafntefli í fyrstu fjórum skákunum en svo
tóku leikar að æsast. Anand tapaði tveim skákum í röð
með því að gera mistök eftir að hafa haft örlítið verri
stöðu lengst af. Í næstu tveim skákum tefldi Carlsen
örugglega og niðurstaðan varð jafn tefli. Síðasta von
Anands um að komast aftur inn í einvígið var í níundu
skákinni þar sem Anand hafði hvítt. Eftir æsilegustu
skák einvígisins þar sem Carlsen var í fyrsta skipti í
hættu á að vera mátaður gerði Anand enn ein mistökin
og tapaði skákinni. Þar með var einvígið í raun búið og
eftir jafntefli í gær var nýr heimsmeistari krýndur.
Á blaðamannafundinum í gær óskaði Anand and-
stæðingi sínum til hamingju með sigurinn. Hann hefði
gerst sekur um slæm mistök í einvíginu og ekki haft
úthald í löngu skákirnar. Hann sagði Carlsen þó eiga
sitt að segja um mistökin sem hann gerði, Carlsen
hefði beitt hann mikilli pressu. Magnus Carlsen sagði
sinn stíl ganga út á að þrýsta á andstæðinginn og allir
gætu kiknað undir pressu. Líka heimsmeistarar í skák.
jakobbjarnar@frettabladid.is
Skákóðir Norðmenn
sýna á sér nýjar hliðar
Gríðarlegur fögnuður braust út í Noregi í gær þegar Magnus Carlsen tryggði
sér heimsmeistaratitilinn í skák. Norska þjóðin fylgdist spennt með einvíginu .
Hann sigraði Anand, fyrrverandi heimsmeistara, með talsverðum yfi rburðum.
VINSÆLL Í FÖÐURLANDINU Magnus Carlsen nýtur gífurle-
gra vinsælda í Noregi.
ATLI STEINN
GUÐMUNDSSON