Fréttablaðið - 28.11.2013, Side 30

„Ég fékk hugmyndina að þessari mynd
þegar ég var staddur á Íslandi sumarið
2011 í þrjá mánuði með konunni minni.
Við keyrðum um allt Ísland og ég var
svo heppinn að fá að fljúga yfir landið.
Þá hreifst ég svo mjög af útsýninu og úr
varð þessi mynd,“ segir landslagsljós-
myndarinn Marco Nescher sem sýnir
myndina The Colors of Iceland, sem
hann gerði ásamt félaga sínum, þyrlu-
flugmanninum Matthias Vogt, í Bíói
Paradís í kvöld og næstu daga.
Marco og Matthias eru
báðir frá Liechtenstein
Heimildarmynd þeirra félaga, The
Colors of Iceland, samanstendur af ljós-
myndum af náttúru Íslands sem teknar
voru úr lofti í ferð þeirra um landið sum-
arið 2012. „Ég sagði við Matthias að við
þyrftum hreinlega að framkvæma þessa
hugmynd því náttúrufegurðin á Íslandi
væri svo mikil og mig dreymdi um að
taka myndir af henni úr þyrlu. Þetta
byrjaði því sem draumur og hann hefur
nú ræst. Matthiasi þótti þetta brjáluð
hugmynd en samþykkti að lokum, sem
betur fer. Það er eins gott að ég er ekki
þyrluflugmaður sjálfur því þá hefðum
við eflaust ekki náð alla leið til Íslands,“
segir Marco og hlær, en alls flugu þeir í
um sextán klukkustundir alls yfir land-
inu og tóku myndir. „Svo höfum við hist
nokkrum sinnum síðasta eina og hálfa
árið til að fara yfir hlutina og fínpússa.
Úr varð þessi blanda af fallegum mynd-
um og fallegri tónlist,“ bætir Matthias
við.
Marco segir The Colors of Ice-
land hafa hlotið gríðarlega góðar við-
tökur þar sem hún hefur verið sýnd.
„Liechten stein er lítið land, með aðeins
um 35.000 íbúa, en samt komu 1.400
manns á sýninguna okkar þar. Í Þýska-
landi, þar sem við sýndum myndina á
stórri náttúruljósmyndaráðstefnu, stóðu
áhorfendur upp og klöppuðu að sýningu
lokinni,“ segir hann og vonast til að ein-
hverjir ferðamenn ákveði að ferðast til
Íslands eftir að hafa séð myndina. „Von-
andi koma bara ekki of margir.“
Matthiasi leist svo vel á Ísland í ævin-
týraferð hans og Marcos að hann ákvað
stuttu síðar að flytjast til landsins. Nú
stundar hann MA-nám í alþjóðaviðskipt-
um við Háskólann í Reykjavík og kann
vel við sig. „Mig langaði að flytja til ein-
hvers annars lands til að halda náminu
mínu áfram og hugsaði: hvers vegna
ekki til Íslands? Ég sé ekki eftir ákvörð-
uninni því hér er frábært að vera,“ segir
Matthias, sem býr í kjallaraherbergi í
Kópavogi. Aðspurður segist hann stund-
um vilja búa nær miðbænum í Reykja-
vík, en hann hafi þó flutt bílinn sinn
með sér til landsins. „Líklega er það
bara ágætt að hann búi ekki nær öllum
skemmtistöðunum,“ segir Marco félagi
hans. kjartan@frettabladid.is
TÍMAMÓT
28. nóvember 2013 FIMMTUDAGUR
Tilkynningar um merkis atburði, stórafmæli
og útfarir má senda á netfangið
timamot@365.is.
Auglýsingar á að senda á auglysingar@frettabladid.is
eða hringja í síma 512 5000.
Ástkær móðir mín, tengdamóðir, amma,
langamma og langalangamma,
KLARA VERMUNDSDÓTTIR
hjúkrunarheimilinu Skjóli,
andaðist fimmtudaginn 14. nóvember.
Jarðarförin hefur farið fram í kyrrþey að ósk hinnar látnu.
Starfsfólki Skjóls sendum við þakklæti okkar fyrir frábæra
umönnun.

Fyrir hönd aðstandenda,
Hafsteinn Ársæll Ársælsson
Innilegar þakkir til allra sem sýndu okkur
hlýhug og samúð við andlát og útför föður
okkar, tengdaföður, afa og langafa,
INGIMUNDAR ÁRNASONAR
frá Kópaskeri.
Sérstakar þakkir fær starfsfólkið á
hjúkrunarheimilinu Sunnuhlíð í Kópavogi
fyrir frábæra umönnun og einstaka hlýju.
Árni Ingimundarson Stefanía Björnsdóttir
Gunnlaugur Ingimundarson Rakel Guðný Pálsdóttir
Ari Ingimundarson Hildur Traustadóttir
Sigurveig Ingimundardóttir Stefán Friðgeirsson
Sólrún Ingimundardóttir Skúli Arnfinnsson
barnabörn og langafabörn.
Elskuleg móðir mín, stjúpmóðir,
tengdamóðir, amma og langamma,
GUÐBJÖRG MAGNÚSDÓTTIR
áður Dalbraut 27,
lést á hjúkrunarheimilinu Eir þriðjudaginn
26. nóvember. Útförin auglýst síðar.
Magnús Stefánsson Lilja Kristinsdóttir
Ólafía Ragnarsdóttir Björgvin Sigurðsson
barnabörn og barnabarnabörn.

Okkar kæri
AÐALSTEINN VALDIMARSSON
frá Hvallátrum í Breiðafirði,
Kirkjuvöllum 9, Hafnarfirði,
lést sunnudaginn 24. nóvember.
Guðfinna Vigfúsdóttir
Ásta Valdís Roth Aðalsteinsdóttir Andreas Rolf Roth
Snædís Gíslín Heiðarsdóttir Ragnar Ólafur Guðmundsson
Jens Valdimarsson
Ella Margret Roth
Ian Arthur Roth
fjölskylda og aðrir aðstandendur.
Hjartkær eiginmaður minn,
faðir, tengdafaðir og afi,
KRISTJÁN HANNESSON
Kaupangi, Eyjafjarðarsveit,
verður jarðsunginn í Kaupangi
30. nóvember kl. 13.30.
Olga Ágústsdóttir
Valgerður Kristjánsdóttir Karl Guðmundsson
Sigríður Kristjánsdóttir Lúðvík Elíasson
Helga Kristjánsdóttir
Hannes Kristjánsson Elva Ásgeirsdóttir
Ágúst Kristjánsson Sólveig Sveinsdóttir
Laufey Kristjánsdóttir
og barnabörn.
Sýna draum sinn
frá Íslandi sem rættist
Landslagsljósmyndarinn Marco Nescher og þyrlufl ugmaðurinn Matthias Vogt frá Liecht-
enstein sýna heimildarmynd sína um náttúru Íslands, The Colors of Iceland, í Bíói Paradís
í kvöld og næstu daga. Myndin samanstendur af ljósmyndum sem teknar voru á fl ugi.
LITIR ÍSLANDS
Marco Nascher
og Matthias Vogt
segjast hafa fengið
góðar viðtökur við
mynd sinni meðal
annars í föðurlandinu
Liechtenstein og í
Þýskalandi.
FRÉTTABLAÐIÐ/VILHELM
ÍSLAND
Hér má sjá
nokkrar af
þeim myndum
sem bregður
fyrir í The
Colors of
Iceland.
MYNDIR/MARCO
NESCHER
Vegna stærðar blaðsins á morgun, föstudag,
verður Fréttablaðið prentað í tvennu lagi.
Frestur til að skila inn dánarauglýsingum í
föstudagsblaðið færist því fram til kl. 13.30.