Fréttablaðið - 31.01.2014, Qupperneq 24

31. janúar 2014 FÖSTUDAGUR| FRÉTTIR FJÖLSKYLDAN | 24
Verkefnið Heilahristingur, heimanámsaðstoð fyrir börn, hefur verið starf-
rækt í fimm ár í þeirri mynd sem það er núna.
Kristín Vilhjálmsdóttir hefur stýrt verkefninu frá byrjun. „Fyrir utan
heimanámsaðstoðina þá lítum við á þetta sem menningaruppeldi, að
kenna börnunum að nota bókasafnið. Einnig er þetta gott fyrir félagsleg
tengsl, að koma og hitta vini og kynnast nýjum þvert á þjóðerni.“
Kristín tekur fram að aðstoðin sé ekki eingöngu fyrir börn af er-
lendum uppruna heldur alla nemendur sem þurfa á stuðningi að halda.
Stundum reynist þó erfitt að koma upplýsingum til nemenda.
„Best er þegar börnin koma með bekknum sínum, fá kynningu á verk-
efninu og skoða bókasafnið. Mörg börn hafa aldrei farið inn á bókasafn
en við höfum séð að þau sem koma nota bókasafnið í auknum mæli og
draga til dæmis fjölskylduna með sér um helgar.“
Verkefnið er samstarf Reykjavíkurdeildar Rauða krossins, Borgarbóka-
safnsins og nú nýlega kom skóla- og frístundasvið Reykjavíkurborgar inn
í verkefnið. Kristín vonar að það muni verða til þess að fleiri börn nýti
sér aðstoðina. „Það gengur hins vegar vel að fá sjálfboðaliða, hér erum
við með fólk á öllum aldri. Framhaldsskólanemendur sem eru frábærar
fyrirmyndir fyrir börnin, og eldra fólk sem er hætt að vinna og hefur
nægan tíma til að spjalla, hlusta og veita góð ráð.“
Börnin læra að njóta sín á bókasafninu
KRISTÍN VILHJÁLMSDÓTTIR
Haraldur Finnsson og Eva Rós Anh
Phuong Le eiga ekki sérlega margt
sameiginlegt en hittast þó einu sinni
í viku og eyða góðri stund saman.
Haraldur er sjálfboðaliði í verk-
efninu Heilahristingur og aðstoð-
ar börn af erlendum uppruna með
heimanámið. Eva Rós er í tíunda
bekk og hefur mætt í hverri viku
frá því að hún var sex ára. Þau segja
bæði að verkefnið sé gefandi og afar
mikilvægt.
„Ég flutti til Íslands þegar ég var
tveggja ára en náði ekki tökum á
tungumálinu fyrr en ég fór í skóla
og fékk aðstoð við heimanámið,“
segir Eva Rós. Hún segist enn eiga
erfitt með að skilja til dæmis þjóð-
sögur og löng, erfið orð. „Um dag-
inn kom í prófi dæmi um gamla,
íslenska tónlist og ég þekkti ekki
eitt einasta lag.“
Eva Rós segir foreldra sína ekki
geta aðstoðað sig við lærdóminn og
því fari hún í hverri viku og þiggi
aðstoð. „Sumir sjálfboðaliðarnir í
heimanáminu eru orðnir vinir mínir
og gott að spyrja þá um alls konar
hluti. Enda hitti ég ekki marga
Íslendinga, nema bara í skólanum.“
Haraldur segir sömu börnin koma
aftur og aftur og því skapist falleg-
ur vinskapur. „Það sem hvetur mig
mest í þessu starfi er hvað maður
sér miklar framfarir hjá einstak-
lingnum, hreinlega stökkbreyting-
ar. Framfarirnar eru ekki síst fólgn-
ar í því að börnin fá sjálfstraust og
þeim finnst þau ráða við námið. Mér
finnst verst að það komi ekki fleiri
krakkar, því það er víst að þörfin er
til staðar.“
Haraldur segir skólana og kenn-
ara í lykilhlutverki við að vísa börn-
unum í heimanámsaðstoðina. „Þessi
börn eru ekki endilega framfærin
og eru feimin við að koma. Það er
svo margt annað sem þau þurfa að
takast á við, að búa í nýju samfélagi
og læra tungumálið. Einnig eru
mismunandi aðstæður heima fyrir
og þá þarf skólinn að vera öflugur
að benda á þau úrræði sem eru til
staðar.“
Haraldur er gamall skólahundur,
eins og hann segir sjálfur, og starf-
aði sem skólastjóri í fjöldamörg ár.
Nú er hann hættur en þegar hann
sá kynningu hjá Rauða krossinum
á verkefninu kviknaði eitthvað í
honum.
„En maður þarf ekki að vera
kennari til að vera sjálfboðaliði.
Forsendurnar eru að kunna tungu-
málið og vera til staðar fyrir börn-
in. Fyrst og fremst er þetta ótrúlega
gefandi starf því maður finnur hvað
þetta skiptir miklu máli.“
erlabjorg@frettabladid.is
Góður heilahristingur sem
eflir sjálfstraust barnanna
Heilahristingur er verkefni þar sem sjálfboðaliði frá Reykjavíkurdeild Rauða krossins hittir börn af erlendum
uppruna á bókasafni og aðstoðar við heimalærdóminn. Haraldur hefur tekið þátt í tvö ár og segir framfarirnar
hjá börnunum ótrúlegar. Hann hvetur skóla og kennara til að vísa fleiri börnum á bókasafnið til að fá aðstoð.
HEIMANÁMSVINIR Haraldur Finnsson aðstoðar Evu Rós Anh Phuong Le við snúið stærðfræðidæmi á Kringlusafni.
FRÉTTABLAÐIÐ/VALGARÐUR
Það er efnið í skóskólunum sem
getur ráðið því hvort auðvelt
er að fóta sig í hálku en ekki
mynstrið. Þetta segja norskur
skósmiður og ráðgjafi í neytenda-
málum í viðtali við norska ríkis-
útvarpið. Bestu sólarnir eru þeir
sem eru að öllu eða mestu leyti úr
gúmmíi. Skósólar úr plasti koma
að litlu gagni í hálku þótt mynstr-
ið sé gróft.
Andreas Handeland, neytenda-
ráðgjafi hjá bílasamtökunum
NAF, segist ekki undrandi á því
að gúmmísólar hafi reynst bestir.
Hann segir þetta jafnframt vís-
bendingu um hvers konar dekk
menn eigi að velja undir bílana
sína. Skósmiðurinn, Asbjørn
Dagestad, segir að gott grip og
öryggi sé mikilvægt, bæði fyrir
bíla og menn. Hann bendir á að
þekktir dekkjaframleiðendur taki
þátt í þróun á skósólum. - ibs
Fótabúnaður skiptir máli:
Gúmmísólar
bestir í hálku
HÁLKA Skósólar úr plasti koma að litlu
gagni þótt mynstrið sé gróft.
FRÉTTABLAÐIÐ/STEFÁN
Félagið Faðir í Danmörku vill
að karlar fái lagalegan rétt til
að vita af því að þeir eigi von á
barni. Talsmaður félagsins, Jesp-
er Lohse, segir að allt of algengt
sé að börn fái fyrst vitnesku um
hver blóðfaðirinn er þegar þau
eru orðin fjögurra, átta eða sex-
tán ára.
Samkvæmt könnun sem félagið
gerði meðal 750 foreldra, en
af þeim voru 75 prósent feður,
fannst næstum öllum feðrum að
um mismunun væri að ræða hjá
hinu opinbera.
Danski þjóðarflokkurinn er
eini stjórnmálaflokkurinn sem
styður tillögu félagsins, að því
er segir í frétt Kristilega Dag-
blaðsins.
- ibs
Samtök danskra feðra:
Fái að vita fljótt
um þungun
Eftir að hafa lesið um einkaþjálfun
þriggja einstaklinga, sem voru of
þungir og ekki í góðu formi, fóru
lesendurnir sjálfir að stunda lík-
amsrækt. Þetta eru niðurstöður
könnunar á vegum Háskólans í
Stavanger og Stavanger Aftenblad.
Í greinaflokki blaðsins gátu 180
þúsund lesendur fylgst með fram-
förum viðmælendanna þriggja.
Fyrrverandi landsliðsþjálfari í
frjálsum íþróttum, Leif Inge Tjelta,
bjó til vikulegt æfingaprógramm
sem birt var á hverjum föstudegi
í blaðinu og á netinu. Markmiðið
var að þátttakendur kæmust í svo
gott form að þeir gætu hlaupið hálf-
maraþon eftir 14 vikur.
Efnið fékk mikla umfjöllun í
blaðinu og á netinu og var vel fylgst
með árangri þátttakendanna.
Lesendum var þrisvar sinnum
boðið að taka þátt í æfingunum
og þáðu 150 boðið. Jafnframt var
sex sinnum boðið upp á spjall við
lesendur um líkamsrækt og mat-
aræði.
Lesendur sem þáðu boðið um að
taka þátt í æfingunum stofnuðu
eigin hlaupaklúbb. Ári eftir að
verkefninu lauk hittust enn 30 til
60 manns, þar af 70 prósent konur,
á aldrinum 15 til 73 ára tvisvar í
viku til þess að hlaupa saman.
Alls tóku 90 manns þátt í þessum
æfingum.
-ibs
Niðurstöður könnunar háskóla og dagblaðs í Noregi um áhrif umfjöllunar um líkamsrækt:
Stofnuðu hlaupaklúbb eftir lestur um hlaup
Mýs sem fá títuber ásamt feitu
fæði fitna ekki. Blóðsykurs- og
kólesterólgildi verða einnig góð.
Þetta eru niðurstöður rannsóknar
sænsks sameindalíffræðings við
Háskólann í Lundi á músategund
sem fitnar auðveldlega.
Sumar músanna fengu fitulítið
fæði en aðrar fæðu sem mikil fita
var í. Músunum var síðan skipt í
nokkra hópa sem fengu mismun-
andi tegundir berja með matnum.
Þegar hóparnir voru bornir
saman við samanburðarhóp sem
fékk engin ber eftir þrjá mánuði
kom í ljós að títuber höfðu haft
bestu áhrifin.
- ibs
Rannsókn á áhrifum berja:
Títuber vinna
gegn fitu músa
HLAUPARAR Umfjöllun í dagblaði og
á netinu um æfingar þriggja einstak-
linga varð til þess að lesendur stofnuðu
hlaupaklúbb.
ÞUNGUÐ F eður í Danmörku segjast
verða fyrir mismunun. NORDICPHOTOS/GETTY
NORDICPHOTOS/GETTY