Fréttablaðið - 31.01.2014, Blaðsíða 72

31. janúar 2014 FÖSTUDAGUR| MENNING | 44
„Þetta er svona gamandrama –
eins og Ragnar Bragason er svo
flinkur í. Hann býr til stórar pers-
ónur sem allar bera sinn harm en
þær og kringumstæðurnar geta
orðið spaugilegar,“ segir Kristín
Þóra Haraldsdóttir leikkona þegar
forvitnast er um leikritið Óska-
steina sem frumsýnt verður í
Borgarleikhúsinu í kvöld. Sjálf fer
hún með stórt hlutverk og er þar
kona eigi einsömul. „Karakterinn
minn er kasóléttur en er ekki alveg
að horfast í augu við það,“ segir
hún og upplýsir að hlutverkin séu
öll stór – fá en stór.
Sagan snýst um fámennan hóp
fólks sem hefur villst af leið á mis-
munandi hátt, að sögn Kristínar
Þóru. Hann fremur bankarán í
þorpi úti á landi og að því þorpi
liggur bara einn vegur. „Allt planið
fer úr skorðum, ógæfufólkið flýr
inn í leikskóla, tekur þar gísl til
fanga og ýmislegt afhjúpast sem
ég ætla ekki að upplýsa,“ segir hún
og skapar eftirvæntingu.
Sérstakt æfingaferli
Spurð hvort höfundurinn hafi verið
með fullmótaðar hugmyndir þegar
æfingar hófust lýsir Kristín Þóra
sköpunarferlinu, sem hún segir
hafa verið sérlega lærdómsríkt.
„Ragnar lagði til grunnhugmynd-
ina að söguþræðinum. Hann hitti
okkur leikarana hvern í sínu lagi
fyrir hálfu ári og fékk okkur það
verkefni að byggja upp baksögu
persónunnar sem okkur var ætlað
að leika, finna út hver hún væri
og hvaðan hún væri að koma. Svo
hittumst við öll og þá kynnti hann
fyrir okkur ákveðnar kringum-
stæður og atburðarás, við spunn-
um kringum þær hugmyndir, hann
tók atriðin upp á vídeó, fór með
þau heim og vann úr þeim. Ég hef
aldrei tekið þátt í svona ferli áður
en hefur alltaf langað það. Kvik-
myndaleikstjórinn Mike Leigh
vinnur svona og mér finnst alltaf
svo flottir karakterar hjá honum.
Svona voru Vaktarseríurnar líka
unnar, það var náttúrulega Ragnar
Braga sem stjórnaði þeim,“ segir
Kristín Þóra og telur sig lánsama
að fá að taka þátt í þessu verkefni.
Tók U-beygju
Þó við Kristín Þóra sitjum að
spjalli með okkar kaffikrúsir í
anddyri Borgarleikhússins vil ég
endilega vita eitthvað um hana
utan leikhúss, svo sem uppruna og
einkamál og kemst að því að hún
er uppalin í Hlíðunum, dóttir Har-
aldar Sigurðssonar læknis og Guð-
leifar Helgadóttur hjúkrunarfræð-
ings. Innt eftir leikkonudraumum í
æsku svarar hún. „Sko, ég hugsaði
aldrei: „ég ætla að verða leikkona“
en fór mikið í leikhús og upplifði
alltaf eitthvað sérstakt. Svo tók ég
þátt í leiksýningum bæði í grunn-
skóla og menntaskóla en var ekk-
ert sérstaklega að sækjast eftir að
vera í fókus, langaði bara að vera
með. Á þessum tíma átti ég ekki
von á að leggja leiklist fyrir mig.“
Hún kveðst hafa verið tvö ár
í Menntaskólanum í Reykjavík,
á stærðfræðibraut og stundað
handbolta þar. „En svo tók ég U-
beygju, flutti mig í MH, fór á fullt
í leikfélagið og fannst það rosa
skemmtilegt. Í framhaldinu hætti
ég í íþróttum, sótti um í leiklistar-
skólanum, komst inn og svo hefur
eitt leitt af öðru.“
Eftir útskrift úr leiklistarskól-
anum 2007 lék Kristín Þóra með
Leikfélagi Akureyrar í eitt ár.
Magnús Geir var þá leikhússtjóri
þar. „Ég tók þátt í þremur sýning-
um fyrir norðan, Ökutímum, Fló á
skinni og Óvitum sem allar gengu
lengi og ég fékk dýrmæta sviðs-
reynslu. Svo kom ég hingað í Borg-
arleikhúsið og hef leikið í mörgum
sýningum hér en tvívegis tekið
fæðingarorlof á þessum tíma.“
Kynntist eiginmanninum tíu ára
Kristín Þóra og maður hennar,
Kári Allansson, organisti í
Háteigs kirkju, hafa þekkst frá
því þau voru tíu ára. „Við Kári
vorum par í tólf ára bekk. En svo
var ég að fara í ferðalag með fjöl-
skyldunni, hringdi í hann og sagði
honum að þetta samband mundi
ekki ganga, ég væri að fara svo
langt. Samt var þetta bara hálfs-
mánaðarferð til Hollands. Það er
mikið búið að gera grín að þessu,“
upplýsir hún hlæjandi. „Við tókum
svo upp samband seinna, bara á
skikkanlegum tíma, en vissum
alltaf hvort af öðru og vorum í
sama vinahópi. Nú erum við gift
og eigum tvö börn.“
➜ Sigríður Ósk
söng nýverið á
tónleikum með
Dame Emmu
Kirkby í Cadog-
an Hall í London
og þeim tónleik-
um var útvarpað
á Classical FM á
Englandi.
Þetta er svona gamandrama
Leikritið Óskasteinar eft ir Ragnar Bragason verður frumsýnt í Borgarleikhúsinu í kvöld undir stjórn höfundar. Það er átakaverk með
bankaráni, gíslatöku og dramatískum afh júpunum en gamanið er líka með í för. Kristín Þóra Haraldsdóttir er meðal leikenda.
Gunnþóra
Gunnarsdóttir
gun@frettabladid.is
Ég var að fara í
ferðalag með fjölskyld-
unni, hringdi í kærastann
og sagði honum að þetta
samband mundi ekki
ganga, ég væri að fara
svo langt.
VONLEYSI Kristín Þóra og Nanna Kristín Magnúsdóttir í hlutverkum sínum í Óskasteinum. „Karakterinn minn er kasóléttur en er ekki alveg að horfast í augu við það,“ segir Kristín Þóra. FRÉTTABLAÐIÐ/STEFÁN
„Allir söngflokkarnir koma inn á móður-
hlutverkið en verkin voru samt ekki valin
sérstaklega með það í huga,“ segir Sigríð-
ur Ósk Kristjánsdóttir mezzósópran sem
barnshafandi heldur einsöngstónleika í
Kaldalónssal Hörpu annað kvöld við und-
irleik Ástríðar Öldu Sigurðardóttur píanó-
leikara.
„Við erum með nýlega tónlist, til dæmis
þrjá undurfagra söngva sem Hjálmar
H. Ragnarsson samdi fyrir uppsetningu
Þjóðleikhússins á Pétri Gaut. Undanhald
samkvæmt áætlun er annað verk á dag-
skránni, það er djassaður söngvaflokk-
ur eftir Gunnar Reyni Sveinsson við ljóð
Steins Steinarrs og einnig frumflytjum
við á Íslandi verkið Adriana Songs eftir
finnska tónskáldið Kaija Saariaho sem er
eitt fremsta nútímatónskáldið í dag, enda
margverðlaunuð,“ lýsir Sigríður Ósk.
Tónleikarnir hefjast klukkan klukkan
21.30. Þeir eru liður í Myrkum músíkdög-
um og verður útvarpað beint hjá RÚV.
Þess má geta að Sigríður Ósk söng
nýverið á tónleikum með Dame Emmu
Kirkby í Cadogan Hall í London og þeim
tónleikum var útvarpað á Classical FM í
Englandi. - gun
Móðurhlutverkið kemur við sögu
Sigríður Ósk Kristjánsdóttir mezzósópran og píanóleikarinn Ástríður Alda
Sigurðardóttir halda tónleika í Kaldalóni í Hörpu annað kvöld, 1. febrúar.
SÖNGKONAN Sigríður Ósk gengur með sitt
fyrsta barn en lætur það ekki stoppa sig í
söngnum. FRÉTTABLAÐIÐ/STEFÁN
Óskar R. Harðarson
hdl. og löggiltur fasteignasali
Verð: 74,0 millj.
Seltjarnarnes - einbýlishús
Tjarnarstígur 1 7 0 Selstjarnarnes
Nánari upplýsingar veitir
Jórunn Skúladóttir, Sölufulltrúi
jorunn@miklaborg.is sími: 845 8958
• Glæsilegt einbýlishús
samtals að stærð 227,9 m²
• Fallega innréttað
• Eignarlóð
• Tvöfaldur bílskúr
MENNING