Fréttablaðið - 15.03.2014, Page 40

15. mars 2014 LAUGARDAGUR| HELGIN | 40
ESB-umræðan er ekki jafn óþægi-leg fyrir okkur og samstarfs-flokkinn. Þetta er umræða sem er í gangi og hún er hávær. En hún á eftir að ganga yfir og ég held að hún muni ekki hafa áhrif
á úrslit kosninganna. Ég held að menn
verði að horfa á það hvað þessi ríkisstjórn
er að gera sem er skuldaleiðrétting, afnám
verðtryggingar, hallalaus fjárlög og 2%
verðbólga. Mér finnst að það sé verið að
skamma núverandi ríkisstjórn fyrir það
sem gamla ríkisstjórnin, sem hóf þessar
viðræður við ESB, hefði átt að gera. Hún
hefði átt að spyrja þjóðina áður en lagt var
af stað. Þá stæðum við ekki uppi með þetta
vandamál í dag,“ segir Óskar.
Vantar húsnæði fyrir venjulegt fólk
Óskar segir að húsnæðisvandinn verði
meðal stærstu mála í komandi kosningum.
„Ég held að ástandið á húsnæðismarkaðn-
um sé tilkomið vegna þess að síðastliðin
sex ár hefur nánast ekkert verið byggt
af húsnæði í Reykjavík nema kannski í
Skuggahverfinu sem er ekki fyrir þennan
hefðbundna kaupendahóp. Við þurfum að
byggja meira af venjulegu húsnæði fyrir
venjulegt fólk. Við teljum að það sé best
að gera það þar sem við getum lagt fram
ódýrustu lóðirnar. Er ég þá að tala um
Úlfarsárdalinn sem núverandi meirihluti
er búinn að taka út úr aðalskipulagi því
hann vill leggja meiri áherslu á byggðina
nær miðborginni. Lóðaverð er hins vegar
talsvert hærra í miðborginni og það mun
hafa áhrif á fasteignaverð. Við teljum að
til þess að geta boðið venjulegu fólki upp
á venjulegt húsnæði þurfum við að gera
það líka í úthverfunum. Við þurfum líka
að taka tillit til kröfu þeirra um þéttingu
byggðar. Við sjáum það fyrir okkur að það
sé ekki í Vatnsmýrinni þar sem flugvöll-
urinn er. Við viljum að hann verði áfram
þar. En það eru þéttingarreitir á Lauga-
veginum sem eru tilbúnir, á Hafnarsvæð-
inu og svo á svæðinu frá Hlemmi austur
Laugaveginn, Suðurlandsbrautina og að
Skeifunni. Við teljum að Skeifan komi vel
til greina sem þéttingarsvæði í framtíð-
inni,“ segir Óskar.
Vill taka á hallarekstri
Óskar telur nauðsynlegt að taka til hend-
inni þegar kemur að rekstri borgarinnar
og segir mögulegt að ná fram hagræðingu
án þess að hækka gjöld á borgarbúa. „Ég
mun taka á [hallarekstrinum] með svip-
uðum hætti og ég gerði í hruninu 2008 til
2010. Þá var ég formaður borgarráðs og
við sáum fram á gríðarlega mikla erfið-
leika í fjármálum. Ekki bara hjá borginni
heldur hjá landsmönnum og hjá ríkinu.
Við gerðum þverpólitíska aðgerðaáætlun
þar sem allir flokkar komu að og gerðum
áætlun út kjörtímabilið. Það var áætlun
sem gerði ráð fyrir að engar gjaldskrár
yrðu hækkaðar. Útsvarið yrði ekki nýtt
í botn og grunnþjónustan yrði varin. Við
ákváðum að fara í verklegar framkvæmd-
ir og sem dæmi get ég nefnt Sleggjuna sem
er síðasti áfangi Hellisheiðarvirkjunar
sem var farið í eftir hrun. Við spöruðum
í innkaupum og starfsmenn borgarinn-
ar tóku fullan þátt í þessu með okkur og
stóðu sig frábærlega. Svo var ráðningar-
bann sem þýddi að það var bannað að ráða
í störf sem losnuðu nema að fara í gegnum
ákveðið starfatorg sem var starfrækt þá.
Þegar við skoðuðum útkomuna úr þessu
eftir eitt og hálft ár þá hafði fækkað um
þúsund starfsmenn hjá borginni. Við erum
að tala um kostnaðarlið sem er 3 til 6 millj-
arðar á ári bara í fækkun starfa. Ég er ekki
að segja að við myndum gera það nákvæm-
lega svona en í þessa veru myndi ég
fara inn í hagræðingu hjá borginni,“
segir Óskar.
Mikilvægt að taka
á húsnæðisvandanum
Óskar Bergsson, oddviti framsóknarmanna í Reykjavík, segir að húsnæðisvandinn verði meðal stærstu mála
í komandi borgarstjórnarkosningum. Hann vill Reykjavíkurflugvöll áfram í Vatnsmýrinni og taka á rekstrar-
vanda borgarinnar. Hann telur ekki að ESB-umræðan muni hafa áhrif á gengi flokksins í kosningunum.
Höskuldur
Kári Schram
hoskuldur.schram@365.is
Viðtalið við Óskar er hægt að
sjá í þættinum
Pólitíkin á visir.is.
visir.is
FYRSTA VERK SEM BORGARSTJÓRI:
Fyrsta mál á dagskrá væri að gera Reykjavík að
borg tækifæranna.
MÖGULEGT MEIRIHLUTASAMSTARF:
Ég byrjaði í pólitík í Reykjavíkurlistanum þegar
Sjálfstæðisflokkurinn var felldur 1994. Ég er búinn að
vinna með vinstri mönnum í borginni og hægri mönnum.
Framsóknarflokkurinn er miðjuflokkur. Þannig að ég
held að það verði málefnin sem ráði för og úrslit kosn-
inganna.
REYKJAVÍKURFLUGVÖLLUR:
Reykjavíkurflugvöllur er miðstöð innanlandsflugs á
Íslandi. Hann er lífæð höfuðborgarinnar og lands-
byggðar innar og það eru ótrúlega miklir möguleikar sem
felast í flugvellinum. Ég skil ekki alltaf af hverju menn
líta á flugvöllinn sem einhvern sérstakan óvin. Það eru
mörg hundruð störf í kringum völlinn og hann skapar
gríðarlega möguleika á mörgum sviðum.
1989 1990 1991 1992 1993 1994 1995 1996 1997 1998 1999 2000 2001 2002 2003 2004 2005 2006 2007 2008 2009 2010 2011 2012
STJÓRNMÁLAÞÁTTTAKA
MENNTUN OG FYRRI STÖRF
1989 Húsasmíðameistari
2006 Rekstrarfræðingur
frá Háskólanum í Reykjavík
1989-1993 Húsasmiður
og byggingarstjóri
1993-1995 Blaðamaður
1995-2002 Verkefnisstjóri hjá
byggingadeild borgarverkfræðings
2002-2006 Framkvæmdastjóri
Kaffi Nauthóls
1991 Í miðstjórn Framsóknarflokksins
1991-1992 Í stjórn félags ungra
framsóknarmanna í Reykjavík, FUF
1992-1995 Formaður FUF
1998-2002 Varaborgarfulltrúi 2006-2008 Varaborgarfulltrúi
2008 til 2010 Borgarfulltrúi
Framsóknarflokksins
FRÉTTABLAÐIÐ/PJETUR