Fréttablaðið - 15.03.2014, Qupperneq 42

FÓLK|HELGIN
FÓLK ER KYNNINGARBLAÐ
sem býður aug lýsendum að
kynna vörur og þjónustu í formi
viðtala og umfjallana ásamt hefðbundnum
auglýsingum. Blaðið fylgir Fréttablaðinu
daglega.
Útgefandi: 365 miðlar
Ábyrgðarmaður: Jón Laufdal
Hönnun: Silja Ástþórsdóttir
Sölumenn:
Bryndís Hauksdóttir,
bryndis@365.is, s. 512 5434
Sverrir Birgir Sverrisson,
sverrirbs@365.is, s. 512 5432
Kolbeinn Kolbeinsson,
kolli@365.is, s. 512-5447
Síðan ég var barn hef ég haft sterka andlega tengingu við New York. Það er eins
og mér hafi alltaf verið ætlað
að koma hingað; eins og ég hafi
þekkt borgina í fyrra lífi,“ segir
Rósa sem fór að venja komur
sínar til Stóra eplisins árið 1998
og hefur nú búið þar og starfað í
áratug.
„Það var meðvitað val að
byggja upp líf mitt og starfsframa
hér og þótt ég hafi vissulega
heimþrá á stundum ligg ég ekki og
kvelst vegna hennar. Ísland er og
verður alltaf heima í hjarta mér en
New York-borg er það líka.“
Rósa hefur í nógu að snúast og
kemur víða við í daglegu amstri.
„Á dæmigerðum degi er ég
mikið á ferðinni við að vinna að
hinum ýmsu verkefnum og hjálpa
öðrum af mætti. Það lætur mér
líða betur en nokkuð annað.“
Rósa segist kunna vel við sig í
nafla alheimsins. Hún heldur ekki
hópinn með öðrum Íslendingum
í New York en segir það þó ekki
viljandi gert.
„Hér hef ég eignast vini sem eru
mér eins og fjölskylda auk aragrúa
fólks sem mér þykir afar vænt um.
New York-búar eru yfirleitt opnir
og víðsýnir í daglegum samskipt-
um. Þeir hafa heyrt flest og kynnst
flestu sem eitt samfélag hefur að
geyma og upp á að bjóða. Eftir
hryðjuverkin 11. september 2001
breyttist samfélagsandinn í borg-
inni verulega og varð miklu meira
„til staðar“ og raunverulegri.“
ERILSAMT LÍF
Ýmislegt leynt og ljóst einkennir
líf Rósu um þessar mundir, eins
og samningur við stórt umboðs-
fyrirtæki.
„Ég vinn stöðugt að eigin
tónlist og í samstarfi við umboðs-
fyrirtæki. Undanfarið hef ég líka
unnið við endurútgáfu þekktrar
teiknimyndar með frægum leikur-
um og tónlistarfólki. Alan Silvestri
tónsetti myndina á sínum tíma
og er einn af mínum uppáhalds
kvikmyndatónsmiðum. Ég hoppa
líka af og til í auglýsingaleik eða
módelast og hef fengið tækifæri til
að kynnast kvikmyndaheiminum
og mörgum af stórstjörnum hans
sem ég hef alltaf borið virðingu
fyrir. Allt er þetta óskaplega
gaman og gefandi.“
Rósa starfar í gjörvöllum
skemmtanaiðnaðinum, fyrir fram-
an og aftan myndavélar, við kvik-
myndaframleiðslu, auglýsingagerð
og upptökur á eigin tónlist.
„Það er alltaf eitthvað spenn-
andi að malla í mínum pottum og
flest er nú skemmtilegt sem ég
fæst við í lífi mínu og starfi og ein-
staklega gefandi.“
Rósa kemur til Íslands í lok
marsmánaðar og fer þá á vinnu-
fund í bandaríska sendiráðinu.
„Erindið heim er vinnutengt
en ég mun vitaskuld hitta ástvini
og fjölskyldu þegar færi gefst.
Ég sakna alltaf fólksins og fjöl-
skyldunnar en held góðu sam-
bandi að utan. Svo sakna ég auð-
vitað hreina vatnsins, loftsins og
íslenskrar náttúru.“
SUNNUDAGAR TIL HJÁLPAR
Um helgina stendur mikið til hjá
Rósu.
„Ég þarf að mæta á tónlistar-
viðburðinn Big Indie Music
Series, vinna í kvikmyndaverk-
efni, sinna pappírsmálum gagn-
vart kerfinu, hitta hóp af konum,
fara með kynningu vegna for-
varna hvers kyns fíknivanda og
kaupa inniskó, svo eitthvað sé
nefnt,“ segir Rósa kát um ærin
plön helgarinnar.
„Það er annars rosalega mis-
jafnt hvernig ég eyði helgunum
verandi búsett í New York. Ég
nota þó alltaf sunnudagana til
að hitta fólk og hjálpa öðrum. Ég
hef unnið í því að vera allsgáð frá
öllum fíknum í meira en áratug
og vil vera til staðar fyrir aðra
sem leita til mín og þurfa leiðsögn
varðandi þennan alltof algenga
vanda.“ ■ thordis@365.is
LÍÐUR BEST AÐ HJÁLPA
HEIMSBORGARI Tónlistarkonan Rósa Guðmundsdóttir hefur lifað og starfað í New York undanfarinn
áratug. Hún ætlar að kaupa sér inniskó um helgina og er með ótal spennandi verkefni í pípunum.
FJÖLHÆF
Rósu er margt
til lista lagt.
Meðal annars
starfar hún að
eigin tónlist og
annarra, leikur
í auglýsingum,
starfar sem fyrir-
sæta og sinnir
mannúðarmál-
um í New York.
Spænskur ferðadagur verður
haldinn á Blómatorginu í Kringl-
unni í dag frá klukkan 11 til 17.
Ætlunin er að kynna Spán og það
sem landið hefur upp á að bjóða.
Ýmsir áhugaverðir ferðamögu-
leikar verða kynntir en einnig
verða í boði skemmtiatriði fyrir
alla fjölskylduna og eitthvað gott
fyrir bragðlaukana.
Á dagskránni verður ferða-
getraun þar sem veitt verða
verðlaun og boðið verður upp
á andlitsmálun og myndatöku
fyrir börnin, auk teiknimynda-
samkeppni. Trúðurinn Wally frá
Sirkus Ísland skemmtir, Þor-
valdur Már Guðmundsson leikur
spænska tónlist á gítar og Cocina
de La Rosa kynnir fyrir Íslending-
um spænska matargerðarlist.
Ferðamálaráð Spánar stendur
fyrir ferðadeginum. Auk þess að
kynna þá fjölbreyttu ferðamögu-
leika sem Spánn hefur upp á að
bjóða almennt verða eftirtalin
svæði kynnt sérstaklega: Anda-
lúsía, Benidorm, Galisía, Gran
Kanaría, Kanaríeyjar, Katalónía,
Madrid og Valencia, auk flug-
félagsins Vueling. Einnig taka
þátt íslensku ferðaskrifstofurnar
Heimsferðir, ÍT ferðir, Plúsferðir,
Sumarferðir og Úrval Útsýn,
ásamt flugfélögunum Icelandair
og Wow Air.
Þetta er í sjöunda sinn sem
Ferðamálaráð Spánar stendur
fyrir spænskum ferðadegi á
Íslandi.
SPÆNSKIR GÍTARTÓNAR
OG SIRKUSLISTIR
SÓL OG SUMAR Íslendingar þekkja Spán
vel að góðu veðri, ströndum og sól.
MENNING Spánn er einnig tilvalinn
staður fyrir þá sem vilja skoða fallegar
byggingar og menningarminjar.
www.fi.is
Mörkinni 6 | 108 Reykjavík | S: 568 2533 | www.fi.is
FERÐAFÉLAG ÍSLANDS
Fræðslu- og
myndakvöld
Í sal FÍ 19. mars, kl. 20:00
Veðurfarssaga Íslands frá sjónarhóli veðurfræðings
Trausti Jónsson veðurfræðingur fræðir okkur um veðurfarsögu
Íslands frá sjónarhóli veðurfræðings.
Fyrirhugaðar framkvæmdir á hálendinu
Að loknu kaffihléi mun Guðmundur Ingi Guðbrandsson fram-
kvæmdastjóri Landverndar upplýsa okkur um fyrirhugaðar fram-
kvæmdir á hálendinu.
Aðgangseyrir kr. 600, innifalið kaffi og kleinur
Allir velkomnir!
Veðurfarssag
a Íslands frá
sjónarhóli ve
ðurfræðings
Fyrirhugaðar
framkvæmd
ir á hálendin
u-hjarta land
sins