Fréttablaðið - 20.03.2014, Blaðsíða 22

20. mars 2014 FIMMTUDAGUR| FRÉTTIR VIÐSKIPTI | 22
Heiðar Jónsson
Förðunarfræðingur og
Image designer kennari
frá First Impressions í Bretlandi.
Diplómagráða í litafræðum
frá L’Oréal Paris.
HÁRLITA
RÁÐGJÖF
Fimmtudagur 20. mars
kl. 12-17
Lyfjum&heilsu Austurveri
Föstudagur 21. mars
kl. 12-17
Hagkaup Kringlunni
Laugardagur 22. mars
kl. 13-18
Hagkaup Smáralind
Fáðu aðstoð við val á réttum
litatón og leiðbeiningar um
réttu s re n við eima árlitun
Þú færð Blaðberann þinn í
Skaftahlíð 24 alla virka daga
frá kl. 9-17.
...góðar fréttir fyrir umhverfið
Blaðberinn...
Blaðberinn
bíður þín
Íslensk stjórnvöld sendu í gær
frá sér tilkynningar þar sem
varað er við hugsanlegri áhættu
tengdri kaupum, varðveislu á
eða viðskiptum með sýndar-
fé, í tengslum við fyrirhugaða
úthlutun til Íslendinga á tilbúnu
stafrænu myntinni Auroracoin.
Sýndarfé hefur víða rutt sér til
rúms en notkun og viðskipti með
það hafa hingað til verið afar tak-
mörkuð hér á landi.
Gildandi lög á Íslandi vernda
neytendur ekki gegn tapi á
sýndar fé. Að aðvöruninni standa
Fjármálaeftirlitið, Seðlabankinn,
Neytendastofa, fjármála- og efna-
hagsráðuneytið og innanríkis-
ráðuneytið. - fbj
Vara við stafrænni mynt:
Auroracoin út-
hlutað á Íslandi
Seðlabanki Íslands ákvað að hafna öllum til-
boðum í gjaldeyrisútboðum bankans í fyrra-
dag þegar eigendur aflandskróna vildu tals-
vert meiri gjaldeyri fyrir sínar krónur en í
síðasta útboði bankans í byrjun febrúar. Það
leiddi til þess að of mikið verðbil var á milli
tilboða í krónuútboði bankans og gjaldeyris-
útboðinu.
Þetta sagði Már Guðmundsson seðlabanka-
stjóri á kynningarfundi bankans í gær þar
sem farið var yfir vaxtaákvörðun bankans.
„Í raun og veru hefði einungis verið hægt
að para einn milljarð króna,“ bætti Már við
og tók fram að þátttaka í útboðinu, svokall-
aðri fjárfestingarleið Seðlabankans, hefði
verið góð.
Seðlabankanum bárust alls 98 tilboð, sam-
tals að fjárhæð 33,1 milljón evra, í tveimur
útboðum um kaup á evrum. Alls 24 tilboð að
fjárhæð 16,2 milljarðar króna bárust í útboði
um kaup á krónum fyrir evrur.
„Við vitum af því að það er talsverð sam-
þjöppun á aflandskrónumarkaðnum. Það
getur stuðlað að strategískri hegðun. Það
kann að hafa verið staðan nú,“ sagði Már.
Hann minnti á að þrjú gjaldeyrisútboð
eru á dagskrá dagana 14. maí, 24. júní og 2.
september. - hg
Of mikið verðbil var á milli tilboða í krónuútboði og gjaldeyrisútboði Seðlabanka Íslands í fyrradag:
Vildu fá of mikið fyrir aflandskrónurnar
Í SEÐLABANKANUM Már fór yfir ákvörðun peninga-
stefnunefndar um að halda stýrivöxtum óbreyttum.
FRÉTTABLAÐIÐ/GVA
Háir tollar eru lagðir á innfluttar
franskar kartöflur, eða 76 prósent,
samkvæmt núgildandi tollalögum.
Á sama tíma er talið fullnægjandi
að leggja 30 prósent toll á innfluttar
kartöflur, sem ætla má að séu hið
eiginlega verndarandlag landbún-
aðarins. Aðeins eitt fyrirtæki, Kart-
öfluverksmiðja Þykkvabæjar, fram-
leiðir franskar kartöflur hér á landi.
Samkvæmt tölum frá Capacent
selur umrætt fyrirtæki árlega í
kringum 200 tonn af frönskum
kartöflum, sem er innan við tvö
prósent af heildarframleiðslu
kartaflna hérlendis ef miðað er við
síðastliðin fimm ár. Þá er aðeins
hluti af þeim frönsku kartöflum
búinn til úr íslensku hráefni, þar
sem Þykkvabær flytur einnig inn
kartöflur erlendis frá til að mæta
vaxandi eftirspurn neytenda, og
notar þær í framleiðslu sína.
Björg Ásta Þórðardóttir, lögfræð-
ingur hjá Félagi atvinnurekenda,
telur þessa álagningu ekki rétt-
lætanlega.
„Samkvæmt okkar útreikningum
nemur framleiðsla Þykkvabæjar á
frönskum kartöflum, sem unnin er
úr íslensku hráefni, innan við 5 pró-
sentum af árlegri innanlandsneyslu
á frönskum kartöflum. Það þýðir í
raun að 76 prósenta ofurtollur er
lagður á rúmlega 95 prósent af
neyslu Íslendinga á frönskum kart-
öflum, undir því yfirskyni að verið
sé að vernda þau fimm prósent sem
eftir standa,“ segir Björg Ásta.
Að mati Bjargar Ástu er ekki
unnt að halda því fram að verið sé
að vernda hagsmuni neytenda með
þessu. Bendir hún á að hærri toll-
ar leiði til hærra vöruverðs og að í
tilfelli franskra kartaflna sé verðið
um það bil 45 prósentum hærra
fyrir íslenska neytendur en það
væri ella. Þær séu því umtalsvert
dýrari.
„Við hjá Félagi atvinnurekenda
höfum lagt áherslu á að menn rugli
ekki saman hagsmunum neytenda
og einstakra framleiðenda. Í þessu
tilfelli lýtur verndin að starfsemi
eins fyrirtækis, sem vinnur vöru
sína að stórum hluta úr erlendu hrá-
efni. Íslenskir neytendur njóta ekki
góðs af því, það eru þvert á móti þeir
sem borga brúsann,“ segir Björg
Ásta að lokum. fanney@frettabladid.is
Ofurtollar á inn-
fluttum frönskum
Aðeins eitt fyrirtæki framleiðir franskar kartöflur hérlendis og annar innan við
fimm prósentum af eftirspurn. Samt sem áður er 76 prósenta tollur á innfluttar
franskar. Lögfræðingur Félags atvinnurekenda segir um ofurtolla að ræða.
Embætti sérstaks saksóknara hefur
ákveðið að kæra frávísun Héraðs-
dóms í Aserta-málinu svokallaða til
Hæstaréttar.
„Við vorum ekki sammála niður-
stöðu héraðsdóms og höfum ákveð-
ið að kæra til Hæstaréttar og fá
úrskurð þar,“ segir Ólafur Þór
Hauksson, sérstakur saksóknari.
Á föstudaginn vísaði Héraðs-
dómur Reykjaness frá ákæru
embættisins á hendur Karli Löve
Jóhannssyni, Gísla Reynissyni,
Markúsi Mána Michaelssyni Maute
og Ólafi Sigmundssyni sem var
gefið að sök að hafa brotið gróflega
gegn lögum um gjaldeyrisviðskipti.
Málinu var vísað frá vegna óskýr-
leika í ákæru sérstaks saksóknara.
Fjórmenningarnir voru ákærðir
fyrir brot gegn lögum og reglum um
gjaldeyrismál og almennum hegn-
ingarlögum með því að hafa í sam-
einingu, á tímabilinu 25. mars til
2. nóvember 2009 haft milligöngu
um gjaldeyrisviðskipti hér á landi
án lögmætrar heimildar eða leyfis
frá Seðlabanka Íslands. Þá var
þeim gefið að sök að hafa staðið í
ólögmætum gjaldeyrisviðskiptum
vegna fjármagnshreyfinga á milli
landa með úttektum af reikningum
í íslenskum krónum í fjármálafyrir-
tækjum hér á landi. - fbj, kak
Sérstakur saksóknari vill að Hæstiréttur úrskurði hvort ákæran sé óskýr:
Kæra frávísun í Aserta-málinu
ÓSAMMÁLA HÉRAÐSDÓMI Sérstakur saksóknari hefur kært frávísun í Aserta-mál-
inu til Hæstaréttar. FRÉTTABLAÐIÐ/GVA
NEYTENDUR TAPA Félag atvinnurekenda segir neytendur borga brúsann af ofur-
tollum á franskar kartöflur. FRÉTTABLAÐIÐ/DANÍEL
Í þessu
tilfelli lýtur
verndin að
starfsemi eins
fyrirtækis,
sem vinnur
vöru sína að
stórum hluta úr erlendu
hráefni.
Björg Ásta Þórðardóttir,
lögfræðingur hjá FA
Kaupsýslumaðurinn Björgólfur
Thor Björgólfsson mun senda
frá sér bókina „Billions to Bust
and Back“ þann 26. júní í sumar.
Undirtitill bókarinnar er „How I
made, lost and rebuilt a fortune“,
og útleggst það á íslensku sem
„Hvernig ég aflaði, glataði og
endurheimti auðæfi mín“.
Í lýsingu bókarinnar á vef
Amazon segir að Landsbankinn
hafi tekið Björgólf með sér í
fallinu þegar hrunið skall á árið
2008. Innan árs hafi hann tapað
98,5 prósentum auðæva sinna og
orðið blóraböggull í heimaland-
inu fyrir að eiga þátt í hruninu.
Hann hafi nú staðið í skilum við
lánardrottna sína og sé orðinn
milljarðamæringur enn á ný.
- hva
Væntanleg bók í sumar:
Björgólfur Thor
í bókaútgáfu
Afkoma Sláturfélags Suðurlands
(SS) á árinu 2013 var sú besta í
107 ára sögu félagsins. Hagnaður
af rekstri SS var þá 466,2
milljónir króna samanborið við
463,1 milljónir árið 2012, sam-
kvæmt ársskýrslu félagsins.
Eigið fé SS var um 3,578
milljarðar og hækkaði um fjórtán
prósent frá fyrra ári og um 440
starfsmenn störfuðu hjá félaginu.
Í ársskýrslunni kemur einnig
fram að SS slátraði á árinu
106.504 kindum, 5.879 nautgrip-
um, 4.020 hrossum, 9.404 svínum
og 2,1 milljón kjúklingum. - hg
Hagnaður um 466 milljónir:
Besta afkoma í
107 ára sögu SS
SLÁTRAÐ SS flutti út um 421 tonn af
kindakjöti árið 2013. FRÉTTABLAÐIÐ/GVA