Fréttablaðið - 10.04.2014, Page 18

10. apríl 2014 FIMMTUDAGUR| FRÉTTIR | 18
TEKUR VIÐ HAMINGJUÓSKUM Lasith
Malinga, fyrirliði krikketlandsliðs Srí
Lanka, tekur við hamingjuóskum í
heimalandi sínu. Lið hans vann heims-
meistaramótið í krikket síðastliðinn
sunnudag eftir að hafa borið sigurorð
af Indlandi.
GRÆTUR Í RÉTTARHÖLDUM Aimee Pistorius, systir Oscars Pistorius, grætur er hún hlýðir á vitnisburð bróður síns í borginni
Pretoriu í Suður-Afríku. Pistorius er ákærður fyrir að hafa myrt kærustu sína, Reevu Steenkamp, á Valentínusardag í fyrra.
HOLA Í JÖRÐU Þessi dularfulla hola í jörðinni, sem talið er að sé sautján metra djúp, uppgötvaðist í hverfinu Sagene í Ósló fyrir
skömmu. Svæðið var umsvifalaust lokað af og stóð til að fylla upp í holuna sem fyrst til að koma í veg fyrir slys.
GEORG Á NÝJA-SJÁLANDI Katrín, hertogaynja af Cambridge, eiginkona Vilhjálms
Bretaprins, heldur á syni þeirra Georg prins. Mæðginin kíktu í heimsókn til sam-
takanna Plunket í Wellington, höfuðborg Nýja-Sjálands, þar sem Georg lék sér við
jafnaldra sína. Þetta var fyrsta opinbera verkefni hins átta mánaða Georgs og fórst
honum það vel úr hendi. Fjölskyldan er á þriggja vikna ferðalagi um Nýja-Sjáland og
Ástralíu.
BÆNASAMKOMA Kona setur kerti á sinn stað á bænasamkomu sem var haldin á
hóteli í Peking í Kína vegna farþeganna sem voru um borð í malasísku flugvélinni
sem hvarf í síðasta mánuði. Leit hefur staðið yfir að vélinni í Indlandshafi að undan-
förnu. Ástralskt skip hefur greint hljóð sem hugsanlega kemur úr flugrita hennar.
LITRÍKIR TÚLIPANAR Kona tekur ljósmyndir innan um litríka túlipana á hlýjum og sólríkum vordegi skammt frá Jüchen í
vesturhluta Þýskalands.
RÁÐHERRA SAGÐI AF SÉR Menningarmálaráðherra Bretlands, Maria Miller, hefur
sagt af sér vegna deilna um útgjöld. Hún hafði verið hreinsuð af ásökunum um að
hafa fjármagnað hús foreldra sinna á kostnað skattgreiðenda. Henni var samt gert
að endurgreiða um eina milljón króna. Áður hafði sjálfstæður ráðgjafi bresku ríkis-
stjórnarinnar mælt með því að hún endurgreiddi um átta og hálfa milljón króna.
SYRGIR FÓRNARLAMB SPRENGJUÁRÁSAR Pakistanskur maður syrgir ættingja
sinn fyrir utan líkhús á sjúkrahúsi í höfuðborg Pakistans, Islamabad. Að minnsta
kosti tuttugu manns fórust í sprengingu fyrir utan ávaxta- og grænmetismarkað í
borginni í gærmorgun. FRÉTTABLAÐIÐ/AP
ÁSTAND
HEIMSINS
1
1
4
4
2
2
5
5
3
3
6
6
7
7
8
8