Fréttablaðið - 19.04.2014, Qupperneq 70

19. apríl 2014 LAUGARDAGUR| LÍFIÐ | 54
„Þetta er mjög spennandi verkefni
og það er mikið stuð framundan. Við
verðum samt að vanda vel til verka
enda um eitt þekktasta vörumerki
Íslendinga að ræða,“ segir leikarinn
Rúnar Freyr Gíslason en hann sest
í leikstjórastólinn þegar Latibær
verður settur á svið í Þjóðleikhúsinu.
Verkið verður frumsýnt í septem-
ber og var sérstaklega samið í tilefni
af stórafmæli Latabæjar. Í ár eru
20 ár frá því að Magnús Scheving
skrifaði bókina „Áfram, Latibær“,
sem markaði upphafið að Latabæjar-
ævintýrinu. Sagan hefur áður verið
sett upp, fyrir 17 árum í Loftkastal-
anum undir stjórn Baltasars Kor-
máks og árið 1999 í Þjóðleikhúsinu
þar sem Sigurður Sigurjónsson leik-
stýrði en þá lék Rúnar Freyr einmitt
Gogga Mega.
„Ég er orðinn frekar tengdur
Latabæ en ég hef talað fyrir Gogga
Mega í öllum teiknimyndunum og
svo hef ég þekkt Magga lengi. Þess
vegna var ég ekki lengi að sam-
þykkja þegar ég var beðinn um að
taka þetta verkefni að mér,“ segir
Rúnar Freyr og viðurkennir að hann
hafi beðið Magga um að hoppa inn í
hlutverk Íþróttaálfsins fyrir uppsetn-
inguna. „Hann neitaði enda fimmtug-
ur á árinu, þó að hann líti nú út fyrir
að vera miklu yngri. Við ætlum að
prufa nokkra stráka í hlutverkið.“
Stefán Karl Stefánsson mun fara
með hlutverk Glanna Glæps eins
og hann er þekktur fyrir en Stefán
hefur túlkað illmennið í Latabæ frá
upphafi. Rúnar Freyr hefur áður
leikstýrt verkum á borð við Hárið í
Austurbæ árið 2004, Gretti í Borgar-
leikhúsinu árið 2007 og Hellisbúann
árið 2009.
„Krakkar eru kröfuharður áhorf-
endahópur. Ég sé fram á að þetta
verði fjörug uppfærsla full af tækni-
brellum þar sem verður til dæmis
lagt upp úr þátttöku áhorfenda. Lati-
bær er mjög þekktur úti í heimi og
við erum að hugsa um að geta sett
verkið upp í útlöndum líka.“
alfrun@frettabladid.is
Latibær á svið
í Þjóðleikhúsinu
Rúnar Freyr Gíslason leikstýrir verkinu sem verður frumsýnt næsta haust en
hann er ekki ókunnugur Latabæ þar sem hann hefur léð karakternum Gogga
Mega rödd sína öllum teiknimyndunum.
SPENNANDI VERKEFNI Rúnar Freyr leikstýrir uppfærslu Þjóðleikhússins á
Latabæ sem verður frumsýnt í september. Tuttugu ár eru síðan Magnús
Scheving hóf Latabæjarævintýrið með bókinni Áfram, Latibær. FRÉTTABLAÐIÐ/DANÍEL
BLÁSKJÁR AFTUR Í
BORGARLEIKHÚSIÐ
Leikverkið Bláskjár, eftir Tyrfing
Tyrfingsson í leikstjórn Vignis Rafns
Valþórssonar, verður sett aftur á dag-
skrá Borgarleikhússins í haust.
Verkið sem var frumsýnt í byrjun árs átti
gríðarlega mikilli velgengni að fagna,
en var tekið niður af Litla
sviðinu fyrir Ferju Kristínar
Marju Baldursdóttur,
samkvæmt dagskrá leik-
hússins.
Með hlutverk í Bláskjá fara
Arndís Hrönn Egilsdóttir,
Arnmundur Ernst
Backman og
Hjörtur Jóhann
Jónsson. - áp
Mér til varnar
þá var ég
dauðadrukkin
#crackexcuse.
LEIKKONAN JULIA
LOUIS-DREYFUS Á
TWITTER UM FOR-
SÍÐUNA Á ROLLING
STONE ÞAR SEM HÚN
ER ALLSNAKIN.
KROSSINN Á LOFT
Einn fremsti tökustjóri og plötusnúð-
ur Danmerkur, Kasper Bjørke. kemur
til landsins til að þeyta skífum í
veislunni Krossinn á Loft á sunnudag-
inn. Veislan er önnur í þriggja veislu
seríu sem Jón Atli Helgason og Dóra
Dúna standa fyrir á Loftinu í Austur-
stræti, en síðasta veislan
hét Rakettan á Loft og var
haldin um áramótin, en
veislan þótti einstaklega
vel heppnuð.
Auk Bjørke spilar
eiginkona hans DJ
EIF, og Jón Atli sjálfur,
undir plötusnúð-
snafninu DJ Sexy
Lazer. - ósk
„Við erum bara á fullu að æfa,“
segir Páll Cecil, úr hljómsveitinni
Vio úr Mosfellsbæ, en sveitin vann
Músíktilraunir fyrr í mánuðinum,
og mun spila á sínum fyrstu stóru
tónleikum á tónlistarhátíðinni
Aldrei fór ég suður á Ísafirði um
helgina. Sveitina skipa Kári Guð-
mundsson bassaleikari, Páll Cecil
Sævarsson trommuleikari og
Magnús Thorlacius söngvari og
gítarleikari.
„Við erum ekkert stressaðir
– við ætlum bara að hafa gaman
af þessu,“ segir Páll Cecil, en Vio
kemur fram sama kvöld og hljóm-
sveitirnar Maus og Mammút. „Ég
er mjög spenntur fyrir því að sjá
Maus og Mammút spila. Maus eru
til dæmis að koma aftur sterkir
inn um þessar mundir,“ segir Páll.
Aðspurður segir hann Vio þó
ekki hafa neinar beinar fyrir-
myndir. „Við erum allir búnir að
þekkjast síðan í barnaskóla. Við
Magnús, sem er söngvarinn í band-
inu, höfum meira að segja þekkst
ennþá lengur, síðan í leikskóla og
búum hlið við hlið,“ útskýrir Páll
og hlær. „Við settumst bara niður
og byrjuðum að spila, og það gekk
vel. Við ætlum okkur að nýta þetta
tækifæri,“ segir hann að lokum.
- ósk
Ekkert stress fyrir fyrsta giggið
Hin unga hljómsveit Vio spilar fyrsta stóra giggið á Aldrei fór ég suður um helgina.
ÆSKUVINIR Strákarnir hafa allir þekkst
síðan í barnaskóla. FRÉTTABLAÐIÐ/DANÍEL
Gosdrykkjarisinn Coca-Cola styrkir
fróðleik um heimsmeistarakeppnina
í knattspyrnu í íslenska smáforritinu
QuizUp frá Plain Vanilla. Coca-Cola
er annað stóra fyrirtækið sem styrkir
spurningaflokk í leiknum
en Google Maps styrkir
landafræðiflokkinn „Earth
from Above“ í leiknum.
QuizUp var sett á markað
í nóvember í fyrra og
hefur náð gríðarlegum
vinsældum á stuttum
tíma en nú eru um
það bil sextán millj-
ónir manna skráðir
notendur leiksins.
- lkg
COCA-COLA STYÐUR
QUIZUP
Orlofsnefnd húsmæðra
í Reykjavík
Í lögum um orlof húsmæðra segir svo:
„Sérhver kona, sem veitir eða hefur veitt heimili
forstöðu án launagreiðslu fyrir það starf, á rétt á
að sækja um orlof.“
Stjórnin
Sérstakar prufur verða haldnar fyrir ungar stúlkur á aldrinum 14– 20
ára, til að finna nýja Sollu stirðu. Áður hefur Solla verið túlkuð af
söng- og leikkonunni Selmu Björns-
dóttur, Lindu Ásgeirsdóttur, oft kennd
við Skoppu og Skrýtlu, og Unni
Eggertsdóttur sem hefur m.a. sungið
í forkeppni Eurovision og séð um sinn
eigin sjónvarpsþátt. Þá hafa tvær
stúlkur séð um að túlka Sollu Stirðu
í sjónvarpsþáttunum; Julianna Rose
Mauriello í fyrstu tveimur þáttaröðunum og Chloe Lang í þáttaröðum
þrjú og fjögur.
Áhugasamar stúlkur sendi ferilskrá með mynd á prufur@leikhusid.is.
Þær stúlkur sem koma til álita fyrir hlutverkið verða boðaðar í prufur
28. og 29. apríl kl. 12-18.
Leita að nýrri Sollu stirðu