Fréttablaðið - 30.06.2014, Side 8

30. júní 2014 MÁNUDAGUR| FRÉTTIR | 8
NÝJAR
UMBÚÐIR
*PLÚS með engifer- og sítrónubragði
inniheldur einungis 95 kaloríur.
ORKUMÁL Fráfarandi formaður
Atvinnuþróunarfélags Eyjafjarð-
ar (AFE) sakaði forstjóra Lands-
nets um að fara með ósannindi
þegar hann sagði sveitarfélögin
hafa dregið lappirnar við að koma
betri byggðalínu til Eyjafjarðar.
„Það er grátlegt þegar fulltrú-
ar opinberra einokunarfyrirtækja
láta hafa svona eftir sér,“ sagði
Oddur Helgi Halldórsson, frá-
farandi formaður AFE og bæjar-
fulltrúi á Akureyri síðastliðna tvo
áratugi, í ræðu á ársfundi AFE á
föstudag.
Þetta var síðasta embættisverk
Odds Helga þar sem hann hætti
í bæjarstjórn eftir sveitarstjórn-
arkosningarnar í lok maí síðast-
liðins. Í ræðu sinni sagði hann að
málefni byggðalínunnar hefðu svo
sannarlega ekki strandað á sveit-
arstjórnum á Eyjafjarðarsvæðinu.
Fréttablaðið birti í síðustu viku
frétt um að raforkuflutningar til
Eyjafjarðar væru í molum.
Þórður Guðmundsson, forstjóri
Landsnets, sagði þessi mál vera í
ákveðinni biðstöðu. Á teikniborð-
inu væri um tólf til fimmtán millj-
arða framkvæmd af þeirra hálfu
til að styrkja orkuflutninga til
Eyjafjarðar um nýja Blöndulínu,
svokallaða Blöndulínu þrjú. Hins
vegar stæði allt fast í skipulags-
vinnu þeirra sveitarfélaga sem
línan mun fara í gegnum. Þessu er
Oddur Helgi ósammála.
„Eitt verð ég að koma inn á og
mótmæla, það er umfjöllun í fjöl-
miðlum um orkuleysi fjarðarins,
þar sem Landsnet kennir sveitar-
félögunum um. Ég segi hreint út
að það er ekki satt að það sé okkur
sveitarfélögunum að kenna. Sveit-
arfélögin á svæðinu hafa allan tím-
ann verið áfram um það að aðstoða
landsnet við að leggja þessar
línur,“ sagði Oddur í ræðu sinni.
Hann sagði Landsnet ekki hafa
léð máls á samstarfi við sveitarfé-
lögin um lausnir, heldur hafi barið
höfðinu við steininn og viljað gera
þetta algerlega eftir sínu höfði.
„Ég fullyrði, til dæmis hvað
viðkemur Akureyrarbæ, að ekki
hefur strandað á okkur að finna
leið fyrir þá fyrir jarðstreng í
gegnum bæjarlandið. Það er grát-
legt þegar fulltrúar opinberra ein-
okunarfyrirtækja láta hafa svona
eftir sér.“
sveinn@frettabladid.is
Sakar forsvarsmann
Landsnets um lygar
Fráfarandi formaður Atvinnuþróunarfélags Eyjafjarðar fór hörðum orðum um
ummæli forstjóra Landsnets um að sveitarfélög hefðu dregið lappirnar. „Sveitar-
félög hafa allan tímann verið áfram um að aðstoða Landsnet við að leggja línur.“
BYGGÐALÍNA
Raforkuflutning-
ar til Eyjafjarðar
eru í molum og
úrbóta er þörf.
NORÐUR-KÓREA, AP Stjórnvöld í
Norður-Kóreu skutu á loft tveimur
skammdrægum eldflaugum í gær.
Eldflaugarnar höfnuðu í hafinu
austur af landinu. Stjórnvöld sögðu
í síðustu viku að þróun á nýrri gerð
eldflauga væri lokið.
Heimildarmaður AP-fréttastof-
unnar innan hers Suður-Kóreu
segir að svo virðist sem flugskeytin
hafi verið skammdræg Scud-flug-
skeyti, sem voru hönnuð í Sovét-
ríkjunum á tímum kalda stríðsins.
Stjórnvöld í Norður-Kóreu nota
gjarnan heræfingar til að senda
alþjóðasamfélaginu skilaboð.
Stjórnmálaskýrendur hafa því sett
eldflaugaskotin í gær í samhengi
við gagnrýni stjórnvalda í Norð-
ur-Kóreu á meintar æfingar stór-
skotaliðs hers Suður-Kóreu nærri
eyjaklasa sem ríkin deila um á haf-
svæðinu austur af Kóreuskaga.
Aðrir hafa bent á að í vikunni
muni Xi Jinping, forseti Kína eina
eiginlega bandamanns Norður-Kór-
eu, eiga fund með Park Geun-hye,
forseta Suður-Kóreu. - bj
Stjórnvöld í Norður-Kóreu sendu alþjóðasamfélaginu kunnugleg skilaboð:
Skutu tveimur eldflaugum á loft
SKOT Maður fylgist með sjónvarps-
útsendingu frá eldflaugarskotinu í Seúl,
höfuðborg Suður-Kóreu. FRÉTTABLAÐIÐ/AP
Sveitar-
félögin á
svæðinu hafa
allan tímann
verið áfram
um það að
aðstoða
Landsnet við að leggja
þessar línur.
Oddur Helgi Halldórsson,
fráfarandi formaður AFE
BYGGING HRUNDI Mikil eftirspurn er eftir húsnæði á
Indlandi og freistast verktakar oft til að brjóta byggingar-
reglugerðir til að græða meira. FRÉTTABLAÐIÐ/AP
INDLAND, AP Að minnsta kosti 22 eru látnir eftir að
tvær stórar byggingar hrundu á Indlandi á laugardag.
Tugir eru taldir fastir í rústunum. Fimm stjórnendur
verktakafyrirtækis sem reisti aðra bygginguna voru
handteknir.
Björgunarmenn notuðu logsuðutæki og skóflur til
að reyna að bjarga fólki úr rústunum. Talið er að það
geti tekið einhverja daga til viðbótar að ná öllum úr
rústunum og því líklegt að tala látinna muni hækka á
næstu dögum.
Talið er að nærri 90 verkamenn hafi verið í kjallara
annarrar byggingarinnar. Þeir voru að sækja laun sín
á laugardag þegar ellefu hæða byggingin hrundi til
grunna. Ástæður þess að hún hrundi eru ekki ljósar.
Á fjórða tug manna höfðu í gær verið grafnir út úr
rústunum. Fjórir voru þegar látnir og sjö til viðbótar
létust af meiðslum sínum eftir komuna á spítala.
Fjögurra hæða bygging hrundi fyrr um daginn, og
létust ellefu í því slysi, auk þess sem einn er alvarlega
slasaður. - bj
Óttast er að tugir séu fastir í rústum tveggja húsa sem hrundu á Indlandi:
Fimm handteknir og 22 látnir