Fréttablaðið - 04.09.2014, Page 44

4. september 2014 FIMMTUDAGUR| MENNING | 32
Karlotta Blöndal opnar einkasýningu í Týsgalleríi í
dag klukkan 17.
Á sýningunni, sem nefnist Mót/Print – af einum stað
á annan, sýnir Karlotta verk sem unnin voru úti í nátt-
úrunni fyrr á þessu ári á samsýningunni STAÐIR/
PLACES á Tálknafirði. Verkin hafa tekið á sig
nýja mynd, gengið í gegnum umbreytingarferli
og birtast í nýju samhengi á nýjum stað.
Sýningin stendur til 28. september og er
galleríið opið frá klukkan 13 til 17 frá mið-
vikudegi til sunnudags.
Verk í nýju samhengi
Karlotta Blöndal sýnir í Týsgalleríi.
„Það eru sex ár síðan ég gaf síð-
ast út ljóðabók en síðan hef ég
verið önnum kafinn við að skrifa
skáldsagnaþríleikinn Sögu eftirlif-
enda,“ segir Emil Hjörvar Peter-
sen sem í dag sendir frá sér ljóða-
bókina Ætar kökuskreytingar hjá
Meðgönguljóðum. „Ég sendi Með-
gönguljóðum handrit á síðasta ári
og þau samþykktu það til útgáfu.
Í millitíðinni lauk ég við síðustu
bókina í þríleiknum sem kemur út
núna í október þannig að ég verð
með bók á mánaðarfresti þetta
haustið,“ heldur hann áfram. „Það
er bara fínt.“
Emil segist aldrei hafa lagt ljóð-
listina á hilluna þótt skáldsagna-
skrifin hafi eðlilega tekið mest
af tíma hans undanfarin ár. „Ég
byrjaði sem ljóðskáld og fékk góð
viðbrögð, sérstaklega með aðra
bókina, Ref, og þótt ég væri að
skrifa prósa kallaði ljóðformið
alltaf á mig. Það er önnur tján-
ing og maður fær útrás fyrir aðra
hluti. Ljóðin mín geta verið dálítið
hörð og ádeilukennd þótt ég myndi
ekki kalla mig ádeiluskáld. Ég yrki
voða lítið um tilfinningaleg mál-
efni en því meira um það hvernig
ég upplifi samtímann og megin-
stef þessarar bókar er yfirþyrm-
andi græðgi, blekking félagslegra
hlutverka og hömlulaus löngun til
sköpunar. Enda lýsir titillinn, Ætar
köku skreytingar, mikilli græðgi
og yfirborðsmennsku. Persónur
og ljóðmælendur í þessari stuttu
ljóðabók hafa orðið fyrir siðrofi
og einhvers konar hruni. Þær eru
dálítið villtar, í báðum merkingum
orðsins.“
Þríleikurinn Saga eftirlifenda er
furðusaga fyrir fullorðna lesendur
sem fjallar um æsina sem lifðu af
Ragnarök, er Emil alveg búinn að
segja skilið við þann heim? „Já, í
bili, ég er með tvær aðrar sögur
í bígerð og eina ljóðabók og bókin
sem ég er að byrja að skrifa er
samtímasaga sem gerist á Íslandi
en hefur þó ýmis element furðu-
sögunnar.“
Emil hefur ekki alveg lagt ljóð-
skáldið til hliðar þótt Ætar köku-
skreytingar séu komnar út því í
næstu viku heldur hann til Lviv
í Úkraínu þar sem hann kynnir
ljóðabókina Ref sem er að koma
út á úkraínsku. „Ég er að fara á
alþjóðlegu bókmenntahátíðina í
Lviv, sem nú er haldin í 21. skipti,
til að lesa upp úr Refnum og sitja
fyrir svörum. Þýðingin kom þann-
ig til að úkraínskur bókaútgefandi
sá mig lesa upp úr bókinni á bóka-
messunni í Gautaborg fyrir tveimur
árum og spurði hvort ég vildi ekki
að hann gæfi bókina út. Ég játti því
auð vitað en átti ekkert endilega von
á að hann stæði við það. Hann gerði
það nú samt og nú er hún að koma út
í Úkraínu, sem gleður mig mikið.“
Þeir sem vilja berja skáldið
augum og krækja sér í eintak af
Ætum kökuskreytingum geta lagt
leið sína í bókabúð Máls og menn-
ingar klukkan 17 í dag og hlustað á
upplestur hans í útgáfuhófi.
fridrikab@frettabladid.is
Villtar í báðum merkingum orðsins
Ætar kökuskreytingar nefnist ljóðabók sem kemur út í dag á vegum Meðgöngu ljóða. Ljóðskáldið, Emil Hjörvar Petersen, er þekktari
sem höfundur þrí leiksins Sögu eft irlifenda en hann segist þó aldrei hafa lagt ljóðlistina á hilluna.
ÁDEILA „Ljóðin mín geta verið dálítið hörð og ádeilukennd þótt ég myndi ekki kalla mig ádeiluskáld. Ég yrki voða lítið um
tilfinningaleg málefni,“ segir Emil. FRÉTTABLAÐIÐ/GVA
Hljómsveitarstjórinn Andrew
Litton stýrir upphafstónleikum
á nýju starfsári Sinfóníuhljóm-
sveitar Íslands í Hörpu í kvöld.
Litton hefur lengi verið meðal
virtustu hljómsveitarstjóra
Bandaríkjanna. Hann hefur
meðal annars hlotið Grammy-
verðlaun fyrir samvinnu sína við
Bryn Terfel og hefur hljóðritað
um 120 geisladiska.
Litton hefur auk þess um ára-
bil verið aðalstjórnandi Fílharm-
óníuhljómsveitarinnar í Bergen.
Einsöngvari á tónleikunum er
suðurafríska sópransöngkonan
Golda Schultz. Hún nam við hinn
víðkunna Juilliard-tónlistarskóla
í New York og hefur á undanförn-
um árum hlotið góðar viðtökur
fyrir söng sinn.
Á efnisskránni eru Brentano-
söngvar frá 1918 og Ævintýri
Ugluspegils eftir Richard Strauss
og að lokum flytur hljómsveitin
sjöundu sinfóníu Beethovens. - fsb
Góðir gestir á upp-
hafs tónleikum Sinfó
Fyrstu hljómleikar Sinfóníuhljómsveitar Íslands á
nýju starfsári eru í kvöld. Andrew Litton stjórnar og
einsöngvari er sópransöngkonan Golda Schultz.
SÓPRAN
Einsöngvari
á tónleik-
unum er
suðurafríska
sópransöng-
konan Golda
Schultz.
Engir punktar, engin aukakort og ekkert vesen!
Allir áskrifendur sjónvarps- eða
fjarskiptaþjónustu 365 fá nú sjálfvirkan
afslátt hjá fjölda fyrirtækja og verslana án
þess að þurfa að biðja um hann.
Það eina sem þarf að gera er að skrá
greiðslukort fjölskyldunnar í VILD á 365.is.
FÁÐU AFSLÁTT
ÁN ÞESS AÐ BIÐJA
UM HANN!
skráðu þig á
MENNING
Ég yrki voða lítið um
tilfinningaleg málefni en
því meira um það hvernig
ég upplifi samtímann og
meginstef þessarar bókar
er yfirþyrmandi græðgi.