Fréttablaðið - 04.10.2014, Qupperneq 44

FÓLK|HELGIN
VIDDI, ELSA EÐA SIMBI Þór Breiðfjörð syngur lög úr þekktum teiknimyndum í Salnum á morgun ásamt Felix Bergssyni og Valgerði
Guðnadóttur. MYND/STEFÁN
Fólk á öllum aldri kom á tón-leikana í vor, börn, foreldrar, ömmur og afar. Þór á von á
að sjá jafnmörg andlit á morgun.
„Það myndaðist einstök stemn-
ing, börnin sungu með af innlifun,
enda þekkja þau lögin ekki síður
en foreldrarnir,“ segir Þór sem er
menntaður í söngleikjatónlist frá
Arts Educational London Schools.
Þór söng í mörgum þekktum
söngleikjum í London þar sem
hann bjó í ellefu ár. Meðal þeirra
eru Vesalingarnir, Superstar og
Óperudraugurinn. Einnig tók
hann þátt í Rómeó og Júlíu-ævin-
týri Vesturports á West End.
Hann flutti síðar til Kanada þar
sem hann starfaði í þrjú ár. Eftir
heimkomu vakti Þór mikla athygli
í uppfærslu Þjóðleikhússins á
Vesalingunum og hlaut Grímuna
fyrir frammistöðu sína.
HAKÚNA MATATA
Frá því hann flutti heim árið 2010
hefur hann tekið að sér hin fjöl-
breyttustu verkefni. Meðal annars
hafa þau Valgerður farið um
landið og sungið söngleikjatónlist.
„Teiknimyndalögin komu í fram-
haldinu og þar sem Felix, ekki síð-
ur en Valgerður, er þekkt rödd úr
svo mörgum myndum var frábært
að fá hann til samstarfs,“ segir
hann. „Lögin þekkja allir og við
erum grallarar sem höfum gaman
af því að ærslast svolítið á sviðinu.
Það seldist upp á tvenna tónleika
í vor en við höfðum ekki tök á að
halda fleiri þannig að upplagt var
að taka upp þráðinn að nýju núna.
Þakið ætlaði beinlínis að fljúga af
Salnum þegar við sungum Hakúna
Matata úr Lion King svo mikil var
hrifningin. Síðan þekkja allir lagið
Vinur minn úr Toy Story.“
Þór og Valgerður stýra söng-
leikjadeild Söngskóla Sigurðar
Demetz annað árið í röð. „Við
erum að gera nýja hluti með
þessari deild en okkur fannst
vanta þjálfun á þessu sviði.
Deildinni hefur verið afskap-
lega vel tekið. Við erum að þróa
námskrá fyrir deildina með leyfi
menntamálaráðuneytisins,
þetta er ekki vetrarnám-
skeið heldur söng-
nám sem endar
með prófum.“
ÆRSLAST MEÐ DISNEY
SKEMMTILEGT Þór Breiðfjörð, söngvari og leikari, syngur þekkt lög úr teikni-
myndum í Salnum á morgun ásamt Valgerði Guðnadóttur og Felix Bergssyni.
Tónleikarnir voru fyrst fluttir í vor og komust þá færri að en vildu.
EÐAL JÓL
Þór er sömuleiðis að undirbúa
tónleika með Kristjönu Stefáns-
dóttur, söng- og leikkonu, sem
verða í næsta mánuði. „Þetta
verða frásagnir og undurfalleg lög
en þemað er börn og foreldrar á
Íslandi í gegnum aldirnar. Mínir
fyrstu jólatónleikar verða síðan
28. nóvember í Salnum. Þeir heita
Jól í stofunni en þar mun ég flytja
klassísku jólalögin. Ég verð meðal
annars með gömlu meistarana,
Bing Crosby, Nat King Cole og
Hauk Morthens en þeir hafa gert
þessi yndislega fallegu jólalög að
perlum. Þetta á að vera afslappað
og notalegt kvöld, líkt og sjón-
varpsþáttur því ég ætla að spjalla
meðfram lögunum í jólalegu um-
hverfi,“ segir Þór. „Ég hef strax
fengið fín viðbrögð og er farinn að
hlakka mikið til.“
ÚTIVIST OG HUNDAÞJÁLFUN
Um helgina er nóg að gera hjá
Þór. „Ég er að syngja í einka-
samkvæmi í dag, síðan eru það
teiknimyndalögin á morgun. Við
verðum líka með æfingar svo það
verður nóg að gera,“ segir hann.
Þór tekur að sér söng í jarðar-
förum, brúðkaupum og stærri
veislum auk þess sem hann er
vinsæll veislustjóri. Þór er kvænt-
ur Hugrúnu Sigurðardóttur en
þau eiga soninn Kristin,
sem nýlega hóf nám í
Menntaskólanum við
Hamrahlíð.
„Hann var
að þreyta
próf
fyrir
Hamrahlíðarkórinn og stóð sig
með prýði. Við erum tveir stoltir
feður og söngvarar, ég og Gunnar
Guðbjörnsson, sem eigum syni í
kórnum,“ segir ánægður faðir.
Þegar Þór er spurður um
áhugamálin er hann fljótur til
svars. „Okkur hjónunum finnst
gaman að elda góðan mat,
smakka góð rauðvín auk þess sem
ég er maltviskí-áhugamaður. Ég
hef einnig mikinn áhuga á hunda-
þjálfun en við eigum hundinn
Glóa. Auk þess er ég mikill útivist-
armaður og hef gaman af að njóta
íslenskrar náttúru. Við reynum
alltaf að komast út fyrir borgar-
mörkin, upp á heiðar á vorin og
á sumrin, en foreldrar mínir eru
sömuleiðis útivistarfólk.“
GAMLAR REVÍUR
Söngleikir eru ekki algengir hér og
Þór tekur undir það. „Vissulega
er ekki mikið um söngleiki og
sannarlega eru þeir vinsælir.
Hér eru fá atvinnuleikhús en
mikill metnaður, mörg leikverk
frumsýnd á hverju ári. Þess vegna
er kannski erfiðara að koma
söngleikjum fyrir.“
Er kominn tími á gömlu reví-
urnar og miðnæturskemmtanir
eins og Leikfélag Reykjavíkur
setti upp?
„Það er eiginlega fyrirtaks hug-
mynd. Gamla bíó er yndislegt
hús fyrir söngleiki. Ég væri að
minnsta kosti til í eitthvað slíkt,“
segir Þór. ■ elin@365.is
Bæjarlind 1-3
201 Kópavogur
s: 571-5464
my style
Smart föt, fyrir smart konur
Stærðir 38-52
Ábendingahnappinn má finna á
www.barnaheill.is