Fréttablaðið - 04.10.2014, Síða 48

FÓLK|HELGIN
ÓMISSANDI
Liðsmenn Silfur-
skeiðarinnar veita
ómetanlegan
stuðning á leikjum
liðsins.
Hreinn úrslitaleikur fer fram í dag í Pepsi-deild karla í fótbolta þegar Stjörnumenn
úr Garðabæ mæta FH á heimavelli
þeirra síðarnefndu í Hafnarfirði.
Leikurinn er lokaleikur sumarsins og
er búist við hátt í 6.000 áhorfendum
á völlinn. Lið FH hefur unnið sex Ís-
landsmeistaratitla frá árinu 2004 en
Stjörnumenn hafa hæst náð þriðja
sæti deildarinnar. Þeir geta því land-
að fyrsta meistaratitli sínum í karla-
flokki og óhætt að segja að stemn-
ingin meðal stuðningsmanna liðsins
sé rafmögnuð. Einn þeirra er Andrés
B. Sigurðsson sem fylgt hefur liðinu
lengi en hann var formaður knatt-
spyrnudeildar Stjörnunnar á árunum
1987-1989 og aftur 2007 til 2009. Hann
segir stuðningsmenn liðsins hafa
lengi beðið eftir þessum degi. „Við
áttum alveg eins von á þessum góða
árangri þegar mótið hófst í vor enda
markið alltaf sett hátt hér í Garða-
bænum. Það er búið að tala um þenn-
an leik í margar vikur. Það vissu allir
af þessum lokaleik og þegar líða tók
á mótið sáu menn að þetta gæti verið
mögulegur úrslitaleikur. Þannig að
nú er bara lokaleikurinn eftir, bikar
eða enginn bikar. Honum verður ekki
skipt til helminga.“
Leikurinn hefst kl. 16 en dagurinn
verður tekinn snemma hjá Andrési
og öðrum Stjörnumönnum. „Ætli við
hvílum okkur ekki vel fyrir átökin
en svo hittast Stjörnumenn á öllum
aldri á Garðatorgi þar sem vafalaust
verður boðið upp á skemmtilega
upphitun fyrir börn, unglinga og
okkur gömlu karlana. Ég hef fulla trú
á mínum mönnum gegn öflugu liði
FH sem hefur stærsta og sterkasta
leikmannahóp ársins. Við höfum oft
glímt við þá og undanfarin 3-4 ár
höfum við haft betur, ef ég man rétt.
Við eigum þó öfluga menn sem byrja
leikinn og þeir mæta tilbúnir til leiks.
Ég held að Stjarnan vinni, það er
bara svoleiðis.“
SILFURSKEIÐIN MIKILVÆG
Þegar Andrés tók við formennsku
deildarinnar árið 1987 var Garðabær
að stækka og íbúum fjölgaði jafnt og
þétt. „Á þessum árum verður til mjög
sterk kynslóð knattspyrnustráka
sem fæddir eru á árunum 1969-1971.
Foreldrar þessara stráka, ásamt
fleirum, komu mjög sterkt að upp-
byggingu deildarinnar og á þessum
tíma varð til sterkur og metnaðarfull-
ur kjarni fólks sem byggði deildina
upp. Seinna meir urðu þessir sömu
strákar þátttakendur í því starfi. Í
upphafi var það nefnilega þannig að
gamlir KR-ingar, Valsmenn, Víkingar
og Framarar voru foreldrar þessara
stráka en undanfarin ár hefur risið
upp önnur kynslóð Stjörnustráka og
-stelpna auk forystumanna sem er
grunnurinn að félaginu.“ Sjálfur er
Andrés alinn upp í Vogahverfinu í
Reykjavík, innan um fræga Framara
að eigin sögn.
Það hefur verið góð stemning á
heimavelli Stjörnunnar í sumar að
sögn Andrésar. „Stuðningsmanna-
hópur okkar, Silfurskeiðin, á auð vitað
gríðarlega miklar þakkir skildar fyrir
stuðninginn síðustu árin. Hann er
sannarlega ómetanlegur. Þeir hafa
verið duglegir við að hvetja leik-
mennina áfram þegar þeir slá slöku
við. Þeir verða vafalaust vel stemmd-
ir í dag ef ég þekki þá rétt enda ætla
þeir sér titilinn eins og aðrir Stjörnu-
menn.“
TITLINUM EKKI SKIPT TIL HELMINGA
HREINN ÚRSLITALEIKUR Stjarnan og FH spila hreinan úrslitaleik í dag um Íslandsmeistaratitil karla í fótbolta. Mikil stemning og
eftirvænting er meðal stuðningsmanna beggja liða en karlalið Stjörnunnar hefur aldrei orðið Íslandsmeistari í fótbolta.
RAFMÖGNUÐ STEMNING „Ég held að Stjarnan vinni, það er bara svoleiðis,“ segir Andrés B. Sigurðsson, stuðningsmaður Stjörnunnar til 27 ára.
M
Y
N
D
/S
T
EF
Á
N
■ Það getur verið ótrúlega lítið mál að útbúa hlýlega haustskreyt-
ingu til að prýða heimilið. Hér eru nokkur dæmi.
EINFALT, FLJÓTLEGT
OG FALLEGT
Haustið skartar sínu fegursta um þessar mundir. Þeir
sem vilja njóta þess til hins ýtrasta ættu að fara út
að tína greinar, köngla og lauf og færa þannig lita-
dýrðina inn í hús.
HIN MESTA
PRÝÐI
Tíndu greinar
og settu í fal-
legan vasa.
Þær eru hin
mesta prýði.
LHJ.COM
HLÝLEGT Takið til glæra krukku, setjið
haustlauf í botninn og kertaglas ofan á.
LOVETHISPIC.COM
LÍTILL TILKOSTNAÐUR Takið til bakka
og nokkur mishá glös. Snúið þeim á hvolf.
Setjið laufblöð, köngla eða þurrkuð blóm
inn í hvert glas og kerti á botninn.
DIY.WEDDINGBEE.COM
Ábendingahnappinn má
finna á www.barnaheill.is
fonix.is Hátúni 6a 105 Reykjavík S. 552 4420
Heimilistæki