Skessuhorn - 22.01.2014, Blaðsíða 17

17MIÐVIKUDAGUR 22. JANÚAR 2014
Álagning fasteignagjalda hefur farið fram. Álagningarseðlar verða
sendir til íbúðaeigenda fæddra 1947 og eldri - aðrir geta nálgast þá á
vefnum www.island.is. Gjalddagar fasteignagjalda eru tíu.
Fyrsti gjalddagi er 15. janúar 2014.
Afhending klippikorta til eigenda fasteigna á Akranesi fer fram í
þjónustuveri Akraneskaupstaðar að Stillholti 16-18, Akranesi.
Kortin eru til notkunar við skil á úrgangi í móttökustöð Gámu.
Frekari upplýsingar um álagningu fasteignagjalda er hægt að nálgast
á heimasíðu Akraneskaupstaðar, www.akranes.is og í þjónustuveri í
síma 433 1000 eða með tölvupóst á netfangið akranes@akranes.is
Álagning fasteignagjalda árið 2014
og afhending klippikorta til
notkunar í móttökustöð (Gámu)
Sveitarstjórn Borgarbyggðar hefur samþykkt að auglýsa lýsingu
vegna deiliskipulags fyrir íbúðarhús, Húsafelli 6 og 7 skv. 3. mgr.
40. gr. skipulagslaga nr. 123/2010.

Fyrirhugað er að afmarka 3,39 hektara lóð og staðsetja tvo
byggingarreiti fyrir íbúðarhús.

Lýsingin liggur frammi í ráðhúsi Borgarbyggðar, Borgarbraut 14,
310 Borgarnesi frá 22. janúar 2014 til 5. febrúar 2014. Hún verður
einnig til sýnis á heimasíðu Borgarbyggðar www.borgarbyggd.is.

Athugasemdir eða ábendingar skulu vera skriflegar og berast
skipulagsfulltrúa í síðasta lagi 5. febrúar 2014 fyrir kl. 15.00.
Þær skal senda í ráðhús Borgarbyggðar, Borgarbraut 14,
310 Borgarnesi eða á netfangið lulu@borgarbyggd.is
Borgarnesi 20. janúar 2014
Lulu Munk Andersen
Skipulags- og byggingarfulltrúi
Lýsing á tillögu vegna deiliskipulags fyrir
íbúðarhús, Húsafell 6 og 7, Borgarbyggð
Lokið er álagningu fasteignagjalda í Borgarbyggð árið 2014.
Álagningarseðlar hafa verið sendir til fasteignaeigenda sem eru 67
ára og eldri og til fyrirtækja. Vakin er athygli á að allir álagningar-
seðlar eru aðgengilegir á „mínum síðum“ á netsíðunni www.island.is.
Einnig geta þeir sem þess óska haft samband við skrifstofu
Borgarbyggðar og fengið senda álagningarseðla í pappírsformi.
Gjalddagar eru tíu, sá fyrsti 21. janúar og síðan 15. hvers mánaðar
fram í október. Eindagi er 15. dag næsta mánaðar eftir gjalddaga.
Greiðsluseðlar verða eingöngu sendir til þeirra sem eru 67 ára eða
eldri og þeirra sem þegar hafa óskað eftir að fá þá senda til sín.
Einnig geta þeir sem eru orðnir 67 ára eða eldri afþakkað greiðslu-
seðla.
Vinsamlega hafið samband við skrifstofu Borgarbyggðar ef óskað
er breytinga á þessu fyrirkomulagi. Sími á skrifstofu Borgarbyggðar
er 433-7100 og netfangið borgarbyggd@borgarbyggd.is
Ef gjaldendur telja álagninguna ekki rétta er hægt að fara fram á
endurálagningu með rökstuddum hætti. Skrifleg beiðni þar um skal
berast skrifstofu Borgarbyggðar eigi síðar en mánuði eftir álagningu
gjaldanna.
Borgarnesi 20. janúar 2014
Skrifstofustjóri
Til fasteignaeigenda í Borgarbyggð
www.skessuhorn.is
Fylgist þú með? S: 433 5500

Íslendingar eru stöðugt
eftirsóttari
Hrannar dregur enga dul á að
hann þurfti að hafa fyrir því að
rjúfa múrana og komast í skipsrúm
á skipi í norska olíuiðnaðinum.
„Samhliða öllum undirbúningi
var ég búinn að vinna í því að sækja
um störf í nærfellt heilt ár. Ég sendi
umsóknir beint á útgerðirnar og í
gegnum ráðningarstofur. Það er
tiltölulegt nýmæli að íslenskir sjó-
menn hasli sér völl á þessum vett-
vangi. Segja má að þetta hafi byrjað
eftir hrunið. Við höldum tengslum
okkar á milli, erum til dæmis með
lokaðan hóp á Facebook þar sem
við getum spjallað saman, spurt
hvora aðra um ráð og þess hátt-
ar. Þar eru rúmlega 60 menn í dag,
skipstjórar, stýrimenn, vélstjórar og
áfram má telja.“
Mikill áhugi er á svona störfum á
meðal íslenskra sjómanna. „Margir
eru að velta þessu fyrir sér. Það hef-
ur hjálpað mikið að Siglingastofn-
un gaf út nýja tegund sjóferðabókar
á síðasta ári sem er alþjóðlega við-
urkennd. Íslenskir sjómenn telj-
ast mjög góðir starfskraftar. Orð-
stír okkar er hratt að verða betri á
alþjóða vettvangi, ekki síst í Nor-
egi. Við teljumst hafa litla fjarveru,
erum taldir samviskusamir og hæf-
ir menn sem hægt sé að treysta á.
Þetta skiptir máli. Fyrir nokkrum
árum var þetta öðruvísi. Þá voru ís-
lenskir sjómenn fáséðir í olíuiðnað-
inum. Norsku útgerðirnar höfðu í
raun enga reynslu af Íslendingum.
Þeir höfðu þannig ekkert orðspor.
En þetta hefur breyst mjög hratt.
Ég held að Íslendingar hafi undan-
tekningalaust staðið sig vel í þess-
um störfum og verið til sóma.“
„Náið ykkur í réttindin
á meðan þið eruð með
vinnu“
Hrannar segist vilja ráðleggja
þeim sem hafi áhuga á svona störf-
um að afla sér alþjóðlegu réttind-
anna í frítíma sínum á íslensku
fiskiskipunum, og koma umsókn-
um í umferð eins og hann gerði.
Skipsrúm í íslenska fiskiskipaflotan-
um geti verið hverful. Nýleg dæmi
sanni að það sem allir héldu að
væri örugg pláss séu það alls ekki.
„Það er svo miklu erfiðara að fara
í að reyna að afla alþjóðlegu rétt-
indanna ef þú er orðinn atvinnulaus
eins og við sáum að henti rúmlega
100 íslenska frystitogarasjómenn
nú í desember. Auk þess getur það
tekið langan tíma að fá skipspláss
erlendis.“
Þessi ungi vélstjóri af Skaga num
segist mjög ánægður með starfið
á norska dráttarbátnum. „Launin
eru góð. Ég er á föstum tekjum og
fæ útborgað í hverjum mánuði al-
veg sama hvort ég er á sjó eða hér
heima. Um borð er gert ráð fyrir
að ég vinni 12 tíma á dag. Í raun er
það bara þannig þegar skipið er á
sjó og við göngum vaktir. Þegar við
liggjum í höfn sláum við vaktirnar
af. Vinnum bara dagvinnu og höf-
um yfirleitt frí á sunnudögum. Það
er nóg að gera um borð. Viðhald-
ið á öllum búnaði er afar gott. Því
er alltaf ýmislegt sem þarf að sinna.
Manni leiðist aldrei.“
Hann fer aftur út í byrjun febrú-
ar. Eftir mánaðar frí heima á Akra-
nesi flýgur hann á Saga Class far-
rými út til Kaupmannahafnar og
þaðan til Aberdeen. Þar mun „Stril
Challenger“ og ævintýri næstu
fjögurra vikna bíða Hrannars Ein-
arssonar og 13 félaga hans.
mþh
Olíuborpallarnir sem Hrannar og félagar hans á „Stril Challenger“ þjóna eru
engar smásmíðar þar sem þeir gnæfa yfir skipin.
Hrannar Einarsson heima á Akranesi,
við höfnina þar sem hann sleit barns-
skónum og ákvað að gerast sjómaður
og vélstjóri.
Þessi selur var innilokaður í Kirkju-
fellslóni við Grundarfjörð á dögun-
um og komst ekki til sjávar vegna
útfiris. Tómas Freyr Kristjánsson
fréttaritari Skessuhorns í Grund-
arfirði gekk fram á hann og mátti
ekki á milli sjá hvor var forvitnari
um hinn. Í hálftíma grandskoðuðu
þeir hvorn annan. Selurinn synti
ítrekað að Tomma og virti hann
fyrir sér. Fór svo í kaf og kom svo
aftur. Á meðan mundaði Tommi
myndavélina. Þessi ljósmynd var
ein þeirra sem teknar voru á þess-
um mínútum. Spyrja má; hefur sel-
urinn mannsaugu? Við látum les-
endum eftir að dæma um það. mþh
Rétt rúmlega þriðjungur fyrirtækja
á Vesturlandi telur sig að einhverju
leyti hafa tekjur af menningu og list-
um. Þetta kemur fram í niðurstöðum
fyrirtækjakönnunar Samtaka sveitar-
félaga á Vesturlandi sem framkvæmd
var í nóvember síðastliðnum. Þar
sögðu um 5% fyrirtækja hafa tekjur
af menningu og listum að öllu eða
miklu leyti á meðan tæp 30% fyrir-
tækja sögðust hafa tekjur að nokkru
eða litlu leyti. Drjúgur meirihluti
fyrirtækja, eða 65%, telja sig hins
vegar hafa engar tekjur af slíkri starf-
semi. Að sögn Vífils Karlssonar hag-
fræðings hjá SSV voru fyrirtæki
sem flokkast undir aðra framleiðslu,
mannvirkjagerð, verslun, gisti- og
veitingarekstur og upplýsingatækni
marktækt frekar á þeirri skoðun að
þeir hefðu tekjur af menningum og
listum. „Fyrirtæki sem flokkast und-
ir fiskveiðar, námur, orkufyrirtæki
og fjármála- og tryggingafyrirtæki
töldu sig hins vegar algerlega laus
við slíkar tengingar. Engin mark-
tækur munur var síðan á þessari af-
stöðu á milli landssvæða innan Vest-
urlands.“
Að mati Vífils hefur lengi verið
áhugi á því að vita hvert vægi skap-
andi greina er á Vesturlandi. Hefð-
bundin atvinnugreinaflokkun veitir
engar slíkar upplýsingar og af þeim
orsökum voru fyrirtæki á Vestur-
landi spurð að hve miklu leyti þau
hefðu tekjur af menningu og listum
í könnunni. „Svörin ættu því að gefa
vísbendingar fyrir því hvert vægi
skapandi greina er á Vesturlandi.“
Forsvarsmenn tæplega 200 af 900
starfandi fyrirtækjum landshlut-
ans tóku þátt í könnunni, sem telst
nokkuð gott svarhlutfall að mati Víf-
ils sem vann könnunina ásamt Einari
Þ. Eyjólfssyni hjá SSV.
hlh
Selur í sjálfheldu í Kirkjufellslóni
Þriðjungur fyrirtækja hefur tekjur af menningu
Að hve miklu leyti hefur fyrirtæki þitt
tekjur af menningu og listum? Hér má
sjá hlutfallslega skiptingu svara.