Skessuhorn - 09.07.2014, Blaðsíða 12

12 MIÐVIKUDAGUR 9. JÚLÍ 2014
Sumarlesari
vikunnar
Áfram höldum við að heyra í
þeim krökkum sem lesa í sum-
ar bækurnar sem er að finna á
Bókasafni Akraness. Þess má
geta að þetta er ekki keppni,
heldur les hver einstaklingur á
eigin forsendum.
Nafn: Dagbjört Líf Guðmunds-
dóttir
Aldur: 10 ára
Hvenær lestu? Oftast á kvöldin
Áttu uppáhalds bók? Já, Dag-
bók Kidda klaufa - tómt vesen
(Jeff Kinney)
Áttu einhvern uppáhalds höf-
und? Nei
Hvaða bók lastu síðast? Ertu
Guð, afi? (Þorgrímur Þráins-
son)
Viltu mæla með einhverri bók
fyrir aðra krakka að lesa? Já.
Ertu Guð, afi?
Í hvaða skóla ertu? Grunda-
skóla
Áttu einhver önnur áhugamál?
Já að spila fótbolta og á píanó.
Gistinætur á hótelum landsins í maí
voru 180.880 sem er 13% aukning
miðað við maí 2013. Gistinætur er-
lendra gesta voru 80% af heildar-
fjölda gistinátta í mánuðinum en
þeim fjölgaði um 13% frá sama
tíma í fyrra á meðan gistinóttum Ís-
lendinga fjölgaði um 11%. Á sam-
anlögðu svæði Vesturlands og Vest-
fjarðar var aukningin 10% í mán-
uðinum. Mest var aukningin á Suð-
Mikið hvassviðri var á norðanverðu
Snæfellsnesi í síðustu viku. Þriðju-
daginn 1. júlí var vindurinn svo
hraður að vel rauk úr bæjarfossin-
um í Ólafsvík eins og sést á með-
fylgjandi mynd. Sjómenn sigldu
bátum sínum í höfn til að forðast
óveðrið en hér sést Egill SH koma
í heimahöfn eftir að hafa verið á
veiðum á Vestfjarðamiðum. Nýtt
strandveiðitímabil hófst þennan
sama dag. Þar sem spáði illa fóru
nokkrir strandveiðisjómenn á Snæ-
fellsnesi út um miðnætti og veiddu
upp í dagsskammtinn strax um
nóttina. jsb/ Ljósm. þa.
Um fimmtíu kílóa guðlax rak á
fjöru við Melabakka í Hvalfjarð-
arsveit í lok júní. Það var hópur
hestafólks sem reið fram á nýdauð-
an og ferskan fiskinn í fjörunni neð-
an við Sælu í Melasveit, en það er
smábýli úr landi Hafnar. Í hópnum
voru tveir líffræðingar og gátu þeir
ekki annað en gert tilraun hvernig
kjötið af fiskinum smakkaðist, en
guðlax þykir herramannsmatur og
kostar hvítuna úr auganu að kaupa
á markaði. Reyndist kjötið af þess-
um afar bragðgott og hafði einhver
á orði að það væri jafnvel nýrra en
sushi sem hægt er að kaupa í sum-
um verslunum.
Afar sjaldgæft er að guðlax veiðist
hér við land sem meðafli og enn
sjaldgæfara að þá reki á fjöru. Guð-
lax er í hópi nýtanlegra uppsjávar-
tegunda, skyldur túnfiski, sverð-
fiskum og vogmær. Guðlax lif-
ir á að éta sér minni tegundir upp-
sjávarfisks og smokkfisk. Útlit hans
minnir í raun ekkert á hefðbund-
inn lax því hann er rauðleitur, stutt-
ur og digur og því erfitt að festa á
honum taki. Þrátt fyrir að guðlax
þyki herramannsmatur var þessi við
Melabakka ekki nýttur að öðru leyti
en smakkað var á honum.
mm/ Ljósm. ggþ
Hann var glæsilegur bíllinn sem
lagt var fyrir utan Sögumiðstöð-
ina í Grundarfirði síðasta föstu-
dag. Þar var á ferðinni Hol-
lendingur á forláta Rolls Royce
Phantom II bifreið árgerð 1926.
Bíllinn er merktur „Around the
world in a 80 year old car,“ eða
umhverfis jörðina á 80 ára göml-
um bíl. Hjónin sem þarna ferðast
saman eru í mikilli ævintýra-
ferð. Þau hafa farið til 54 landa á
bílnum og ekið yfir 80.000 kíló-
metra. Það var Sverrir Karlsson
sem rakst á kappann og fékk að
smella mynd af þessari glæsilegu
bifreið.
tfk
„Það er kannski smá von til þess að
gefi á sjó á sunnudaginn. Maður
er allavega að búa sig undir það,“
sagði Friðrik Magnússon útgerðar-
maður og skipstjóri á Keili II AK á
Akranesi þegar hann var að leggja
lokahönd á að gera bátinn kláran
til makrílveiða í Akraneshöfn síð-
astliðinn föstudag. Um borð í Keili
II eru sjö DNG rúllur ásamt slítur-
um, plastrúllum og öðrum búnaði
þannig að rúlluskógurinn er mikill.
Frést hefur af makríl nánast
hringinn kringum landið og allt
norður og vestur í Grænlands-
sund. Örfáir makrílbátar komust
þó á sjó í síðustu viku en einn bát-
ur sem fór út frá Arnarstapa fékk þó
góðan afla. Þá eru stóru flottrolls-
skipin farin af stað og Faxi RE kom
með fyrsta farminn til Vopnafjarð-
ar aðfararnótt föstudagsins, um 350
tonn sem fengust við Rauða torgið
suðaustur af landinu.
hb
Stjórn Hollvinafélags Landbún-
aðarháskóla Íslands hefur sent frá
ályktun á þessa leið: „Stjórn Holl-
vinafélags Landbúnaðarháskóla Ís-
lands fagnar góðu starfi LBHÍ.
Stjórnin telur mjög mikilvægt að
þetta góða starf haldi áfram íslensk-
um landbúnaði til heilla. Stjórnin
skorar því á mennta- og menning-
armálaráðherra og ríkisstjórnina
alla að tryggja stöðu skólans sem
sjálfstæðrar og öflugrar stofnunar.“
Þórir Haraldsson er formað-
ur hollvinafélagsins. Hann seg-
ir að stjórn þess sé í raun að koma
á framfæri skoðun margra og ekki
síst þeirra sem nýta þá þekkingu
sem kemur út úr skólanum. „Við
megum ekki vanmeta mikilvægi
framtíðarmöguleika þessa skóla við
að kenna fólki að framleiða og afla
fæðu. Það líður ekki á löngu þar
til Evrópa verður ekki aflögufær.
Mér hefur verið sagt að á hverj-
um degi bætist 260 þúsund munnar
við í heiminum sem þarf að metta.
Því er sú menntun sem hefur feng-
ist á Hvanneyri og á öðrum stöð-
um skólans mjög mikilvæg. Það er
nauðsynlegt að styrkja hana og efla,
til þess að við vitum hvað við getum
boðið landinu okkar og umhverfi
uppá í nútíð og framtíð,“ segir Þór-
ir Haraldsson. bgk
Skora á yfirvöld að tryggja
stöðu og sjálfstæði LBHÍ
Gistinóttum fjölgaði mest á
Vesturlandi síðustu tólf mánuði
urlandi í maí, eða 41%. Á tólf mán-
aða tímabili fjölgaði gistinóttum á
landinu öllu um 13%. Á Vestur-
landi og Vestfjörðum var aukning-
in 23% síðasta árið og er það mesta
aukning einstakra landshluta milli
ára. mm
Nýdauðan guðlax rak á fjöru
við Melabakka
Keilir II orðinn klár til veiða og rennir að olíubryggjunni á föstudaginn. Ljósm. hb.
Tregar gæftir á makrílinn
Rolls Royce á ferðinni
Hvassviðri á fyrsta
degi nýs strandveiði-
tímabils
Vel rauk úr bæjarfossinum í Ólafsvík í hvassviðrinu. Egill SH að koma að landi eftir að hafa verið á veiðum á Vestfjarðamiðum.