Skessuhorn - 09.07.2014, Blaðsíða 14

14 MIÐVIKUDAGUR 9. JÚLÍ 2014
Á Hellissandi er tilhlökkunin mik-
il og um fátt annað talað þessa dag-
an en Sandaragleðina sem fram-
undan er. Í Rifi tekur Frystiklefinn
þátt í þessu magnaði skemmtana-
haldi með tveimur leiksýningum,
21:07 og Hetju. Leikritið 21:07 er
gamanleikur byggður á lendingu
geimvera árið 1993 og með hann
fara leikararnir Kári Viðarsson og
Víkingur Kristjánsson. Hetja er
flestum kunnug en sýningin fjallar
um Snæfells sögu Bárðaráss og er
heimasýning Frystiklefans í sumar.
Í sumar hefur hún oftast verið flutt
á ensku en þetta skiptið fer Kári
Viðarsson með hana á íslensku.
Stórviðburður Frystiklefans í
tengslum við Sandaragleðina hlýtur
þó að teljast frumsýning Ara Eld-
járns á nýju stand-upi á fimmtudeg-
inum. Ari hefur ákveðið að frum-
flytja grínefnið í Rifi en hann mun
í sumar ferðast um með verkið hér
á landi, í Danmörku og að lokum á
stærstu grínhátíð Norðurlandanna
sem verður í Lundi.
mm
Rafhljómsveitin Worm Is Green,
sem skipuð er tónlistarfólki frá
Akranesi og Borgarnesi, hefur gefið
út nýja plötu. Platan sem heitir To
Them We Are Only Shadows kom
út sjötta júlí síðastliðinn og er sú
fjórða frá hljómsveitinni. Lítið hef-
ur farið fyrir Worm Is Green síð-
astliðin ár en síðasta plata hljóm-
sveitarinnar, Glow, kom út árið
2009. Hljómsveitarmeðlimir fóru
þó í tónleikaferðalag til Kína í apríl
á síðasta ári og spiluðu þar í þrem-
ur borgum.
To Them We Are Only Shadows
inniheldur tíu lög og hefur platan
þegar fengið lof erlendra gagnrýn-
enda. Í grein Igloo magazine um
nýju plötuna segir tónlistargagn-
rýnandinn Daniel Miller, að plat-
an sé safn raftónlistarstrauma síð-
ustu fimm ára sem mæti tilfinning-
um þeirra radda sem voru í tónlist
fimm árum áður. Segir hann að með
því að hlusta á lög plötunnar finni
fólk fyrir þeirri fagurfræði sem sé í
vonleysi sínu staðsett á litlum fal-
legum kletti í Norður-Atlantshafi.
Daniel heldur svo áfram að lofsama
plötuna og hvetur lesendur sína að
taka skoðunarferð um Akranes á
Google-maps til að fá meiri tilfinn-
ingu fyrir tónlistinni.
jsb
Myndlistasýningin Dalir og hólar
- LITUR var opnuð síðastliðinn
laugardag í Ólafsdal við Gilsfjörð.
Sýningin mun standa til 10. ágúst.
Myndlistarsýningin er nú sett upp
í fimmta skipti en fyrsta sýning-
in var sumarið 2008. Sýningarn-
ar Dalir og hólar draga nafn sitt
af staðsetningu sinni; Dalabyggð
og Reykhólasveit, nánar tiltekið
svæðinu við Breiðafjörð og í Döl-
um. Markmið sýninganna er að
vekja athygli á menningu og nátt-
úru þessara héraða og hvetja sýn-
ingargesti til ferðalags um svæðið.
Um leið eru kynnt verk samtíma-
listamanna og nálgun þeirra við
viðfangsefni sín.
Að þessu sinni eiga fimm mynd-
listamenn verk á sýningunni; Bjarki
Bragason, Eygló Harðardóttir,
Gerd Tinglum, Logi Bjarnason og
Tumi Magnússon. Stjórn sýningar-
innar er í höndum Sólveigar Aðal-
steinsdóttur og Þóru Sigurðardótt-
ur. Að sögn Þóru eru sýningarn-
ar ólíkar á milli ára. „Það eru allt
aðrir listamenn og verkin eru hvert
með sínu sniði. Þemað í ár er lit-
ur,“ segir Þóra. Hún segir þessa til-
teknu listamenn hafa verið valda til
þátttöku vegna þess að þeir vinna
gjarnan með liti í sinni list. „Við
bjóðum að auki alltaf einum er-
lendum listamanni til að vera með
verk á sýningunni. Í ár er það Gerd
Tinglum frá Noregi. Hún var ný-
lega kosin sem rektor í Listaaka-
demíunni í Bergen og var reyndar
ráðin eftir að við fengum hana með
í sýninguna,“ bætir hún við. Verk-
in sem sýnd eru í ár eru af ýmsum
toga. Meðal annars má þar finna
teikningar, málverk, skúlptúra,
myndbönd og hljóðverk.
Hver listamaður velur
sér stað
Hver listamaður hefur valið sér
stað til að vinna með og eru sýn-
ingarnar staðsettar í húsum og á
landsvæðum bænda og landeig-
enda á svæðinu. Náttúra og menn-
ing sveitanna mynda sérstaka um-
gjörð sýningarinnar og eru kveikja
verkanna sem unnin eru sérstak-
lega fyrir sýninguna. „Við fórum
í vettvangsferð í byrjun apríl. Þá
heimsóttum við alla þá staði sem
komu til greina og við höfðum
fengið ábendingar um. Listamenn-
irnir tóku þá ákvörðum um stað-
ina og í framhaldi af því unnu þeir
verk sem tengjast þeim.“ Sýningin
er á stóru svæði sem afmarkast af
Byggðasafninu á Laugum, Skarðs-
strönd, Reykhólum, Króksfjarða-
nesi og Ólafsdal. „Í raun er sýnt
á átta stöðum og staðirnir dreifast
um dálítið svæði. Verkin geta ver-
ið staðsett t.d á atvinnusvæði, í yf-
irgefnum húsum eða utandyra. En
gert er ráð fyrir að fólk geti með
góðu móti farið um sýningarsvæð-
ið á dagsparti,“ útskýrir Þóra. Sýn-
ingarskráin er aðgengileg á helstu
áfangastöðum á Vesturlandi og er
hún jafnframt vegakort um sýning-
arsvæðið og veitir leiðsögn um það.
„Forsendan fyrir sýningunum Dal-
ir og hólar er samvinna við land-
og húseigendur, einstaklinga og
fyrirtæki hér á svæðinu. Það er líka
einn af þeim þáttum sem gera sýn-
ingarnar svo áhugaverðar, það er
þetta samtal sem verður. En einn-
ig stuðningur aðila eins og Menn-
ingarráðs Vesturlands sem hefur
styrkt allar sýningarnar og Mynd-
listarsjóðs, sem styrkir verkefnið að
þessu sinni. Sveitarfélögin Reyk-
hólasveit og Dalabyggð leggja okk-
ur líka lið, sem og Ólafsdalsfélag-
ið, Myndlistarskólinn í Reykjavík,
Norðursalt og Nýlistasafnið, auk
Nýpurhyrnu.“
grþ
Gullfoss, nýr hvalaskoðunar- og
sjóstangveiðibátur á Akranesi, fór
í jómfrúarferð sína á sunnudaginn
við lok Írskra daga. Regína Ásvalds-
dóttir, bæjarstjóri var með í för og
landaði hún fyrsta fiskinum um
borð. „Hún veiddi þónokkra fiska,
tók tvo makríla í hali og veiddi
þorsk líka,“ segir Gunnar Leif-
ur Stefánsson einn eigenda Gull-
foss. „Það var mokveiði hjá öllum.
Báturinn kemur vel út og allir voru
ánægðir. Svo grilluðum við aflann á
heimleiðinni,“ sagði Gunnar.
Gullfoss verður eini báturinn hér
á landi sem býður upp á blöndu
af sjóstangveiði og hvalaskoðun,
en hann tekur 100 farþega og 25
veiðistangir eru um borð. Í þess-
ari fyrstu ferð veiddust tugir fiska;
ýsa, þorskur, ufsi og makríll sem
nýlega er genginn hér inn á veiði-
slóð. „Við sigldum bara rétt út fyr-
ir höfnina. Hér við Akranes er alls
staðar fiskur og sérstaklega mikið af
makríl. Hvalurinn er svo hérna rétt
fyrir utan.“
Gullfoss var keyptur í vetur frá
Pool í Englandi en hann verð-
ur gerður út frá Akranesi. Gunn-
ar Leifur segist reikna með að í lok
vikunnar verði báturinn kominn á
fullan skrið í rekstri. „Við erum að
hefja mikla uppbyggingu í ferða-
þjónustunni hér sem innifelur með-
al annars í sér samstarf við aðila í
Borgarfirði og á Snæfellsnesi. Hug-
myndin er að þjappa þessu saman
og búa til það sem við ætlum að
kalla „demantshringinn“. Það eru
spennandi tímar framundan.“
mm/sas
Eygló Harðardóttir kemur fyrir mynd-
listarverki sínu í hinni fornu Skarðs-
stöð á Skarðsströnd. Ljósm. Þóra
Sigurðardóttir.
Myndlistarsýningin Dalir
og hólar opnuð
Plötuumslagið á nýju plötu Worm Is
Green, To Them We Are Only Shadows.
Erlendir gagnrýnendur hrifnir af
nýrri plötu Worm Is Green
Ari Eldjárn hitar upp
fyrir Sandaragleðina
Aflinn í þessari fyrstu veiðiferð var
fínn. Ljósm. Jónas H Ottósson.
Regína landaði fyrsta fiskinum í Gullfossferð
Regína Ásvaldsdóttir með fyrsta fiskinn. Ljósm. sas.
Gullfoss í hafnarmynninu. Ljósm. Jónas H Ottósson.