Skessuhorn - 09.07.2014, Blaðsíða 20

20 MIÐVIKUDAGUR 9. JÚLÍ 2014
Veðrið kom ekki í veg fyrir góða stemningu á Írskum dögum
Írskir dagar voru haldnir í fimm-
tánda skipti á Akranesi um síðustu
helgi. Að sögn Önnu Leif Elí-
dóttur, verkefnastjóra menning-
armála Akranesskaupstaðar, gekk
hátíðin vel þrátt fyrir hvassviðri
um helgina. „Hátíðin gekk ljóm-
andi vel. Veðrið var ekki gott til að
byrja með en við þurftum þó lít-
ið að hliðra skipulagi hátíðarinn-
ar og skapaðist mjög góð stemn-
ing í bænum. Við áætlum að þátt-
takendur hafi verið á bilinu tvö
til þrjúþúsund á öllum stærri við-
burðum hátíðarinnar. Götugrill-
in á föstudagskvöldinu voru hald-
in víðast hvar í bænum þrátt fyr-
ir að veðrið hefði ekki verið sér-
lega gott. Fólk var greinilega að
nýta reynsluna frá vonda veðrinu í
fyrra og var við öllu búið og grill-
aði víða innandyra. Á laugardag-
inn fór fram keppnin um rauð-
hærðasta Íslendinginn og voru
35 manns sem kepptu um titilinn
í ár. Jafnvel sjósund Írskra daga
fór fram á laugardagsmorgninum
þrátt fyrir fremur slæmar aðstæð-
ur. Létu þátttakendur vel af sund-
inu þótt nokkrir hefðu fundið fyr-
ir sjóriðu eftirá. Á sunnudaginn
var svo komið prýðis veður og var
góð mæting á skemmtun í Garða-
lundi,“ segir Anna Leif ánægð
um gengi Írskra daga í ár. Fjöl-
mennasti einstaki viðburðurinn
á Írskum dögum var Lopapeysan
sem fram fór í tjaldi og Sements-
skemmunni niður við höfn. Að
sögn Ísólfs Haraldssonar hjá Vin-
um hallarinnar gekk Lopapeysan
gríðarlega vel. Hátt í þrjú þúsund
manns mættu og mikið af utan-
bæjarfólki. Fólk skemmti sér vel
og ekki vitað um nein alvarleg at-
vik þrátt fyrir margmennið.
jsb/ Ljósmyndir: Kolbrún Ingv-
arsdóttir, Magnús Magnússon,
Akraneskaupstaður og IA.is
Besta veðrið á Akranesi þessa helgina var í skjólinu neðan við grjótgarðinn á Langasandi þegar sandkastalakeppnin fór fram á laugardaginn. Hér eru þátttakendur
ásamt dómurum eftir að allir höfðu fengið viðurkenningar sínar. Ljósm. mm.
Krakkar gátu tekið þátt í þrautabraut
samhliða Hálandaleikunum. Ljósm. ki.
Fjallabræður sungu að kvöldi fimmtudags í Akranesvita þar sem Bjarni Þór
Bjarnason opnaði myndlistarsýninguna Hafið tók fyrr um daginn. Ljósm. ki.
Setning Írskra daga fór fram á Hálandaleikunum á Merkurtúni á fimmtudeginum.
Hér eru f.v. Hlédís Sveinsdóttir verkefnisstjóri, Hjalti Úrsus Árnason, Regína Ás-
valdsdóttir bæjarstjóri og Anna Leif Elídóttir verkefnisstjóri. Ljósm. ki.
Tekið á því á Hálandaleikunum.
Ljósm. ki.
Sögubíllinn mætti á Bókasafn Akraness á fimmtudaginn þar sem
lesið var fyrir yngstu börnin. Ljósm. ki.
Systkinin Bjarni Þór og Fedda ólust upp í Kringlu, þaðan sem fimm
ungmenni voru sem fórust í Hafmeyjarslysinu. Hér eru þau ásamt
Ástu konu Bjarna við opnun sýningarinnar í vitanum. Ljósm. mm.
Þau gerðu sitt til að halda uppi stemningunni. Ljósm. ki.
Dorgveiðikeppni í boði Módels var á
laugardagsmorguninn. Þessi unga
snót tók þátt. Ljósm. ki.
Þau voru ófá írsku flöggin sem fóru illa í hvassviðrinu á Akranesi um helgina.
Þetta þoldi þó hvað sem var. Garðar Jónsson málarameistari málaði einfaldlega
írska fánann á veginn heima hjá sér. Ljósm. mm. Ýmis listaverk urðu til í sandkastalakeppninni. Einnig hákarlar. Ljósm. mm.
Glæsibifreiðar voru til sýnis á Ráðhússplaninu. Ljósm. mm.
Húsasmiðjan bauð að venju upp á pylsur. Að þessu sinni þurfti að
færa grillið inn vegna veðurs. Ljósm. mm.
Þau skelltu sér í sjósund á laugardaginn. Líklega var þeim eina
fólkinu sem var hlýtt á svæðinu þegar þau komu uppúr! Ljósm. ki.