Skessuhorn - 08.10.2014, Blaðsíða 4

4 MIÐVIKUDAGUR 8. OKTÓBER 2014
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudög-
um. Auglýsendum er bent á að panta auglýsingapláss tímanlega. Skilafrestur smáaug-
lýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.480 krónur með vsk. á mánuði. Elli- og örorkulífeyrisþegar greiða kr.
2.150. Verð í lausasölu er 600 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Þórhallur Ásmundsson, blaðamaður th@skessuhorn.is
Guðný Ruth Þorfinnsdóttir, blaðamaður gudny@skessuhorn.is
Magnús Þór Hafsteinsson, blaðamaður mth@skessuhorn.is
Auglýsingar og dreifing:
Pálína Alfreðsdóttir palina@skessuhorn.is
Valdimar Björgvinsson valdimar@skessuhorn.is
Tinna Ósk Grímarsdóttir (vefauglýsingar) tinna@skessuhorn.is
Umbrot:
Ómar Örn Sigurðsson omar@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Afmælið
Þegar þetta var skrifað voru nákvæmlega upp á mínútu sex ár frá því Geir
bað Guð að blessa Ísland. Bankarnir höfðu farið á hausinn og allir vita
jú framhaldið. Mér finnst mjög mikilvægt að þjóðin gleymi aldrei þessum
degi. Þá kom nefnilega í ljós hvað hópur glæpamanna hafði gert þjóð sinni.
Þeir voru kallaðir útrásarvíkingar og einhver taldi að þeir hefðu verið 33 að
tölu. Nú á sex ára afmælinu minnist ég þess ekki að nokkur þessara 33 ein-
staklinga hafi hlotið dóm sem nokkru nemur fyrir misgjörðir sínar. Örfáir
hafa jú fengið hvíldarinnlögn á Kvíabryggju fyrir siðasakir, en það eru ein-
ungis litlu peðin í miklu stærra tafli. Víkingar þessir hafa síðan þetta var
notað gróðan af braski sínu til að fjárfesta í íslenskum fyrirtækjum, svo sem
smálánafyrirtækjum, matvörukeðjum eða fjölmiðlum. Aðrir komust með
peningana úr landi, sumir segja í ferðatöskum. Eina refsingin sem þeir hafa
hlotið er skert álit almennings á viðkomandi. Og fjandinn vorkenni þeim
fyrir það.
Á afmæli hrunsins á fólk að rifja upp hvað orsakaði að svona fór fyr-
ir heilli þjóð. Af hverju þessum mönnum tókst að ræna innanfrá banka og
önnur stoðfyrirtæki í íslensku samfélagi. Almenningur var vissulega líka
búinn að spila með í geyminu og það þótti enginn maður með mönnum í
henni Reykjavík nema eiga að minnsta kosti hundrað milljóna króna hús á
mörgum hæðum, með fimmtán herbergjum, vínkjallara og þreföldum bíl-
skúr. Allt þetta fólk fór náttúrlega á hausinn, eða réttara sagt tapaði eign-
um sem það raunverulega hafði aldrei átt neitt í, en var skrifað fyrir. Það
var bara svo fínt að þykjast eiga svona stór hús og svona rúmgóða skúra fyr-
ir kaupleigubílana.
En það voru ekki einungis víkingar þessir og ráðvilltur almenningur sem
hagaði sér svona. Stjórnmálamenn höfðu árin fyrir hrun tekið sér milljón-
ir í styrki frá stórfyrirtækjum til að heyja prófkjör og berjast til valda. Af
hverju þáðu þeir styrki? Jú, gegn greiða af því tagi skyldu þeir ekki setja
regluverk sem kæmi í veg fyrir að hægt væri að ræna banka innanfrá, líf-
eyrissjóði eða önnur fyrirtæki um hábjartan dag. Það þótti t.d. sjálfsagt að
veðsetja fiskkvóta fyrir hlutabréfum í flugfélögum eða gambla með tjóna-
sjóði tryggingafélaga og kaupa verðlaus hlutabréf. Þjóðfélagið var gjörsam-
lega komin á hvolf.
En nú er árið 2014 og má velta fyrir sér hvað hafi breyst. Breyst? Það
hefur ekkert breyst! Það eru meira að segja sömu flokkar komnir í ríkis-
stjórn og voru fyrir öll ósköpin. Almenningur er að vísu talsvert blankari á
pappírunum en hann var fyrir hrun. Það er nefnilega lögmál að ef einhver
græðir peninga, þá tapar annar jafn miklu. Alltaf er það jú almenningur
sem ber skarðan hlut frá borði því þannig vilja peningaöflin hafa það. Þau
sem raunverulega stjórna landinu. Þessi öfl þrífast á að það sé vitlaust gef-
ið. Á sama tíma og þjóðin telur sig ekki eiga sextíu milljarða til að byggja
nýjan spítala, græða bankarnir hærri upphæð á einu ári! Eitt útgerðarfyrir-
tæki græddi 22 milljarða á síðasta ári. Af hverju? Jú, af því gengi krónunnar
er skráð því í hag, í boði Seðlabankans og peningaaflanna sem stjórnmála-
mennirnir vinna fyrir eins og strengjabrúður. Hverjum hefði t.d. dottið
það í hug fyrir síðustu kosningar að ríkisstjórnin myndi hafa það sitt fyrsta
verk að leggja niður auðlegðarskatt? Sama stjórn er ekki ennþá, hálfu öðru
ári frá kosningum, búin að leiðrétta svo mikið sem um eina krónu stökk-
breyttu húsnæðislánin. Samt tryggði það loforð framhaldslíf þessara flokka.
Og fjölmiðlarnir? Þeir þegja þunnu hljóði af því þeim er líka stýrt af þess-
um litla hópi fólks sem er peningamegin í þjóðfélaginu. Eru í eigu útvegs-
manna eða útrásarvíkinga sem verst af öllum höguðu sér. Meira að segja
Ríkisútvarpið er á hausnum, hvernig í veröldinni sem það var hægt. Dug-
ar ekki fjórir milljarðar á ári í áskriftartekjur en er ógjaldfært af greiðslum
á tæplega sex milljarða króna láni! Þótt þetta sé engin skemmtilesning, þá
fannst mér ekki annað koma til greina en að rifja nokkur þessara „smáat-
riða“ upp svona á afmælisdegi hrunsins. Það má ekki gleyma svona lög-
uðu, aldrei.
Magnús Magnússon.
Á fimmta hundrað ferðaþjónustu-
fyrirtæki komu saman í Laug-
ardalshöllinni í Reykjavík þegar
kaupstefnan Vestnorden var haldin
í síðustu viku. Þar kynntu þau vöru-
framboð sitt fyrir erlendum ferða-
heildsölum sem sóttu kaupstefn-
una. Ferðaþjónustuaðilar á Vestur-
landi létu sig ekki vanta á samkom-
una en Markaðsstofa Vesturlands
var í forsvari fyrir landshlutann. Að
sögn Rósu Bjarkar Halldórsdóttur
hjá Markaðsstofunni hafa fulltrúar
frá Vesturlandi aldrei verið fleiri en
í ár. Vestlensku ferðaþjónustufyr-
irtækin sem sóttu Vestnorden eru
bjartsýn á framgang ferðaþjónust-
unnar í landshlutanum, enda eru
mörg spennandi verkefni í farvatn-
inu hjá þessari stærstu útflutnings-
grein landsins.
Á meðfylgjandi hópmynd má sjá
þá ferðaþjónustuaðila frá Vestur-
landi sem voru með kynningarbás
á Vestnorden 2014. Í efstu röð frá
vinstri eru Þór Magnússon Vatns-
helli, Sigurður Skarphéðinsson Ís-
helli, Þórir Örn Ólafsson Hót-
el Búðum, Jóhannes Arason Hót-
el Búðum, Kristján Guðmunds-
son Markaðsstofu Vesturlands, Ar-
grímur Hermannsson Ice Explorer,
Gísli Ólafsson Láki Tours og Hót-
el Framnes, Skarphéðinn Stein-
arsson Harbour hostel og Ocean
Safari, Þórður Kristleifsson Hót-
el Húsafelli, Stefanía Óttarsdóttir
Hótel Bifröst og Ægir Þór Þórsson
Vatnshelli. Í miðröð frá vinstri eru
Helga Halldórsdóttir Egils Guest-
house, Nadine E. Walter Sæferð-
um, Þórunn Sigþórsdóttir Hótel
Egilsen, María A.Valdimarsdóttir
Sæferðum, Kristján Karl Kristjáns-
son Hótel Sól og Ferstikluskálan-
um. Í neðstu röðinni eru frá vinstri:
Edda Arinbjarnar Sögu Jarðvangi,
Gréta Sigurðardóttir Hótel Egil-
sen, Shelagh Smith Láki Tours og
Hótel Framnesi, Rósa Björk Hall-
dórsdóttir Markaðsstofu Vestur-
lands. Ljósmyndirnar tók Helga
Halldórsdóttir. grþ
„Starfsfólk Landbúnaðarháskóla Ís-
lands mótmælir skefjalausum nið-
urskurði á starfi LbhÍ og skorar á
ríkisstjórn og Alþingi að taka til al-
varlegar skoðunar þá fordæmalausu
stöðu sem stofnunin hefur ver-
ið sett í. Frá stofnun skólans árið
2005, með sameiningu Landbún-
aðarháskólans á Hvanneyri, Rann-
sóknastofnunar landbúnaðarins og
Garðyrkjuskóla ríkisins á Reykjum,
hefur starfsfólki fækkað um helm-
ing þrátt fyrir fyrirheit um upp-
byggingu,“ segir í fréttatilkynn-
ingu í gær sem allir starfsmenn
LhbÍ eiga aðild að. „Ekki sér fyrir
endann á niðurskurði og uppsögn-
um starfsfólks með óvæntum nið-
urskurði á framlögum frá atvinnu-
vega- og nýsköpunarráðuneyti um
18 milljónir, til viðbótar við harða
endurgreiðslukröfu Alþingis og
mennta – og menningarmálaráðu-
neytis. Sú fjölbreytta starfsemi á
sviði menntunar og rannsókna á ís-
lenskri náttúru, matvælaframleiðslu
og fjölbreyttri nýtingu náttúruauð-
linda sem fram fer við skólann á því
verulega undir högg að sækja. Kæru
ráðamenn þjóðarinnar: Nú er nóg
komið,“ segja starfsmenn LbhÍ, all-
ir sem einn.
mm
„Í þessari hagræðingu sem uppsögn-
um fylgja reynum við að verja eins
og kostur er kennslu og rannsókn-
ir. Nokkur af störfunum tíu sem
lögð verða niður um næstu áramót
tengjast verkefnum sem liggja utan
kjarnastarfsemi háskóla í strang-
asta skilningi. Þar má nefna verk-
efni eins og þjónustuefnagreiningar
á fóðri og jarðvegi, kynbótamatsú-
treikninga og fleira. Ekki er lengur
rekstargrundvöllur fyrir þessi verk-
efni og tengist það að hluta til þeirri
kreppu sem verið hefur í stoðkerfi
landbúnaðarins síðustu árin og
minnkandi eftirspurn eftir þjón-
ustunni. Einnig verður brugðist við
fækkun starfa við skólann með því
að sameina störf á kennslusviði og
við umsjón fasteigna og fleira,“ seg-
ir Björn Þorsteinsson rektor Land-
búnaðarháskólans á Hvanneyri í
samtali við Skessuhorn. Á starfs-
mannafundi sem haldinn var mið-
vikudaginn 1. október var tilkynnt
um skipulagsbreytingar vegna upp-
sagna tíu starfsmanna við skólann
sem tóku gildi þann dag og eiga
að koma til framkvæmda um næstu
áramót.
Björn segir að erfitt sé að verða
við þeirri hagræðingarkröfu sem
beint er til stjórnenda skólans í fjár-
lagafrumvarpinu. Þegar fjárlögin
voru kynnt var 7,8 milljóna króna
hagræðingarkrafa í rekstri skólans
fyrir næsta ár auk þess sem skól-
anum verði gert að greiða framúr-
keyrslu liðinna ára upp á samtals 35
milljónir króna. „Síðan birtist það
óvænt frá atvinnu- og nýsköpunar-
ráðuneytinu að ráðuneytið lækkar
framlag til rannsóknarsamnings við
skólann um 18 milljónir króna. Þá
er þetta orðið samtals aðhaldskrafa
upp á 60 milljónir króna á næsta
ári. Eins og þetta blasir við okk-
ur er þetta eins og 10% flatur nið-
urskurður á skólann þegar á heild-
ina er litið, sem Illuga Gunnarssyni
menntamálaráðherra virðist hafa
verið ókunnugt um,“ segir Björn
Þorsteinsson. þá
Helga Halldórsdóttir frá Egils Guesthouse og Ása Sigurlaug Harðardóttir frá B&B
Borgarnesi.
Aldrei fleiri ferðaþjónustuaðilar
frá Vesturlandi á Vestnorden
Allir ferðaþjónustuaðilarnir frá Vesturlandi samankomnir á Vestnorden.
Hótel Egilsen í Stykkishólmi var meðal
þeirra fyrirtækja sem voru með bás á
kaupstefnunni.
Björn Þorsteinsson rektor er hér ásamt
nokkrum nemendum LbhÍ við plöntu-
rannsóknir. Ljósm. úr safni.
Skipulagsbreytingar á starfsemi
LbhÍ í kjölfar uppsagna
Allir starfsmenn LbhÍ standa saman
og segja „Nú er nóg komið“