Skessuhorn - 08.10.2014, Blaðsíða 12

12 MIÐVIKUDAGUR 8. OKTÓBER 2014
Fyrrverandi og núverandi bílstjór-
ar Mjólkursamsölunnar í Reykja-
vík voru saman á ferð um síðast-
liðna helgi. Það er árlegur viðburð-
ur hjá þeim að fara í ferð saman og í
þetta skiptið komu þeir við á Akra-
nesi, kíktu á Sauðamessu í Borgar-
nesi, Hernámssetrið í Hvalfjarðar-
sveit og borðuðu að lokum kvöld-
verð í Kaffi Kjós. Hér eru þeir við
Akranesvita á Breiðinni.
grþ/ Ljósm. Áskell Þórisson.
Mjólkurbílstjórar á ferð
Fjölmenni við opnun Landbúnaðarsafnsins
Síðastliðinn fimmtudag var Land-
búnaðarsafn Íslands formlega opn-
að í Halldórsfjósi á Hvanneyri. Ull-
arselið flutti jafnframt starfsemi
sína og verslun í anddyri fjóssins
á sama tíma. Fjölmenni var saman
komið til að fagna þessum merka
áfanga. Í fjóshlöðunni fór fram
samkoma þar sem bekkir voru þétt
setnir. Björn Þorsteinsson rekt-
or LbhÍ og stjórnarmaður í safns-
stjórn stýrði samkomunni. Bjarni
Guðmundsson fór í ávarpi yfir sitt-
hvað er snertir varðveislu minja úr
búnaðarsögunni, allt frá upphafi til
dagsins í dag. Kolfinna Jóhannes-
dóttir sveitarstjóri Borgarbyggðar
ávarpaði samkomuna og færði drif-
fjöðrunum að safninu blóm. Loks
var það handhafi borgfirsku menn-
ingarverðlaunanna; Karlakórinn
Söngbræður, sem flutti nokkur lög
undir stjórn Viðars Guðmundsson-
ar. Jóhannes Ellertsson starfsmað-
ur Landbúnaðarsafns setti loks for-
láta húna úr horni á hurð að safn-
inu áður en það var formlega opn-
að með því að Anna Guðrún Ás-
geirsdóttir, settur þjóðminjavörður,
leysti reipishnút í fjósdyrunum og
opnaði sýninguna formlega á nýj-
um stað.
Skessuhorn vísar til umfjöllunar
í blaðinu í síðustu viku um safn-
ið á nýjum stað. Meðfylgjandi eru
til viðbótar þeirri frásögn nokkrar
myndir frá því á fimmtudaginn.
mm
Anna Guðrún Ásgeirsdóttir naut
liðsinnis tveggja ungra pilta við að
leysa hnútinn.
Jóhannes Ellertsson festir húnana. Sveitarstjórn Borgarbyggðar færði nokkrum af driffjöðrum safnsins blóm að gjöf. F.v. Haukur Júlíusson, Jóhannes Ellertsson,
Kolfinna Jóhannesdóttir sveitarstjóri og Bjarni Guðmundsson.
Karlakórinn Söngbræður. Félagar þjóðlega klæddir í tilefni dagsins.
Hér er gantast með að sýningarbrúðan sé þreytuleg eftir annir undanfarinna
daga. Árni í Árdal og Jómundur á Heggsstöðum.
Hluti af hópnum sem stendur að Ullarselinu. F.v. Kristín Gunnarsdóttir, Ágústa
Þorvaldsdóttir, Hrönn Jónsdóttir, Ástríður Sigurðardóttir og Guðríður Ebba Páls-
dóttir.
Nýtni er kjörorð Ullarselsfólks sem notar gömul Skessuhornsblöð í búðarpoka.
Í Ullarselinu er mikið úrval ullarfatnaðar. Hér eru peysur í hundraðatali.