Skessuhorn - 22.10.2014, Blaðsíða 26
26 MIÐVIKUDAGUR 22. OKTÓBER 2014
Laugardagskvöldið 1. nóvem-
ber næstkomandi klukkan 20:30
verða haldnir tónleikar í Loga-
landi í Borgarfirði. Tilefnið er 50
ára afmæli Hafsteins Þórisson-
ar bónda og tónlistarkennara fyrr
á þessu ári. Hafsteinn starfar sem
kennari við Tónlistarskóla Borgar-
fjarðar. Árið 2010 gaf hann út sinn
fyrsta geisladisk sem nefndist Eitt-
hvað fyrir alla. Hann hefur undan-
farnar vikur unnið að undirbúningi
fyrir tónleikana og mun þar ásamt
hljómsveit leika lög af fyrrnefnd-
um diski ásamt ýmsu öðru efni sem
hann hefur samið síðastliðin 15 -
20 ár. Nú þegar er Hafsteinn bú-
inn að taka upp nokkur lög sem
fyrirhugað er að setja á næsta disk
sem hann kveðst vona að komi út á
næstu árum.
Hafsteinn hefur verið viðloð-
andi tónlist í meira en 35 ár og
samdi meðal annars alla tónlist
við söngleikinn Töðugjaldaballið
eftir Bjartmar Hannesson bónda
á Norðureykjum í Hálsasveit. Þá
hefur hann leikið í ýmsum dans-
hljómsveitum úr Borgarnesi og ná-
grenni. mm
Daprast hugur, dimmir sýn - dropi varla sýndur
Vísnahorn
„Fátt er betra en íslenska lambakjötið“ seg-
ir Villi naglbítur í hverjum sínum spurninga-
leik og það er örugglega ekki það vitlausasta
sem hann hefur sagt. Nú stendur sláturtíðin
sem hæst sem var um hríð uppgripavertíð fyr-
ir marga úr sveitunum sem unnu ósleitilega í
sláturtíðinni þó nú orðið séu mörg sláturhús
mönnuð útlendingum að mestu. Það hefur
líklega verið árið 1950 sem Erlingur Jóhann-
esson orti svokallaða Gorvellingarímu um þá
er störfuðu það haust við sláturhús Kaupfélags
Borgfirðinga við Kljáfoss. Verkstjóri þar um
árabil var Pétur Jónsson í Geirshlíð og er hans
getið í þeim fræðum með þessum orðum:
Mikli Pétur æðstur er,
eins og hetja störfin rækir.
Stjórnað getur hraustum her,
hann í metorð drjúgum krækir.
Vaxtarhár svo einstakt er,
álnir þrjár - og skippund vegur.
Feikna knár og fylginn sér,
fjandans ári hermannlegur.
Árni Theódórsson á Brennistöðum mun
hafa haft með höndum eftirlit með hreinlæti
og öðru sem ýmsum hefur án vafa þótt óþarfa
pjatt á þeim árum:
Frægur maður Árni er
engar dyggðir felur
berum augum sýkla sér,
safnar þeim og telur.
Haustið 1962 fór starfsfólk sláturhússins í
skemmtiferð til Reykjavíkur í lok sláturtíðar.
Var fengin rúta hjá Magnúsi Gunnlaugs-
syni sem þá hafði sérleyfið Akranes – Reyk-
holt – Reykjavík en ökumaður var Gunnlaug-
ur sonur Magnúsar. Í förinni voru meðal ann-
arra Ingvar Magnússon á Hofsstöðum í Staf-
holtstungum, Sigmundur Einarsson í Gróf og
Ólafur Kjartansson á Veiðilæk. Í Gorvellinga-
rímu Erlings er minnst á Ingvar með þessum
vísum:
Ingvar kannast allir við
oft við staupið snjallt hann syngur.
Heldri manna hefur sið
hestakaupasérfræðingur.
Tíðum hann með hesta sést
hlaupaglanna úrvals merka.
Ríður manna mest og best
-mikið kann til þeirra verka.
Bjartur skallinn ávallt er
eins og mjallhvít jökulhetta.
Glansinn allur af þó fer
ef að kallar gori sletta.
Stuttu eftir að lagt var af stað til þeirrar
stóru Babýlonar vors lands kom þessi fyrri-
partur frá Sigmundi:
Ingvar þykir allra bestur,
einkum þó í rómantík.
Ingvar botnaði:
Simbi þóttist manna mestur
í miðbænum í Reykjavík.
Nokkru síðar segir Sigmundur aftur:
Glampar sól á gullinn skalla
gamli Ingvar skammast sín,
okkar sól á ferð til fjalla
fegra líf og brennivín.
Nú kom fyrripartur frá Ingvari:
Sit ég glaður sumbli í
sumir hugsa um físu.
Sigmundur botnaði:
Ingvar situr einn frammí
er að smíða vísu.
Síðan kom næsti smíðisgripur frá Ingvari:
Engan dreymir ástartól
eftir breiðum vegi.
Ólafur er okkar sól
ef að hallar degi.
Og svo Sigmundur aftur:
Ingvar verður frjáls og frí
frárri en nokkur kálfur,
Klúbbinn mun hann komast í
kannske meira en hálfur.
Næst kom svo frá Ingvari:
Daprast hugur, dimmir sýn,
dropi varla sýndur,
enginn hefur ekta vín,
Elefantur týndur.
Ingvar hafði sem sagt týnt tösku sinni á
skemmtistaðnum en í henni var ílát með þeim
ágæta drykk Elephant sjenever sem var tísku-
drykkur á þeim árum en er nú flestum gleymd-
ur eins og margt fleira sem nær hylli fjöldans
um stundarsakir. Á heimleiðinni sveif Ingvari
blundur á brá en Sigmundur gerði sitt besta
til að skemmta honum með því að syngja ,,Ó
solo mió“. Þar sem Ingvar var hins vegar sof-
andi naut hann ekki söngsins sem skyldi en
kvað þegar hann vaknaði:
Nú fór illa auminginn.
Ákaft Gulli keyrði.
Ég solo mio sönginn þinn
sá hvorki né heyrði.
Þær vísur sem Sigmundur fékk í brag Erlings
voru á þessa leið:
Simbi æði sýnist mjór,
svona hálfur maður,
Í eigin huga alltaf stór
alltaf sjálfur glaður.
Þó að grannur þyki hann
það ei sakað getur,
sálin dygði í meðalmann,
máske heldur betur.
Eitthvað yrði minna að gera í sláturhúsum
landsins ef ekki kæmu til fjallskil manna og
eftirleitir. Í eftirsafni orti Þórður Kárason á
Litla Fljóti:
Drjúgum jóar teygja tær
traust með hófa blökin,
nokkrir menn með tíkur tvær
tóku að hirða rökin.
Almennt held ég að það hafi verið húsfreyj-
um nokkurt metnaðarmál að nesta fjallmenn
sína nokkuð rausnarlega ásamt því að leitapel-
inn þótti sjálfsagður og gat raunar verið nauð-
synlegur ef menn lentu í vondum veðrum en
raunar því aðeins að notkun hans væri mjög í
hóf stillt. Um einhverja samferðamenn sína í
leitum kvað Þórður Kárason:
Skildi þetta ganga greitt
þó gott sé í meðlætinu
vilja rommið aðeins eitt
en ekki neitt af hinu.
Með þökk fyrir lesturinn,
Dagbjartur Dagbjartsson
Hrísum, 320 Reykholt
S 435 1189 og 849 2715
dd@simnet.is
Afmælistónleikar Haffa á
Brennistöðum
Héld tombólu fyrir RKÍ
Þessi duglegu krakkar; Bergþóra
Edda, Anna María, Kara Líf og Árni
Daníel gengu í hús á Akranesi og
seldu myndir sem þau teiknuðu sjálf.
Söfnuðu þau 4.922 krónum og færðu
RKÍ á Akranesi. „Rauði krossinn á
Akranesi þakkar þeim kærlega fyrir
framlagið,“ segir í tilkynningu. mm
Segir rangt að ekki sé til lausn
við álfta og gæsaplágu
Mikið hefur verið rætt og ritað
að undanförnu um vanda bænda
vegna ágangs gæsa og álfta á tún-
um og í kornrækt. Ítrekað hef-
ur komið fram að ekki sé til lausn
við vandanum. Jónas Björgvinsson
framkvæmdastjóri Fuglavarna.is
segir þetta rangt. „Við erum með
vistvænan búnað sem heldur gæs-
um og álftum frá kornökrum og
túnum á mannúðlegan hátt. Það er
ekki þörf á að skjóta fuglana. Bún-
aðurinn virkar vel þar sem hann
spilar aðvörunarhljóð fuglanna
sjálfra og því venjast fuglarnir ekki
búnaðinum. Fuglanir skynja að
það sé hætta á ferðum, treysta á
sína eðlisávísun og forða sér. Þess
vegna er ekki hægt að líkja búnað-
inum okkar við gasbyssur, fugla-
hræður eða að skjóta á þá sem eru
skammvinnar lausnir,“ segir Jónas.
Hann segir að með þessari lausn
sé hægt að halda fuglunum frá
kornökrum og túnum allan sólar-
hringinn án þess að skaða fuglana.
„Margir bændur eru með bún-
að frá okkur og hefur hann reynst
vel. Jafnframt eru fjölmörg sjáv-
arútvegsfyrirtæki, hafnir og bæj-
arfélög með búnaðinn og er fólk
mjög ánægt með hann,“ segir Jón-
as. Hann kveðst undrandi á frétta-
flutningi um vandann og að ekki
sé til lausn í ljósi þess að viðtöl
við sig hafa m.a. birst í Bænda-
blaðinu, Skessuhorni og í Landan-
um á RUV. „Það kemur því nokk-
uð á óvart að bændur virðast ekki
vita af okkar lausnum né aðrir fjöl-
miðlar,“ segir Jónas.
Hann segir búnaðinn hafa ver-
ið í notkun í yfir 25 ár í Bretlandi
með góðum árangri. Framleiðandi
búnaðarins er leiðandi í heimin-
um í fuglavarnabúnaði sem bygg-
ir á fyrrnefnum hljóðbúnaði. Bún-
aðurinn hefur verið notaður um
árabil út um allan heim í landbún-
aði t.d á vínekrum og kornökrum.
Fyrir utan landbúnað og sjávarút-
veg er búnaðurinn jafnframt not-
aður t.d. á golfvöllum, íþróttaleik-
vöngum og mörgum alþjóðleg-
um flugvöllum s.s. Gatwick, Heat-
hrow og Schiphol.
mm