Skessuhorn - 22.10.2014, Blaðsíða 27

27MIÐVIKUDAGUR 22. OKTÓBER 2014
Opnun fjöldahjálparstöðva ­
Eldað fyrir Ísland
Okkur í Rauða krossinum í Borgar-
firði langar til að þakka öllum þeim
sem komu að æfingunni við opn-
un fjöldahjálparstöðvar sl. sunnu-
dag. Rúmlega 300 íbúar Borgar-
byggðar, sumarhúsagestir og aðrir
gestir gerðu sér ferð í eina af þrem-
ur fjöldahjálparstöðvum sem við
opnuðum; á Bifröst, Hvanneyri og
í Borgarnesi, skráðu sig inn, þáðu
súpu og skráðu sig út. Kunnum við
þeim bestu þakkir fyrir. Með þessu
móti gátum við æft okkur í að setja
upp fjöldahjálparstöð, koma merk-
ingum fyrir, fara yfir tiltækan bún-
að, setja upp skráningarkerfi, vinna
á miðlægum gagnagrunni og með
fjarskiptatæki auk þess að huga að
öðrum fjölmörgum þáttum sem
nauðsynlegir eru í aðstæðum sem
þessum. Félag matreiðslumanna og
ýmsir styrktaraðilar gerðu okkur
kleift að bjóða upp á dýrindis súpu
og þökkum við Magnúsi kokki sér-
staklega fyrir hans framlag. Sjálf-
boðaliðar frá Rauða krossinum sem
tóku þátt í æfingunni voru um 30
talsins og er mikill styrkur fyrir okk-
ur á svæðinu að vita af þeim mann-
skap sem er tilbúinn að bregðast við
ef á þarf að halda. Bestu þakkir fyr-
ir daginn.
Elín Kristinsdóttir, formaður Rauða
krossins í Borgarfirði
Lítill munur á fjölda þjónustuþátta á
þéttbýlisstöðum á Vesturlandi
Byggðastofnun birti nýverið nið-
urstöðu könnunar um fjölda þjón-
ustuþátta í landinu. Þar kemur
fram að þjónustuþættir eru flest-
ir á þeim stöðum sem flesta hafa
íbúana og þar með á sömu stöðum
og flest ríkisstörf. Þetta er í gróf-
um dráttum niðurstaða könnunar
á staðsetningu þjónustustarfa fyr-
irtækja og samanburður á henni
og niðurstöðum á könnun á stað-
setningu starfa ríkisins sem birt-
ist á heimasíðu Byggðastofnun-
ar fyrr á árinu. Báðar kannanirn-
ar voru gerðar á þessu ári af lands-
hlutasamtökum sveitarfélaga og at-
vinnuþróunarfélögum á Norður-
landi eystra í samráði við Byggða-
stofnun. Meðal niðurstaða þessarar
nýju könnunar um fjölda þjónustu-
þátta er að lítill munur er á fjölda
þeirra milli þéttbýlistaða á Vestur-
landi. Þeir eru 50 á Akranesi, Borg-
arnesi 43, Hellissandi/Ólafsvík 41,
Stykkishólmi 37, Búðardal 33 og
Grundarfirði 30.
Margt annað er líkt með könn-
unum. Til dæmis var byggt á sömu
þéttbýlisstöðum í báðum könnun-
um. Könnun á staðsetningu þjón-
ustustarfa fyrirtækja náði til 58
þjónustuþátta, skipt í átta þjón-
ustusvið sem spanna bæði þjón-
ustu við fyrirtæki og einstaklinga.
Reykjavík hefur alla 58 þjónustu-
þætti og fjórir aðrir bæir hafa 50
þætti eða fleiri; Akranes, Akureyri,
Selfoss og Keflavík/Njarðvík. Í nið-
urstöðunum segir einnig að raunar
megi segja að Akranes og Keflavík/
Njarðvík séu undantekningar frá
reglunni sem nefnd er um samfall-
andi staðsetningu á starfsemi ríkis-
ins og þjónustufyrirtækja. Á báð-
um þessum stöðum eru starfsþætt-
ir ríkisins tiltölulega fáir. Annars
má lesa úr niðurstöðum að í hverj-
um landshluta er hið minnsta einn
bær með marga starfsþætti þjón-
ustufyrirtækja, 40 eða fleiri. Einnig
er bent á að niðurstöður könnun-
ar sem þessarar séu ekki óskeikular
og sumar byggjast á mati sem getur
verið umdeilanlegt. T.d. má nefna
að augnlæknar heimsækja reglulega
heilbrigðisstofnanir víða um land
en þeir teljast ekki með þar held-
ur þar sem þeir eiga fasta bækistöð.
Sama má segja um starfsemi bíla-
skoðunarfyrirtækja sem hafa fast-
ar bækistöðvar en skoða bíla á mun
fleiri stöðum. Niðurstöður könn-
unarinnar telur Byggðastofnun að
lýsi stöðu vel og hafa megi þær til
hliðsjónar við stefnumótun.
þá
Frá áhugahópi um velferð unglinga á Snæfellsnesi
Með stofnun Fjölbrautaskóla
Snæfellinga í Grundarfirði varð
breyting í samfélaginu okkar hér
á Nesinu sem hefur áhrif á okkur
öll. Fyrir utan það að fá unglingana
okkar „heim,“ sem þýðir m.a. minni
kostnaður fyrir heimilin, þá erum
við fyrst og fremst að fá „heim“
meiri og sterkari unglingamenningu
inn í samfélagið okkar. Við í áhuga-
hópi um velferð ungs fólks á Snæ-
fellsnesi viljum bregðast við á ábyrg-
an hátt. Okkar markmið er að vakta,
fræða og halda utan um líf og störf
ungmenna á aldrinum 13- 23 ára
og eru búsett á Snæfellsnesi. Þetta
er einskonar almannaheillahóp-
ur þar sem saman vinna fulltrúar
félagsþjónustu, lögregla, kirkjan og
heilsugæslan auk forvarnafulltrúa,
starfsmanna félagsmiðstöðva, full-
trúa bæjaryfirvalda, ásamt fulltrúum
frá skólakerfinu.
Við höfum nú þegar haldið nokkra
fundi og finnum mjög sterkt fyrir
því að það sé gott að tala saman og
bera saman bækur okkar. Við ræð-
um það sem brennur á okkur varð-
andi það sem er að gerast í heimi
barna og unglinga á Snæfellsnesi
og tengist okkar vinnu. Við skipt-
umst á upplýsingum um það sem
betur mætti fara og langar að koma
á enn meiri samvinnu okkar á milli
og framkvæma sameiginlega fræðslu
og fyrirlestra fyrir foreldra, börn og
unglinga þannig að allir græða. Við
höfum m.a. rætt mögulegan sam-
starfsvettvang fyrir hópinn á eftir-
farandi sviðum:
Sameiginlegir fyrirlestrar •
Starfskynningar og meiri teng-•
ing við fyrirtæki á svæðinu – sér-
staklega þau sem ráða ungt fólk í
vinnu.
Kortleggja Snæfellsnesið – hvað •
eru unglingarnir okkar að gera og
hvað geta þau gert meira?
Sameiginleg forvarnarstefna fyr-•
ir allt Snæfellsnes, jafnvel sameig-
inlegt fræðslusetur þar sem ung-
lingar og foreldar geta leitað til
fagaðila.
Mannauður á Snæfellsnesi, hver er •
hann? Hvernig getum við virkjað
hann hann betur í þágu unglinga
og ungs fólks.
Auka þarf hreyfanleika ungs fólks •
um Nesið þannig að þau geti um-
gengist hvort annað eftir skóla-
tíma og um helgar.
Opna FSN enn frekar fyrir ungt •
fólk. FSN er í miðjunni.
Bæjarhátíðir –eru einhverjar sér-•
stakar reglur? Gætum við gert
okkur sýnileg þar t.d. í samvinnu
við lögreglu?
Ungmennaráðin – eru þau virk? •
Getum við hjálpað til að þau vinni
meira saman?
Til þess að framkvæma þetta allt
þarf aðkomu bæjaryfirvalda í öllum
sveitafélögunum á Snæfellsnesi og
okkur langar að huga vel að þeirri
aðkomu sem væri jafnvel í formi
styrkja, hagnýtra upplýsinga og
góðu aðgengi að þeim sem stjórna
hverju sinni.
Til þess að þetta gangi upp þurfa
allir að vinna saman og raddir ung-
linga/ungs fólks og foreldra/að-
standenda þeirra þurfa að fá að
heyrast. Hugmynd er um að stofna
opinn fésbókarhóp þar sem allir
gætu séð hvað er að gerast hverju
sinni og fylgjast þannig betur með
því sem unglingar og ungt fólk er að
gera áamt því að koma með ábend-
ingar um það sem betur mætti fara
eða gera.
Við í velferðarhópnum teljum
það vera eitt af lykilatriðunum að
samvinna allra sem koma að því að
vinna með unglinga sé best til þess
fallin að ná árangri. Okkur sem
vinnum með ungu fólki og kom-
um að þeim með einhverjum hætti
langar að virkja samfélagið allt með
okkur til þess að unga fólkið okkar
komi út úr þessum áfanga lífs síns
ábyrgt, heilbrigt og glaðir einstak-
lingar. Breyttar aðstæður í samfé-
laginu okkar sem heitir Snæfells-
nes með grunnskólana okkar, fjöl-
brautaskólann, félagsmiðstöðvar,
íþróttafélög, skátana, björgunar-
sveitir og svo mætti lengi telja, þetta
kallar á breyttar áherslur gagn-
vart unga fólkinu okkar og ekki
má gleyma unga fólkinu sem telst
vera brottfallsnemendur - hvert
fara þau? Hvað getum við gert fyrir
þau þannig að þau verði virkir sam-
félagsþegnar sem við getum verið
stolt af.
Samábyrgð okkar í samfélaginu er
mikil og ef hlutirnir eru ekki í lagi
þá eigum við að hafa verkfærin klár
til að laga það sem laga þarf. Vel-
ferðarhópur í samvinnu við bæj-
aryfirvöld, foreldrana, unga fólkið
og alla hina sem vilja láta sig mál-
ið varða verða því öll að vera á tán-
um um að láta vita! Látum fagaðila
vita ef við sjáum eitthvað sem við
viljum ekki að viðgangist í samfé-
lagi okkar. Við höfum fagfólkið til
að taka þau mál lengra – við eigum
ekki að þagga niður hluti sem hægt
er að kom í veg fyrir. Vinnum sam-
an t.d. gegn ofbeldi, útbreiðslu eit-
urlyfja og almennri vanlíðan unga
fólksins okkar ásamt því að efla það
sem vel er gert. Velferðahópurinn
er ein leið og okkar von er sú að við
fáum brautargengi til þess að vinna
á þennan hátt í samfélaginu okkar.
Vinnum saman að því að gera gott
samfélag unga fólksins okkar enn
betra.
Allar ábendingar eru vel þegn-
ar og langar okkur að benda ykkur
á að snúa ykkur til einhverrar þeirra
þjónustustofnana sem nefndar eru
hér að ofan með ábendingar um
það sem betur mætti fara í samfélagi
okkar eða með hugmyndir um eitt-
hvað skemmtilegt, fræðandi og upp-
byggilegt okkur til handa.
Áhugahópur um velferð ungs fólks á
Snæfellsnesi.
Svipmynd frá Þemadögum í FSN. Ljósm. tfk.
www.skessuhorn.is
Á þriðja þúsund síður af efni á ári – um 160.000 fréttir, tilkynningar, greinar og annað efni af Vesturlandi
Þetta allt færðu í Skessuhorni – hvergi annars staðar
Ertu nokkuð að missa af? Ertu áskrifandi?
Áskriftarsíminn er 433-5500 og á heimasiðunni: www.skessuhorn.is