Fréttatíminn - 08.08.2014, Blaðsíða 50

Óðinn Jónsson, Hrafnhildur Halldórsdóttir og Guðrún Sóley Gestsdóttir stýra nýjum morgunþætti
á samtengdum útvarpsrásum RÚV, Morgunútgáfunni. Auk þeirra leggja stjórnendur Landans og
Bogi Ágústsson sitt af mörkum. Ætlum að slá nýja tóna, segir Óðinn.
É g held að ég leyfi mér að segja að þetta sé metn-aðarfyllsta atlaga okkar
að morgnunum í langan tíma,“
segir Óðinn Jónsson, fyrrum frétta-
stjóri RÚV, sem stýra mun nýjum
morgunþætti á samtengdum rásum
1 og 2 í vetur.
Þátturinn kallast Morgunút-
gáfan og við hlið Óðins verða þær
Hrafnhildur Halldórsdóttir og
Guðrún Sóley Gestsdóttir. Auk
þeirra leggur fjöldi annarra dag-
skrárgerðarmanna hönd á plóg, til
að mynda Bogi Ágústsson, ritstjórn
Landans og starfsfólk RÚV á lands-
byggðinni.
„Við hugsum okkur að Morgun-
útgáfan sé vettvangur til að koma
landsmönnum í samband við dag-
inn, að koma á framfæri því helsta
í heiminum og hér heima,“ segir
Óðinn. Hann segir að þar sem þátt-
urinn verði bæði sendur út á Rás
1 og Rás 2 þurfi að þjóna breiðum
hópi hlustenda. Því er lagt upp með
að sem flest dagskrárgerðarfólk
stofnunarinnar vinni efni fyrir þátt-
inn. „Það er engin tilviljum að við
gefum þættinum þetta tiltölulega
hlutlausa nafn; þetta á að vera vett-
vangur fyrir okkur á RÚV í heild
að sýna hvað
við getum
og hvað
við höfum fram að færa. Það er öfl-
ugur mannskapur hérna og ég vona
að þessi þáttur muni endurspegla
kraftinn í starfsfólkinu.“
Morgunútgáfan verður tveggja
og hálfs tíma þáttur, frá klukkan
6.30 til 9 á morgnana á virkum
dögum. Óðinn segir að þetta verði
nútímaþáttur í klassísku útvarpi.
„Við byggjum á löngum og góðum
hefðum en ætlum líka að slá nýja
tóna. Enda þurfum við að ná til
nýrra kynslóða sem hefur vefinn
sem sinn fyrsta miðil. Þetta verður
því gamla góða útvarpið en svo
munum við auðvitað miðla efninu
eftir þeim leiðum sem komnar eru,
samskiptasíðum, sérstakri vefsíðu,
hlaðvarpi og öllu slíku.“
Nýi þátturinn fer í loftið fimmtu-
daginn 28. ágúst og er Óðinn kom-
inn á fullt við undirbúning hans
eftir „ítarlegt frí“ sem hann tók sér
þegar hann lét af starfi fréttastjóra
í vor. Hann kveðst vera tilbúinn í
slaginn.
„Já, við erum með metnaðarfull
áform enda erum við að keppa við
öflugan þátt á Bylgjunni sem er
vinsæll og við berum fulla virðingu
fyrir. En við ætlum að gera hlutina
öðruvísi og vonum að það falli í
góðan jarðveg.“
Höskuldur Daði Magnússon
hdm@frettatiminn.is
Gamli fréttastjórinn
tekur morgunvaktina
Óðinn Jónsson stýrir Morgunútgáfunni á samtengdum rásum útvarps í vetur. Honum til halds og trausts verða Hrafnhildur Hall-
dórsdóttir, sem er „reynslumikil útvarpskona“, og Guðrún Sóley Gestsdóttir sem er „gríðarlega efnilegur nýliði sem þó hefur
sannað sig í útvarpi og sjónvarpi,“ eins og Óðinn orðar það. Myndir/Ragnar Visage
 Fjölmiðlar Óðinn jÓnsson stýrir morgunútgáFunni í vetur
Fólk á ferðinni
Þegar Óðinn og hans fólk fer í loftið í lok mánaðarins
verða breytingar á högum nokkurra útvarpsmanna
í Efstaleiti. Bergsteinn Sigurðsson, sem stýrt hefur
Morgunútvarpinu síðan í haust, tekur við Síðdegisút-
varpinu á Rás 2. Kjartan Guðmundsson, sem starfað
hefur með Bergsteini, færist yfir á Rás 1 þar sem hann
mun stjórna tónlistarþætti. Þá mun Guðrún Gunnars-
dóttir, sem að undanförnu hefur stýrt Síðdegisútvarp-
inu, aftur hverfa til starfa á Rás 1 þar sem hún og
Magnús R. Einarsson stýra saman nýjum þætti.
Strákarnir í Grísalappalísu verða á
Pönki á Patró um helgina.
Grísalappalísa á Pönki á Patró
Pönk á Patró verður haldið
í Sjóræningjahúsinu á
Patreksfirði í sjötta sinn
á morgun, laugardag.
Að þessu sinni eru það
dj. flugvél og geim-
skip (Steinunn Eldflaug
Harðardóttir) og hljóm-
sveitin Grísalappalísa sem
ætla að skemmta ungum
sem öldnum. Upphitun
verður á föstudagskvöld
með sundlaugarpartíi í
sundlaug Patreksfjarðar.
Að sögn Jóhanns
Ágústs Jóhannssonar
skipuleggjenda er venju
samkvæmt um að ræða
tvískipta dagskrá. „Börn og
unglingar eru í forgrunni
og markmiðið er að svala
rokkþörfum þeirra og gefa
þeim kost á að upplifa
nýja hluti, njóta tón-
listar á sínum forsendum
á skemmtilegum stað og
kynnast í leiðinni tón-
listarfólkinu,“ segir Jóhann.
Dagurinn hefst með tón-
listarsmiðju, svo er boðið
upp á hressingu og að
henni lokinni eru tónleikar
með Grísalappalísu og dj.
flugvél og geimskip fyrir
krakkana en þeir hefjast
klukkan 15.
Frítt er inn á alla dag-
skrá og tónleika dagsins
fyrir börn og unglinga 15
ára og yngri en inn á kvöld-
tónleikana kostar 2500
krónur fyrir fullorðna en
þeir byrja um klukkan 21.
Grísalappalísa og dj.
flugvél og geimskip bætast
á ansi myndarlegan lista
hljómsveita sem spilað
hafa á Pönki á Patró en þar
má finna fyrir Skálmöld,
Pollapönk, Diktu, Prinspóló
og Amiinu.Græjaðu
skólann!
Borgartúni 37 / Kaupangi Akureyri / nyherji.is/skolatolvur
Lenovo Yoga 2 13,3”
Verð: 154.900 kr.
Spjald- eða fartölvu?
Sameinaðu kosti beggja
með einni græju.
360
Lenovo G50 15,6”
Verð: 54.900 kr.
Stílhrein námstölva
á frábæru verði.
Lenovo Yoga 10” HD+
Verð: 51.990 kr.
Skærasta stjarnan á svæðinu.
Með innbyggðum standi. 18 klst.
Allt sem námsmaðurinn þarf
50 menning Helgin 8.-10. ágúst 2014