Fréttatíminn - 08.08.2014, Blaðsíða 54

 Sjónvarp Tökur á SenSe8 undirbúnar á ÍSlandi
Íslenskir leikarar í þáttum Wachowski-systkinanna
Höskuldur Daði
Magnússon
hdm@
frettatiminn.is
Íslenska framleiðslufyrirtækið
TrueNorth undirbýr nú tökur á nýj-
um sjónvarpsþáttum Wachowski-
systkinanna hér á landi. Tökurnar
hefjast á næstu dögum. Leifur B.
Dagfinnsson, framleiðandi hjá True-
North, vildi ekki tjá sig um þetta
verkefni þegar Fréttatíminn leitaði
eftir því.
Um er að ræða athyglisverða þætti
sem Wachowski-systkinin, Lana og
Lawrence, gera með J. Michael Strac-
zynski. Þættirnir kallast Sense8 og
gerast í átta borgum. Netflix hefur
þegar keypt réttinn af þáttunum.
Ein af aðalpers -
ónunum átta er
veisluglöð íslensk
stúlka. Á tímabili
stóð til að íslensk
leikkona fær i
með hlutverk
hennar en svo
fór að banda-
r í s k l e i k -
kona hreppti
hnossið.
Hins vegar
hafa far-
ið f ram
prufur fyrir íslenska leikara vegna
hlutverka í þáttunum. Samkvæmt
upplýsingum Fréttatímans liggur
enn ekki fyrir hverjir fá hlutverk
í þáttunum.
Talið er að tökurnar hér á landi
standi í eina til tvær vikur. Áður
hefur komið fram í fjölmiðlum að
tökuliðið komi aftur í október til
að ná íslenskum vetri og norður-
ljósunum í mynd.
Wachowski-systkinin eru þekkt-
ust fyrir að hafa skrifað handrit
Matrix-myndanna, V For Vendetta
og Cloud Atlas.
Wachowski-systkinin, Lana
og Lawrence, undirbúa
nú tökur á nýjum sjón-
varpsþáttum hér á landi í
samvinnu við TrueNorth.
Ljósmynd/NordicPhotos/Getty
 Fjölmiðlar magnúS geir brýTur niður veggi og núTÍmavæðir rúv
Fimm mánuðir eru síðan Magnús Geir Þórðarson tók við starfi útvarpsstjóra. Hann hefur flutt
skrifstofu sína úr turni útvarpshússins og vinnur nú að því að brjóta niður veggi milli starfs-
fólks og miðla Ríkisútvarpsins. Starfsfólk getur nú slakað á í nýjum sófum undir bláum ljósum.
Þ að er verið að gera ýmsar breyt-ingar á starfsemi Ríkisútvarpsins. Hingað er komið nýtt fólk með nýjar
áherslur og við erum rétt byrjuð á þessari
spennandi vegferð,“ segir Magnús Geir
Þórðarson útvarpsstjóri.
Fimm mánuðir eru nú liðnir síðan Magn-
ús Geir tók við starfi útvarpsstjóra og starfs-
fólk RÚV er farið að finna fyrir breyttum
áherslum. Fyrsta verkefni Magnúsar var
að endurnýja alla yfirstjórn félagsins þegar
hann réð inn nýja framkvæmdastjórn sem
samanstendur af jafn mörgum konum og
körlum. Þá kynnti hann að innlend gæða-
framleiðsla yrði sett á oddinn auk þess sem
aukin áhersla yrði lögð á barnaefni, öflugri
miðlun á netinu, jafnrétti, opið samtal um
Ríkisútvarpið og bætta þjónustu við lands-
byggðina.
Eins og kunnugt er verða efstu tvær hæð-
ir Útvarpshússins leigðar út og því hefur
Magnús komið sér fyrir á skrifstofu meðal
almennra starfsmanna. Samfara þessum
breytingum hafa verið sett upp blá ljós í
loftin og starfsfólk getur nú slakað á í ný-
móðins sófum og við barborð. Enginn er þó
barinn, enn sem komið er alla vega. Þykja
þessir nýju innanstokksmunir bera smekk-
vísi útvarpsstjóra gott vitni.
„Fyrst og fremst erum við að gera breyt-
ingar á vinnustaðnum til að skapa dýna-
mískara og frjórra umhverfi,“ segir Magn-
ús Geir um þessar breytingar. Hann segir
jafnframt að breytingar á umhverfi starfs-
fólksins muni styðja við dagskrárbreytingar
sem unnið sé að. „Markmiðið er að nýta
betur þann mikla slagkraft sem býr í okk-
ar frábæra starfsfólki, auka flæðið á milli
fólks og miðla. Nú er búið að brjóta niður
veggi og færa fólk saman. Við vonumst til
að samtalið verði opnara og vinnustaðurinn
skemmtilegri.“
Hitt markmiðið er, að sögn Magnúsar
Geirs, fjárhagslegs eðlis. „Við erum að
gera miklar breytingar á starfsemi RÚV
og miða þær allar að því að sem mest af
okkar fjármunum nýtist beint í dagskrá en
sem minnst fari í umbúðir eins og húsnæði,
tækni og þess háttar. Húsnæðið var einfald-
lega óþarflega stórt og dýrt. Því fannst okk-
ur liggja beint við að losa þar um. Með því
leigja út efstu tvær hæðirnar skapast bæði
leigutekjur og rekstrarkostnaður lækkar.
Ávinningurinn af því eins og öðrum breyt-
ingum nýtist svo til að bæta dagskránna.“
Hvenær má búast við því að landsmenn
verði varir við breyttar áherslur nýrra
stjórnenda á RÚV?
„Það er allt á fleygiferð, skal ég segja
þér, og margar breytingar í farvatninu.
Einhverjar áherslubreytingar verða þegar
sýnilegar þegar haustdagskráin fer í gang
en annað hefur lengri meðgöngutíma. Við
erum mjög bjartsýn og hlökkum til að
kynna fjölbreytta og spennandi vetrardag-
skrá í öllum miðlum.“
Hvernig hefur starfsfólk tekið þessum
breytingum?
„Hér er frábær hópur starfsfólks sem hef-
ur tekið þessum breytingum fagnandi enda
er öllum ljóst að fjölmiðill á að vera lifandi
og á sífelldri hreyfingu. Starfsfólk RÚV
hefur ástríðu fyrir því sem það er að gera
og við ætlum að gera gott RÚV enn betra.“
Og hvernig líður þér á nýju skrifstofunni?
„Þó útsýnið hafi verið með eindæmum
fallegt á fimmtu hæðinni, þá get ég ekki
líst því hvað það á miklu betur við mig að
vera hér í hringiðunni, innan um fólk. Þetta
er miklu meira gefandi og skemmtilegra,“
segir Magnús Geir.
Höskuldur Daði Magnússon
hdm@frettatiminn.is
Við ætlum
að auka
flæði
á milli
miðla og
færa fólk
saman.
Það skap-
ast alltaf
hagræði
þegar það
er styttra
á milli
fólks.
Líður betur eftir að ég
flutti af lúxusskrifstofunni
Dorrit í afmæli Jóns Ólafs
Athafnamaðurinn Jón Ólafsson fagnaði sextugsafmæli
sínu í Hörpu á miðvikudagskvöld. Um þrjú hundruð
manns var boðið í veisluna og nutu gestirnir þriggja
rétta málsverðar og skemmtiatriða. Forsetahjónin,
Ólafur Ragnar Grímsson og Dorrit Moussaieff, voru
meðal gesta en meðal þeirra sem héldu ræður
voru Einar Kárason rithöfundur, sem skrifaði
ævisögu Jóns fyrir nokkrum árum, og synir
Jóns en athygli vakti að þeir fluttu sína ræðu á
ensku. Pálmi Gunnarsson og Laddi sungu
með Brunaliðinu, Högni Egilsson spilaði
undir á píanó fyrir Helga Björnsson,
Stuðmenn tróðu upp en fyrstur á svið
var þó Geir Ólafsson.
Þrjár messur
á viku
Enski boltinn fer aftur að rúlla um næstu
helgi og munu Gummi Ben og hans menn
á Stöð 2 Sport 2 bjóða upp á mun veglegri
umfjöllun í vetur en áður hefur verið. Auk
þess að sýna alla leikina í beinni verða
þrjár Messur á viku, einn spjallþáttur og
klukkutíma upphitunarþáttur á hverjum
laugardegi. Samkvæmt upplýsingum
Fréttatímans verða Ríkharður Daðason
og Bjarni Guðjónsson meðal álitsgjafa í
þáttunum í vetur.
Brennivínið ekki
lengur grænt
Íslenska brennivínið fær nýtt útlit í tilefni
80 ára afmælis þess. Flaskan
góðkunna verður hér eftir
glær en hefur verið græn um
áratugaskeið. Svarti miðinn
fær að halda sér en er núna úr
pappa í stað plasts. Myndin af
Íslandi er nú fyllt í stað hvítra
útlína og Vestmannaeyjar
eru loks komnar á sinn
stað. Það var Hjalti
Karlsson sem hannaði
nýtt útlit Brennivíns-
ins. Hann starfar sem
kunnugt er í New York
og hlaut á síðasta ári
hin eftirsóttu og virtu
Söderberg-verðlaun
í Svíþjóð þar sem
tæpar nítján miljónir
króna komu í hans
hlut. Þess má geta
að sýning á verkum
Hjalta í Hönnunar-
safni Íslands stendur nú yfir og mun gera
til 20. október.
www.siggaogtimo.is
Demantshringur 0.70ct
Verð 680.000.-
54 dægurmál Helgin 8.-10. ágúst 2014