Fréttatíminn - 24.10.2014, Blaðsíða 6

 Heilbrigðismál Verkfall lækna Hefst á mánudag
Læknar boða til verkfalls í fyrsta sinn síðan þeir fengu verkfallsrétt fyrir tæpum þrjátíu árum
síðan. Ástæðan er landflótti lækna vegna slæmra aðstöðu og kjara, samkvæmt Þorbirni Jónssyni,
formanni læknafélags Íslands. Allar valaðgerðir munu frestast vegna verkfallsaðgerða en öllum
bráðaaðgerðum verður sinnt.
Verkfall lækna afleiðing
bágra kjara og landflótta
V erkfall lækna verður framkvæmt í tveggja daga hollum þar sem ákveðnir hópar lækna skiptast á
að fara í verkfall tvo daga í senn. Aðgerð-
ir Læknafélags Íslands (LÍ) eru boðaðar
frá og með 27. október til og með 11.
desember en aðgerðir Skurðlæknafélags
Íslands (SKÍ) eru boðaðar frá og með 4.
nóvember til og með 11. desember. Þetta
þýðir að aðgerðir félaganna munu skar-
ast á 4.–6. nóvember, 18.–20. nóvember
og 9.–11. nóvember.
Launin verða að vera
samkeppnishæf
Þorbjörn Jónsson, formaður Læknafé-
lags Íslands, segir lækna mjög ósátta við
að hafa haft lausa samninga í níu mán-
uði, það sé allt of langur tími. En megin-
ástæða þess að farið sé í verkfallsaðgerð-
ir núna sé flótti lækna frá landinu vegna
lélegs aðbúnaðar og kjara.
„Það teljum við að leysist ekki nema
að launin verði samkeppnishæfari. Heil-
brigðisráðherra hefur tekið undir þetta
með okkur svo ég tel að það sé skilning-
ur á þessu máli.“
Verða að nýta verkfallsvopnið
Þorbjörn segir að erfitt sé að meta að
svo stöddu hvaða tilfellum verði sinnt og
hverjum ekki þar sem hver sjúklingur sé
einstakur.
„Allar valaðgerðir, sem settar eru upp
langt fram í tímann, munu frestast, en
öllum bráðum veikindum sem þarf að
sinna, hvort sem það er með bráðaað-
gerð eða ekki, verður sinnt. Í lögum er
talað um að þeir sem sinna nauðsyn-
legustu heilbrigðis þjónustu séu undan-
þegnir verkfallsboðuninni. Það verður
á borði hvers læknis að meta það. Við
viljum alls ekki ógna öryggi sjúklinga
en verkfallsvopnið hjá okkur, eins og hjá
öllum öðrum stéttum, er að veita ekki
þjónustu. Í þessu tilfelli eru það sjúkling-
ar sem líða fyrir það.“
Þorbjörn gat ekki gefið upplýsingar
um þær skurðaðgerðir sem frestast
vegna verkfallsaðgerða, það sé ólöglegt
þar sem verkfall er ekki enn hafið.
Halla Harðardóttir
halla@frettatiminn.is
Bæði stéttarfélög lækna,
Læknafélag Íslands og
Skurðlæknafélag Íslands
samþykktu með afgerandi
meirihluta fyrirhugaðar
verkfallaðgerðir sem
munu hefjast þann 27.
október næstkomandi.
Í kosningunni tóku 80%
félagsmanna LÍ þátt og
95% samþykktu aðgerðir.
Alls 94% félagsmanna
SKÍ tóku þátt og 96%
samþykktu aðgerðirnar.
Þetta er í fyrsta sinn sem
læknar hérlendis boða til
verkfalls.
Verkfallsdagar hjá Skurðlæknafélagi Íslands verða í þremur hollum eftirtalda daga; 04.11.– 06.11, 18.11–20.11 og 09.12–11.12.
Ljósmynd/Hari
 mannréttindi einstakur árangur erlu Hlynsdóttur
Önnur konan til að vinna tvö mál
Þann 21. október síðastliðinn
vann blaðakonan Erla Hlyns-
dóttir mál fyrir Mannréttinda-
dómstól Evrópu. Samkvæmt
niðurstöðu dómstólsins var
vegið að frjálsri tjáningu blaða-
konunnar og frelsi fjölmiðla.
Málið snerist um ummæli við-
mælenda hennar um eiginkonu
Guðmundar Jónssonar sem
rak meðferðarheimilið Birgið
á þeim tíma, en fréttin birtist í
DV árið 2007. Þetta er í annað
sinn sem Erla vinnur mál gegn
íslenska ríkinu hjá Mannrétt-
indadómstólnum og er hún
önnur manneskjan í sögunni til
að gera það.
Gunnar Ingi Jóhannsson lög-
maður Erlu segir ekki auðvelt
að koma málum að í dómstóln-
um. „Það koma um 60.000 mál á
ári í dómstólinn og af þeim eru
aðeins um 4% mála sem enda
með dómi en hinum er vísað
frá. Það að sami einstaklingur
hafi ekki aðeins fengið dóm í
tveimur málum heldur unnið
þau bæði er einstakt. Þetta er
mjög sérstakt og segir okkur
það að hún hafi haft mjög góðan
málstað,“ segir Gunnar Ingi.
Á síðasta áratug hafa átta
dómar fallið gegn íslenska rík-
inu hjá Mannréttindadómstól
Evrópu. Í flestum tilfellum er
um að ræða dóma Hæstaréttar
sem Mannréttindadómstóllinn
hefur fundið að. -hh
Erla Hlynsdóttir, blaðakona hjá Frétta-
tímanum, vann sitt annað mál gegn
íslenska ríkinu í vikunni.
R E Y K J AV Í K | A K U R E Y R I
í Höllinni!
6 fréttir Helgin 24.—26. október 2014