Fréttatíminn - 28.11.2014, Qupperneq 46

46 fjallahjól Helgin 28.-30. nóvember 2014
 Ævintýri Einstök hjólafErð til los angElEs
Ekki viss um að ég endurtaki
25 tíma sólarhringinn
EXPOSURE TRACE LJÓSASETT
Verð: 21.990 kr.
Ótrúlega létt og lipurt ljósasett
með USB hleðslutengi.
SPECIALIZED DEFLECT HANSKAR
Verð: 9.990 kr.
Vindheldir, fóðraðir og með endurskini
og Wiretap gómum fyrir snertiskjái.
PROVIZ REFLECT360 JAKKI
Verð: 16.990 kr.
Eitt, stórt endurskinsmerki. Það er ekki
séns að bílstjórar sjái þig ekki í þessum.
SPECIALIZED DEFROSTER TRAIL
Verð: 34.990 kr.
Vatnsheldir og fóðraðir með Thinsulate til að
halda fótunum þínum þurrum og hlýjum.
SPECIALIZED DIVERGE
COMP SMARTWELD
Verð: 399.990 kr.
Diverge er hannað til að takast á við allar tegundir
vega og hafa betur. Smartweld stell, koltrefjagaffall,
Shimano 105 skipting, vökva-diskabremsur.
SÉRÐU MIG NÚNA?
Allt fyrir veturinn í Kríu.
Kría hjól ehf // Grandagarður 7 // 101 Reykjavík
s íðastliðið vor bauðst mér og félaga mínum, Emil, að fara til Bandaríkjanna í nóvem-
ber og taka þátt í einstakri hjóla-
ferð um Los Angeles, Las Vegas
og Utah, auk heimsóknar í höfuð-
stöðvar Specialized í Morgan Hill.
Okkur leist vel á að enda hjólatíma-
bil sumarsins með þessum hætti. Í
Zion þjóðgarðinum í Utah fóru fram
lengstu sólarhringskapphjólreiðar
sem sögur fara af, en ástæðan er
sú að keppnin fór fram á þeim degi
sem klukkunni er breytt og því er
hjólað samfleytt í 25 klukkutíma.
Þetta hljómaði eins og áskorun sem
við gátum ekki hafnað, svo auðvitað
skráðum við okkur.
Undibúningurinn fyrir ferðina
gekk ekki eins og best verður á kos-
ið sökum tímaskorts og því einbeitti
ég mér meira að andlegum undir-
búningi frekar en líkamlegum. Ég
er vanur því að ganga í gegnum alls
konar sársauka við hinar ýmsu lík-
amlegu athafnir svo ég hugsaði að
þetta yrði lítið mál, sérstaklega með
jafn öflugan félaga mér við hlið eins
og Emil er.
Eftir óþarflega langt og strangt
ferðalag, sökum tafa og umferðar-
teppu, komum við á áfangastað rétt
fyrir myrkur og náðum að taka út
hjólabrautina í Zion sem við eyddum
svo næsta sólarhring hringsólandi
á. Brautin er 20,6 kílómetra löng
og skipta má henni í þrjá hluta. Í
fyrsta hlutanum var stöðug hækk-
un á tvöfaldri braut, í öðrum hluta
brautarinnar var hjólað niður í móti
á einfaldri braut sem einkenndist
af bröttum, hlykkjóttum vegum.
Síðasti hluti brautarinnar saman-
stóð svo af erfiðum malarvegi með
miklu grjóti. Ég skrifaði því á bak
við eyrað: Ekki vera þreyttur í þriðja
hlutanum!
Pökkuðum helst til frjálslega
Keppnisdagurinn rann upp, bjartur
og fagur. Það entist hins vegar ekki
lengi því mikil óveðursský nálguð-
ust okkur jafnt og þétt. Sú staðreynd
að við höfðum pakkað heldur frjáls-
lega hjálpaði heldur ekki til á þessum
tímapunkti. Engin regnfatnaður var
til að mynda með í för. En keppnin
hófst og Emil hjólaði fyrsta hringinn.
Ég ákvað að tileinka mér hugsun
skjaldbökunnar í stað hérans, enda
var markmiðið ekki í sjálfu sér að
vinna keppnina, heldur að halda sér
á brautinni í heilar 25 klukkustundir.
Við fundum fljótlega taktinn og hjól-
uðum sitt hvorn hringinn til skiptis.
Hvíldarhringurinn einkenndist svo-
sem ekki af mikilli hvíld, heldur fór
hann í að troða sig út af orkuhlaupi,
banönum, rúsínum, orkudrykkjum
og vatni.
Allt gekk að óskum þar til myrkr-
ið skall á með rigningu í þokkabót.
Búandi á Íslandi töldum við okkur
fullbúna til að takast á við smá rign-
ingu en þetta reyndi virkilega á and-
legan styrk, frekar en líkamlegan.
Til allrar hamingju hafði ég slysast
til að pakka vetrarhjólabuxunum
mínum sem reyndust mjög vel í síð-
asta hluta brautarinnar því rigning-
in gerði það að verkum að brautin
breyttist í eitt allsherjar drullusvað.
Í myrkrinu unnum við marga litla
persónulega sigra. Það að pína sig
upp úr blautum svefnpokanum,
hlustandi á dropana dynja á tjaldinu
til þess að hjóla rúma 20 kílómetra í
myrkri og drullu er til dæmis ótrú-
legt afrek út af fyrir sig.
Frábær lífsreynsla
Þegar sólin kom upp að nýju hætti
að rigna og við gáfum okkur örstutt-
an tíma til að spjalla við annað lið
sem samanstóð af fjórum keppend-
um. Eftir þessa 22 klukkutíma var
hver þeirra búinn að hjóla tvo hringi
á meðan ég var að leggja af stað í
minn sjöunda. Þessi staðreynd gaf
mér hins vegar auka kraft og átt-
undi og síðasti hringurinn minn
varð sá besti og okkur tókst að ljúka
keppni. Niðurstöðurnar komu okk-
ur líka skemmtilega á óvart, en við
enduðum í þriðja sæti í okkar flokki
með því að ljúka 16 hringjum.
Þessi ferð var frábær lífsreynsla,
en ég er ekki viss um að ég myndi
endurtaka 25 klukkutíma hjólreið-
arnar, en í staðinn líður mér eins
og ég færi létt með að hjóla stans-
laust í hálfan sólarhing. Utah er án
efa staður sem við verðum að heim-
sækja aftur, og þá skoða ég mig
kannski betur um og sleppi því að
hjóla sama hringinn átta sinnum.
David Robertson
Formaður hjólreiðanefndar ÍSÍ
ritstjorn@frettatiminn.is