Þjóðlíf - 01.04.1991, Blaðsíða 27

Það gengur bctur að selja lifandi hvali en dauða nú um stundir.
eftir voru af afrakstri herferðarinnar „SOS
Björgum hvölunum", auk þess sem WWF
hefur lofað að útvega CSVD aðrar 30 mill-
jónir.
CSVD hyggst nota ágóðann af hinum
„stolnu hvölum“ til að fjármagna verkefni
um hvalatúrisma og hvalarannsóknir við
Andenes í Noregi. Við Andenes finnast
stórir stofnar af hrefnum, háhyrningum
og búrhvölum. Það er ekkert sem bendir
til að tilvist hvalastofnanna sé á neinn hátt
ógnað. Þeir sem studdu herferð WWF
með fjárframlögum hafa því góðar og gild-
ar ástæður fyrir að finnast þeir vera illa
sviknir.
I herferð sinni „SOS—Björgum hvöl-
unum“ leitaði WWF bæði til fyrirtækja og
einstaklinga. En það er stór munur á
hvernig samtökin bera fram mál sitt fyrir
stjórnendur fyrirtækja og fyrir venjulega
launþega. í bréfum WWF til stjórnenda
fyrirtækja er um að ræða bláköld viðskipti
—arðbært samstarf fyrir báða aðila. „ Með
því að taka að ykkur hval mun fyrirtækið
verða orðað við WWF sem í tæp þrjáu'u ár
hefur barist fyrir umhverfismálum í öllum
heiminum... Við erum vissir um að þér
getið komið auga á þá möguleika sem opn-
ast fyrir fyrirtæki yðar taki það að sér
hval“.
I bréfum samtakanna til einstaklinga er
slegið á allt aðra strengi. Þar er höfðað til
tilfinninga og settar fram fullyrðingar um
yfirvofandi hættu á algerri útrýmingu
hvala.,, Þetta er bæn mín til þín um hjálp.
Neyðaróp frá risum hafsins sem eiga til-
vist sína undir því komna að hvalveiðar í
hagnaðarskyni verði ekki teknar upp að
nýju... .Ertu sammála okkur um að heim-
ur án hvala verði fátækari heimur fyrir
börnin þín?....Þú getur hjálpað WWF að
bjarga hvölunum...Styddu okkur fjár-
hagslega. Taktu að þér hval...Styddu
okkur! Og styddu okkur nú...Skilningur
og samúð nægir ekki. Við þörfnumst bein-
harðs fjárhagslegs stuðnings frá ÞER!“
WWF fullyrðir að tilvist allra hvala í
heimshöfunum sé í hættu sem er vægast
sagt ósannindi. I alþjóðahvalveiðiráðinu
þar sem verndunarviðhorf ráða algerlega
ríkjum þarf samþykki 3/4 hluta ráðsins til
að afnema það veiðibann sem nú er í gildi.
Auk þess hefur ráðið ákveðið að stofnar
sem eru undir 54% af sinni upprunalegu
stærð skuli vera friðaðir. Sérfræðingar eru
sammála um að það þurfi meiriháttar um-
hverfisslys með algerri eyðileggingu á lífs-
skilyrðum í höfunum til að útrýma hvöl-
unum.
I' heimi viðskipta fölna oft fagrar hug-
sjónir þegar peningarnir eru lagðir á
borðið. Og umhverfisverndarbransinn er
engin undantekning. Stórfyrirtæki með
mengaðaðan orðstír geta gegn hæfilegri
greiðslu auglýst sig með hjálp WWF sem
sérstaklega umhverfismeðvituð fyrirtæki.
Danska olíufyrirtækið Statoil Danmark
hefur borgað 10 milljónir fyrir að fá að
tengjast WWF á jákvæðan hátt. Statoil og
WWF fóru af stað með auglýsingaherferð
með það markmið að stuðla að björgun á
24 dýrategundum í útrýmingarhættu (þar
af 2 hvalategundum) — og að sjálfsögðu að
auka sölu á framleiðsluvörum Statoil. í
auglýsingunum mátti lesa slagorðið
„Fylltu tankinn með Statoil og horfðu í
augun á hval“. Það er ansi hætt við að
Statoilkúnninn eigi erfitt með að horfast í
augu við hval hafi hann kynnt sér hvaða
álit norsk umhverfisverndarsamtök hafa á
Statoil. Statoil sem er stærsta olíufyrir-
tækið á Norðursjónum hefur við olíuleit
stundað svokallaðar seismiskar rannsókn-
ir sem drepa og flæma burt fisk á stórum
svæðum.
amkvæmt skýrslu WWF geta seism-
ískar rannsóknir einnig haft skaðvæn-
leg áhrif á hvali; hvalirnir flýja frá þeim
svæðum sem rannsóknirnar fara fram á.
Norsk hafverndar og umhverfissamtök
krefjast þess að hinum seimísku rann-
sóknum verði hætt nú þegar og ekki tekn-
ar upp að nýju fyrr en rannsóknir hafi sýnt
fram á að þær ógni ekki lífríki í hafinu.
Statoil hefur því góðar og gildar ástæður
fyrir því að óska eftir hreinum og grænum
orstír.
Hjá stóru strákunum og stelpunum í
umhverfisverndarbransanum virðist sem
tilgangurinn helgi öll meðöl. En háleit
markmið gera rangfærslur og vafasöm við-
skipti með náttúruna ekki að betri vöru.
0
ÞJÓÐLÍF 27